Viral Video: ‘ಪಾಳಾ ಪಳ್ಳಿ ತಿರುಪಳ್ಳಿ’ ಹಾಡಿಗೆ ಹೆಜ್ಜೆ ಹಾಕಿದ ಕೇರಳದ ವೈದ್ಯರ ವಿಡಿಯೋ

Pala Palli Tirupalli : ಕೇರಳದ ಇಬ್ಬರು ವೈದ್ಯರು ಪೃಥ್ವಿರಾಜ್ ಸುಕುಮಾರನ್ ಅಭಿನಯದ ಮಲಯಾಳಂ ಸಿನೆಮಾ ‘ಕಡುವಾ’ (Kaduva)ದ ಜನಪ್ರಿಯ ಹಾಡು ‘ಪಾಳಾ ಪಳ್ಳಿ ತಿರುಪಳ್ಳಿ’ಗೆ ನರ್ತಿಸಿದ ವಿಡಿಯೋ ನೆಟ್ಟಿಗರ ಹೃದಯ ಗೆದ್ದಿದೆ. ವಯನಾಡಿನ ಟ್ರೈಬಲ್  ಆಸ್ಪತ್ರೆಯ ವೈದ್ಯರಾದ ಇವರಿಬ್ಬರ ಈ ವಿಡಿಯೋವನ್ನು ರಾಜ್ಯ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಅವರು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದೀಗ ಇದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿರುವ ನಲ್ಲೂರ್ನಾಡ್ ಕ್ಯಾನ್ಸರ್ ಚಿಕಿತ್ಸಾ ಕೇಂದ್ರದ ಅಧೀಕ್ಷಕ ಡಾ. ಸಾವನ್ ಸಾರಾ ಮ್ಯಾಥ್ಯೂ ಮತ್ತು ವೈದ್ಯಾಧಿಕಾರಿ ಡಾ. ಸಫೀಜ್ ಅಲಿ ಅವರನ್ನು ವೀಣಾ ಜಾರ್ಜ್ ಶ್ಲಾಘಿಸಿ, ‘ಈ ಆಸ್ಪತ್ರೆಯ ತಂಡವು ಸಾವಿರಾರು ರೋಗಿಗಳಿಗೆ ಅತ್ಯುತ್ತಮ ಸೇವೆಯನ್ನು ಒದಗಿಸುತ್ತಿದೆ’ ಎಂದಿದ್ದಾರೆ.

ಕಳೆದ ತಿಂಗಳು ಬಿಡುಗಡೆಯಾದ ‘ಕಡುವಾ’ ಚಿತ್ರದಲ್ಲಿರುವ ಒಂದು ದೃಶ್ಯವು ವಿಶೇಷ ಚೇತನ ಮಕ್ಕಳ ವಿಷಯವಾಗಿ ಸಂವೇದನಾರಹಿತವಾಗಿ ಚಿತ್ರಿಸಲಾಗಿದೆ ಎಂಬ ಕಟುವಿಮರ್ಶೆಗೆ ಒಳಗಾಗಿತ್ತು. ನಟ ಪೃಥ್ವಿರಾಜ ಸುಕುಮಾರನ್ ಕ್ಷಮೆಯಾಚಿಸಿ ಆ ದೃಶ್ಯವನ್ನು ಸಿನೆಮಾದಿಂದ ಕೈಬಿಟ್ಟಿದ್ದರು. ಈ ಚಿತ್ರವು ಪ್ರಥ್ವಿರಾಜ ಪ್ರೊಡಕ್ಷನ್​ನಿಂದ ನಿರ್ಮಾಣವಾಗಿದ್ದು ನಿರ್ಮಾಪಕಿ ಸುಪ್ರಿಯಾ ಮೆನನ್. ವಿವೇಕ ಒಬೆರಾಯ್ ಮತತು ಸಂಯಕ್ತಾ ಮೆನನ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ.

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ