ಫ್ಯಾಷನ್ ಶೋ ವೇಳೆ ಪ್ರೇಕ್ಷಕನಿಗೆ ಕೋಟ್ನಿಂದ ಹೊಡೆದ ರೂಪದರ್ಶಿ; ವಿಡಿಯೋ ವೈರಲ್
ಇಲ್ಲೊಂದು ರೂಪದರ್ಶಿ ಸ್ಟೇಜ್ ಮೇಲೆ ನಡೆಯುವಾಗ ತನ್ನ ಕೋಟ್ನಿಂದ ನೆರೆದಿದ್ದ ವ್ಯಕ್ತಿಗೆ ಹೊಡೆದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ರೂಪದರ್ಶಿಗಳು (Model) ಸ್ಟೇಜ್ ಮೇಲೆ ನಡೆದುಕೊಂಡು ಹೋಗುವಾಗ ನೆರೆದವರ ಗಮನ ಅವರ ಮೇಲೆಯೇ ಇರುತ್ತದೆ. ಹೀಗಿದ್ದಾಗ ಅವರ ವರ್ತನೆ, ಹಾವ, ಭಾವ ಎಲ್ಲವೂ ಪ್ರಕ್ಷಕರನ್ನು ಮನರಂಜಿಸುತ್ತವೆ. ಇಲ್ಲೊಂದು ರೂಪದರ್ಶಿ ಪ್ಯಾಷನ್ ಶೋ (Fashion Show) ವೇಳೆ ಸ್ಟೇಜ್ ಮೇಲೆ ನಡೆಯುವಾಗ ತನ್ನ ಕೋಟ್ನಿಂದ ನೆರೆದಿದ್ದ ವ್ಯಕ್ತಿಗೆ ಹೊಡೆದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.ಈ ಘಟನೆ ನ್ಯೂಯಾರ್ಕ್ನಲ್ಲಿ ನಡೆದಿದೆ. ಡಿಸೈನರ್ ಕ್ರಿಶ್ಚಿಯನ್ ಕೋವನ್ ಎನ್ನುವವರು ಈ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ಮೊದಲು ಟಿಕ್ಟಾಕ್ನಲ್ಲಿ ಹಂಚಿಕೊಂಡಿದ್ದ ವಿಡಿಯೋವನ್ನು ಕ್ರಿಶ್ಚಿಯನ್ ಕೋವನ್ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ವಿಡಿಯೋ 2 ಮಿಲಿಯನ್ ವೀಕ್ಷಣೆ ಪಡೆದಿದೆ. ಕ್ರಿಶ್ಚಿಯನ್ ಕೋವನ್ ಅವರ Spring 2022 Ready-to-Wear runway ಎನ್ನುವ ಶೋದಲ್ಲಿ ಈ ಘಟನೆ ನಡೆದಿದ್ದು ಜಗತ್ತಿನಾದ್ಯಂತ ವಿಡಿಯೋ ವೈರಲ್ ಆಗಿದೆ.
ವಿಡಿಯೋದಲ್ಲಿ ನೇರಳೆ ಬಣ್ಣದ ಕ್ರಾಫ್ಟಾಪ್ ಧರಿಸಿದ್ದ ರೂಪದರ್ಶಿಯೊಬ್ಬಳು ನಡೆದುಕೊಂಡು ಬರುತ್ತಿದ್ದಳು. ನಂತರ ತಕ್ಷಣ ಹಿಂದೆ ಹೋಗಿ ತನ್ನ ಕೈಲ್ಲಿದ್ದ ಕೋಟ್ನಲ್ಲಿ ಸ್ಟೇಜಿನ ಕೆಳಗೆ ನಿಂತ ವ್ಯಕ್ತಿಗೆ ಹೊಡೆಯುತ್ತಾಳೆ. ನಂತರ ತಿರುಗಿ ಮತ್ತೆ ಮುಂದೆ ಕ್ಯಾಟ್ಮಾಡುತ್ತಾ ನಡೆದುಕೊಂಡು ಬರುತ್ತಾಳೆ. ಇದರ ವಿಡಿಯೋ ನೋಡಿ ನೆಟ್ಟಿಗರು ಇದೊಂದು ಹೊಸ ಟ್ರೆಂಡ್ ಸೃಷ್ಟಿ ಮಾಡಲಿದೆ ಎಂದಿದ್ದಾರೆ. ವಿಡಿಯೋದಲ್ಲಿರುವ ರೂಪದರ್ಶಿಯನ್ನು ಥಿಯೋಡೋರಾ ಕ್ವಿನ್ಲಿವಾನ್ ಎಂದು ಗುರುತಿಸಲಾಗಿದೆ. ಟಿಕ್ಟಾಕ್ನಲ್ಲಿ ವೈರಲ್ ಆದ ವಿಡಿಯೋ ಸದ್ಯ ಇನ್ಸ್ಟಾಗ್ರಾಮ್ನಲ್ಲಿಯೂ ಟ್ರೆಂಡ್ ಸೆಟ್ ಮಾಡಿದೆ.
ಇದನ್ನೂ ಓದಿ:
ಗಾಲಿಕುರ್ಚಿಯಲ್ಲಿ ಗರಿಷ್ಠ ದೂರ ಕ್ರಮಿಸಿ ವಿಶ್ವ ಗಿನ್ನಿಸ್ ದಾಖಲೆ ನಿರ್ಮಿಸಿದ ಒಡಿಶಾದ 28ರ ಯುವಕ
Published On - 9:52 am, Tue, 1 February 22