Viral News: 8 ವರ್ಷದ ಬಾಲಕಿ 5 ಕೋಟಿ ರೂ. ಬೆಲೆ ಬಾಳುವ ಮನೆಯ ಒಡತಿ
ಡೈಲಿ ಸ್ಟಾರ್ ವರದಿ ಪ್ರಕಾರ, ಈ ಹುಡುಗಿ ಕೇವಲ 6 ವರ್ಷದವಳಿದ್ದಾಗ ಮನೆ ಖರೀದಿಸಿದ್ದಳು. ಆಗ ಆ ಮನೆಯ ಬೆಲೆ 3 ಕೋಟಿ ರೂ. ಇಷ್ಟು ಚಿಕ್ಕ ಹುಡುಗಿ ಕೋಟಿ ಕೋಟಿ ಬೆಲೆ ಬಾಳುವ ಮನೆಯ ಒಡತಿಯಾದದ್ದು ಹೇಗೆ ಎಂದು ಈಗ ನೀವು ಆಶ್ಚರ್ಯ ಪಡುತ್ತಿರಬೇಕು, ಹಾಗಾದರೆ ಇಲ್ಲಿ ತಿಳಿದುಕೊಳ್ಳಿ.
Updated on: Mar 21, 2024 | 12:44 PM
ಸ್ವಂತ ಮನೆ ಖರೀದಿಸಬೇಕು ಎನ್ನುವುದು ಪತ್ರಿಯೊಬ್ಬರ ಕನಸು. ದುಡಿದ ದುಡ್ಡನ್ನು ವರ್ಷಗಳಿಂದ ಕೂಡಿಟ್ಟು ಜೊತೆಗೆ ಒಂದಿಷ್ಟು ಸಾಲ ಮಾಡಿ ಸ್ವಂತ ಮನೆ ಖರೀದಿಸುವ ಕನಸನ್ನು ನನಸಾಗಿಸುತ್ತಾರೆ. ಆದರೆ ಇಲ್ಲೊಬ್ಬಳು 8 ವರ್ಷದ ಪುಟ್ಟ ಬಾಲಕಿ 5 ಕೋಟಿ ರೂ. ಬೆಲೆ ಬಾಳುವ ಮನೆಯನ್ನು ಖರೀದಿಸಿದ್ದಾಳೆ. ಈ ಹುಡುಗಿಯ ಹೆಸರು ರೂಬಿ ಮೆಕ್ಕ್ಲೆಲನ್. ಆಕೆ ಆಸ್ಟ್ರೇಲಿಯಾದ ನಿವಾಸಿ. ಡೈಲಿ ಸ್ಟಾರ್ ವರದಿ ಪ್ರಕಾರ, ಈ ಹುಡುಗಿ ಕೇವಲ 6 ವರ್ಷದವಳಿದ್ದಾಗ ಮನೆ ಖರೀದಿಸಿದ್ದಳು. ಆಗ ಆ ಮನೆಯ ಬೆಲೆ 3 ಕೋಟಿ ರೂ. ಇಷ್ಟು ಚಿಕ್ಕ ಹುಡುಗಿ ಕೋಟಿ ಕೋಟಿ ಬೆಲೆ ಬಾಳುವ ಮನೆಯ ಒಡತಿಯಾದದ್ದು ಹೇಗೆ ಎಂದು ಈಗ ನೀವು ಆಶ್ಚರ್ಯ ಪಡುತ್ತಿರಬೇಕು, ಹಾಗಾದರೆ ಇಲ್ಲಿ ತಿಳಿದುಕೊಳ್ಳಿ.
ಸಹೋದರರ ಜೊತೆ ಸೇರಿ ಮನೆ ಖರೀದಿ:
ವಾಸ್ತವವಾಗಿ, ಹುಡುಗಿ ತನ್ನ ಇಬ್ಬರು ಹಿರಿಯ ಸಹೋದರರ ಸಹಾಯದಿಂದ 3 ಕೋಟಿ ರೂಪಾಯಿ ಮೌಲ್ಯದ ಈ ಮನೆಯನ್ನು ಖರೀದಿಸಿದ್ದಳು. ರೂಬಿಯ ಹಿರಿಯ ಸಹೋದರ ಆಂಗಸ್ಗೆ 14 ವರ್ಷ, ಸಹೋದರಿ ಲೂಸಿಗೆ 13 ವರ್ಷ. ವಾಸ್ತವವಾಗಿ, ಈ ಮೂವರು ಸಹೋದರರು ಮತ್ತು ಸಹೋದರಿಯರು ಒಟ್ಟಿಗೆ ಮನೆ ಖರೀದಿಸಿದ್ದರು. ತನ್ನ ಪಾಕೆಟ್ ಮನಿಯಿಂದ ಸುಮಾರು 3 ಲಕ್ಷ ರೂಪಾಯಿ ಉಳಿಸಿ ಡೌನ್ ಪೇಮೆಂಟ್ ನೀಡಿದ್ದು, ಉಳಿದ ಹಣವನ್ನು ತಂದೆ ನೀಡಿದ್ದು, ಸ್ವಲ್ಪ ಹಣವನ್ನು ಇಎಂಐ ಆಗಿ ಕಟ್ಟುತ್ತಿದ್ದಾರೆ. ಆಸ್ಟ್ರೇಲಿಯಾದ ವಿಕ್ಟೋರಿಯಾದಲ್ಲಿ ಖರೀದಿಸಿದ ಈ ಮನೆಯು ನಾಲ್ಕು ಕೊಠಡಿಗಳನ್ನು ಹೊಂದಿದೆ, ಇದು ನೋಡಲು ಬಹಳ ಅದ್ಭುತವಾಗಿದೆ.
ಇದನ್ನೂ ಓದಿ: ಸ್ವಾತಂತ್ರ್ಯಪೂರ್ವದಲ್ಲೇ ಜುನಾಗಡ್ ನವಾಬನ ನಾಯಿ ಮದುವೆಗೆ ಆದ ಖರ್ಚು 2 ಕೋಟಿ ರೂ
ಮಕ್ಕಳು ಕೋಟಿ ಬೆಲೆ ಬಾಳುವ ಮನೆ ಖರೀದಿಸಿದ ಖುಷಿ ವ್ಯಕ್ತಪಡಿಸಿದ ತಂದೆ, “ಮಕ್ಕಳು ದೊಡ್ಡವರಾದ ಮೇಲೆ ಈ ಮನೆಯನ್ನು ಮಾರಬೇಕಾದರೆ ಅದನ್ನು ಮಾರುತ್ತೇವೆ ಮತ್ತು ಅದರಿಂದ ಬಂದ ಹಣವನ್ನು ಮೂವರಿಗೂ ಸಮನಾಗಿ ಹಂಚುತ್ತೇನೆ ” ಎಂದಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
