ಆನ್​ಲೈನ್​ನಲ್ಲಿ ಅರಳಿದ ಪ್ರೀತಿ, ಪ್ರಿಯಕರನ ಅರಸಿ ಆಸ್ಟ್ರೇಲಿಯಾದಿಂದ ಅಮೇಜಾನ್​ ಕಾಡಿಗೆ ಹೋದ ಯುವತಿ

ಭಾಷೆ, ಧರ್ಮ, ಅಂತಸ್ತು ಎಲ್ಲವನ್ನೂ ಮೀರಿದ್ದು ಪ್ರೀತಿ ಎಂಬುದು ಅಕ್ಷರಶಃ ಸತ್ಯ. ಆಸ್ಟ್ರೇಲಿಯಾದ ಯುವತಿಯೊಬ್ಬಳ ಆನ್​ಲೈನ್​ ಮೂಲಕ ಅರಳಿದ ಪ್ರೇಮ ಕಥೆಯು ಆಕೆಯನ್ನು ಅಮೇಜಾನ್​ ಕಾಡಿಗೆ ತಂದು ಬಿಟ್ಟಿತ್ತು. ಆಕೆ ಇನ್​ಸ್ಟಾಗ್ರಾಂ ನೋಡುತ್ತಿರುವಾಗ ಓರ್ವ ಯುವಕನ ಪ್ರೊಪೈಲ್​ ಕಣ್ಣಿಗೆ ಬಿದ್ದಿತ್ತು, ಆತ ಆಕೆಯಿಂದ ಸಾವಿರಾರು ಕಿಲೋಮೀಟರ್​ ದೂರದ ಅಮೇಜಾನ್ ಕಾಡಿನಲ್ಲಿ ವಾಸಿಸುತ್ತಿದ್ದ. ಆಕೆ ನಗರದಲ್ಲಿ ವಾಸವಿದ್ದಳು.

ಜೀವನಶೈಲಿ, ಬಾಷೆ, ಆಚಾರ ವಿಚಾರ ಎಲ್ಲವೂ ಬೇರೆ ಬೇರೆ, ಆದರೆ ಆತನನ್ನು ಆಕೆ ತುಂಬಾ ಇಷ್ಟಪಟ್ಟಳು. ಫಾಲೋ ರಿಕ್ವೆಸ್ಟ್​ ಕಳುಹಿಸಿದ ತಕ್ಷಣ ಆ ಕಡೆಯಿಂದ ಅಕ್ಸೆಪ್ಟ್​ ಆಗಿತ್ತು. ಆಕೆಯ ಖುಷಿಗೆ ಪಾರವೇ ಇರಲಿಲ್ಲ.

ಭಾಷೆ ಅರ್ಥವಾಗದ ಕಾರಣ ಅವರು ವಿಡಿಯೋ ಕಾಲ್​ ಮೂಲಕ ನೋಡಿ ಸಂಕೇತ ಭಾಷೆ ಮೂಲಕ ಮಾತನಾಡುತ್ತಿದ್ದರು. ಆಕೆಯ ಉದ್ಯೋಗವನ್ನು ಬಿಟ್ಟು ಆತನೊಂದಿಗೆ ಇರಲು ಬಯಸಿದ್ದಳು, ಇದನ್ನು ಆತನಿಗೂ ಹೇಳಿ ರಾತ್ರೋ ರಾತ್ರಿ ಹೊರಟೇ ಬಿಟ್ಟಳು.

ಮತ್ತಷ್ಟು ಓದಿ: Viral Video: ನಾಯಿ ಮರಿಗಳನ್ನು ಕಸದ ತೊಟ್ಟಿಗೆ ಬಿಸಾಕಿದ ಮಹಿಳೆ; ಸಿಸಿಟಿವಿ ದೃಶ್ಯ ಇಲ್ಲಿದೆ ನೋಡಿ

ದಿ ಸನ್​ ವೆಬ್​ಸೈಟ್​ ವರದಿ ಪ್ರಕಾರ, ಜೋರ್ಡಾನ್​ ಕ್ವೀನ್ಸ್​ಲೆಂಡ್​ನಲ್ಲಿ ಆಕೆ ವಾಸವಿದ್ದಳು, ಡಿಸೆಂಬರ್​ನಲ್ಲಿ ಅವರಿಬ್ಬರು ಪರಿಚಯವಾಗಿದ್ದು, ನಾಲ್ಕು ತಿಂಗಳಲ್ಲೇ ಆಕೆ ಅಲ್ಲಿಗೆ ಹೊರಟಿದ್ದಳು.

ಆತ ಅಮೇಜಾನ್​ ಕಾಡಿನಲ್ಲಿ ಪ್ರವಾಸಿಗರಿಗೆ ಗೈಡ್​ ಆಗಿ ಕೆಲಸ ಮಾಡುತ್ತಿದ್ದ, ಇಬ್ಬರೂ ಅರ್ಜೆಂಟೀನಾ, ಪೆರು, ಬ್ರೆಜಿಲ್ ಮೊದಲಾದ ದೇಶಗಳಿಗೆ ಭೇಟಿ ನೀಡಲು ನಿರ್ಧರಿಸಿದರು.

ಯುವಕನ ಕುಟುಂಬವು ಅವನನ್ನು ಪೂರ್ಣ ಹೃದಯದಿಂದ ಸ್ವಾಗತಿಸಿತು. ಎರಡು ವಾರಗಳ ಪ್ರವಾಸ ಮಾಡಿದರು. ಜೋರ್ಡಾನ್ ಆಸ್ಟ್ರೇಲಿಯಾಕ್ಕೆ ಹಿಂದಿರುಗಿದಾಗ, ಅವಳ ಕಣ್ಣಲ್ಲಿ ನೀರು ತುಂಬಿತ್ತು. ಆಕೆ ಮತ್ತೆ ಈಕ್ವೆಡಾರ್​ಗೆ ಹಿಂದಿರುಗಿದ್ದು ಕೆಲ ಸಮಯ ಅಲ್ಲಿದ್ದು ಮತ್ತೆ ವಾಪಸಾಗಲಿದ್ದಾರೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 11:18 am, Thu, 6 June 24