Viral Video: ಕಾಲಡಿ ಸಿಕ್ಕಿ ನರಳಾಡುತ್ತಿದ್ದ ಜಿರಳೆಯನ್ನು ಆಸ್ಪತ್ರೆಗೆ ಕರೆದೊಯ್ದ ವ್ಯಕ್ತಿ! ಮುಂದೇನಾಯ್ತು?

ಮನುಷ್ಯರೇ ರಸ್ತೆಯಲ್ಲಿ ಅಡ್ಡಬಿದ್ದು ನರಳಾಡುತ್ತಿದ್ದರೆ ನೋಡಿದ್ದರೂ ನೋಡದಂತೆ ಹೋಗುವ ದಿನಮಾನವಿದು. ಹೀಗಿರುವಾಗ ಇಲ್ಲೋರ್ವ ದಾರಿಯಲ್ಲಿ ನರಳುತ್ತ, ಸಾವು-ಬದುಕಿನ ಮಧ್ಯೆ ಹೋರಾಟ ನಡೆಸುತ್ತಿದ್ದ ಜಿರಳೆಯನ್ನು ಪಶುವೈದ್ಯರ ಬಳಿ ಕರೆದೊಯ್ದಿದ್ದಾನೆ. ಈತನ ಕಾರ್ಯಕ್ಕೆ ನೆಟ್ಟಿಗರು ಪ್ರಶಂಸೆ ವ್ಯಕ್ತ ಪಡಿಸಿದ್ದಾರೆ.

ಈ ಘಟನೆ ಥೈಲೆಂಡ್​ನಲ್ಲಿ ನಡೆದಿದ್ದು, ತನು ಲಿಂಪಾಪತಾನಾವಾನಿಚ್​ ಎಂಬ ಪಶುವೈದ್ಯರು ಜಿರಳೆಗೆ ಚಿಕಿತ್ಸೆ ನೀಡಿದ್ದಾರೆ. ಹಾಗೂ ವ್ಯಕ್ತಿಯ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಯಾರೋ ಜಿರಳೆಯ ಮೇಲೆ ಹೆಜ್ಜೆ ಇಟ್ಟು ನಡೆದಿದ್ದಾರೆ. ಹೀಗಾಗಿ ಸಾವು-ಬದುಕಿನ ಮಧ್ಯೆ ಹೋರಾಡುತ್ತಾ ಜಿರಳೆ ನರಳುತ್ತಿದೆ. ಇದನ್ನು ನೋಡಿದ ಕರುಣಾಮಯಿ ವ್ಯಕ್ತಿ ಪಶುವೈದ್ಯಕೀಯ ಆಸ್ಪತ್ರೆಗೆ ತಂದಿದ್ದಾನೆ. ನಾನು ಮೊದಲ ಬಾರಿಗೆ ಜಿರಳೆಗೆ ಚಿಕಿತ್ಸೆ ನೀಡುತ್ತಿದ್ದೇನೆ ಎಂದು ಡಾಕ್ಟರ್​ ಹೇಳಿದ್ದಾರೆ. ಆದರೆ ಜಿರಳೆ ಪರಿಸ್ಥಿತಿ ಏನಾಯಿತು ಎಂಬುದರ ಕುರಿತಾಗಿ ಡಾಕ್ಟರ್​ ಮಾಹಿತಿ ಹಂಚಿಕೊಂಡಿಲ್ಲ.

ರಸ್ತೆಯಲ್ಲಿ ಅಡ್ಡ ಬಿದ್ದು ನರಳಾಡುತ್ತಿದ್ದರೂ.. ನಮಗ್ಯಾಕಪ್ಪಾ ಉಸಾಬರಿ.. ಎನ್ನುತ್ತಾ ತಿರುಗಿಯೂ ನೋಡದೇ ಹೋಗುವ ಈಗಿನ ದಿನಮಾನಗಳಲ್ಲಿ ಚಿಕ್ಕ-ಪುಟ್ಟ ಕೀಟಗಳ ಜೀವವನ್ನು ಉಳಿಸಲು ಪ್ರಯತ್ನಿಸುತ್ತಿರುವುದು ನಿಜವಾಗಿಯೂ ಮೆಚ್ಚಲೇಬೇಕಾದ ಸಂಗತಿ.

ಇದನ್ನೂ ಓದಿ:

Viral Video: ಪಾನಿಪುರಿ ಮಹಿಮೆಯೆ ಹೀಗೆ.. ನೋಡಿದಾಕ್ಷಣ ಹಸುಗಳ ಬಾಯಲ್ಲೂ ನೀರು! ವಿಡಿಯೋ ನೋಡಿ

Viral Video: ‘ಎಲೆಯೊಳಗೊಂದು ಹಕ್ಕಿ ಗೂಡು’ ಕ್ಯಾಮರಾದಲ್ಲಿ ಸೆರೆಯಾದ ಅಪರೂಪದ ದೃಶ್ಯ

Published On - 2:17 pm, Sun, 6 June 21