Viral Video: ಥೈಲ್ಯಾಂಡ್; ಅರಮನೆಯಂಥ ಸ್ನಾನಗೃಹ, ಅಚ್ಚರಿಗೆ ಒಳಗಾದ ನೆಟ್ಟಿಗರು
Washroom : ಈ ವ್ಲಾಗರ್ ಇದೊಂದು ಸ್ನಾನಗೃಹ ಎಂದು ಹೇಳದಿದ್ದರೆ, ಎಲ್ಲರೂ ಇದು ಅರಮನೆಯೆಂದೇ ಭಾವಿಸುತ್ತಿದ್ದರು. ಅರಮನೆಯಂಥ ಭವ್ಯ ಕಟ್ಟಡ, ವಿನ್ಯಾಸವನ್ನು ಇದು ಹೊಂದಿದೆ. ಎದುರಿಗಿರುವ ಉದ್ಯಾನವು ಅದರ ಮೆರುಗನ್ನು ಮತ್ತಷ್ಟು ಹೆಚ್ಚಿಸಿದೆ. ನೆಟ್ಟಿಗರು ಬೆರಗಿನಿಂದ ಈ ವಿಡಿಯೋಗೆ ಪ್ರತಿಕ್ರಿಯಿಸುತ್ತಿದ್ದಾರೆ. ನೋಡಿ ನೀವೂ ಈ ವಿಡಿಯೋ.
Updated on:Aug 24, 2023 | 4:37 PM
Thailand: ಅರಮನೆಯಂತೆ ಕಾಣುವ ಸ್ನಾನಗೃಹದ (Washroom) ಈ ವಿಡಿಯೋ ಇದೀಗ ಭಾರೀ ವೈರಲ್ ಆಗುತ್ತಿದೆ. ಭವ್ಯವಾದ ಮತ್ತು ಅದ್ದೂರಿಯಿಂದ ವಿನ್ಯಾಸ ಮಾಡಲ್ಪಟ್ಟ ಥೈಲ್ಯಾಂಡ್ನ ಈ ಸ್ನಾನಗೃಹವನ್ನು ನೋಡಿ ನೆಟ್ಟಿಗರು ಬೆರಗಾಗಿದ್ದಾರೆ. ಹೀಗೆ ಕಣ್ಣಾರೆ ನೋಡಿದರೂ ಇದನ್ನು ನಂಬಲಾಗುತ್ತಿಲ್ಲ ಎನ್ನುತ್ತಿದ್ದಾರೆ. ಇದರ ಮುಂದೆ ಸುಂದರವಾದ ಉದ್ಯಾನವೂ ಇದೆ. ಇದು ಒಟ್ಟಾರೆಯಾಗಿ ಸೌಂದರ್ಯವನ್ನು ಹೆಚ್ಚಿಸಿದೆ. ಚಿನ್ನದ ಬಣ್ಣವನ್ನು ಲೇಪಿಸಿಕೊಂಡ ಈ ಸ್ನಾನಗೃಹವನ್ನು ನಾನು ವಿಡಿಯೋ ಮಾಡುತ್ತೇನೆ ಎಂದು ಅಂದುಕೊಂಡಿರಲೇ ಇಲ್ಲ ಎಂದು ವ್ಲಾಗರ್ ಕೃಷ್ಣಾಂಗಿ ಹೇಳಿದ್ದಾರೆ.
ಇದನ್ನೂ ಓದಿ : Viral Video: ಹೊತ್ತಿ ಉರಿಯುತ್ತಿದ್ದ ಮನೆಯಿಂದ ತನ್ನ ನಾಯಿಯನ್ನು ಕಾಪಾಡಿದ ಹೃದಯವಂತ
ಆ. 8 ರಂದು ಈ ವಿಡಿಯೋ ಅನ್ನು ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಲಾಗಿದೆ. ಈತನಕ ಇದನ್ನು ಸುಮಾರು 5 ಲಕ್ಷ ಜನರು ವೀಕ್ಷಿಸಿದ್ದಾರೆ. ಸುಮಾರು 62,000 ಜನರು ಲೈಕ್ ಮಾಡಿದ್ದಾರೆ. ಅನೇಕರು ಪ್ರತಿಕ್ರಿಯಿಸಿದ್ದಾರೆ. ವಾಹ್ ಇದು ತುಂಬಾ ಸುಂದರವಾಗಿದೆ. ಯಾರು ಏನೇ ಹೇಳಲಿ ನನಗಂತೂ ಇಲ್ಲಿ ಹೋಗಿ ಮಲಗಬೇಕು ಎನ್ನಿಸುತ್ತಿದೆ. ಇದು ಪೂರ್ತಿಯಾಗಿ ಅರಮನೆಯೇ ಎಂದಿದ್ದಾರೆ ಒಬ್ಬರು.
ನೋಡಿ ಥೈಲ್ಯಾಂಡ್ನ ಸ್ನಾನಗೃಹ
View this post on Instagram
ಇದು ಅದ್ಭುತವಾಗಿದೆ, ರಾಜಮನೆತನದ ಸ್ನಾನಗೃಹವಿದು ಎಂದಿದ್ದಾರೆ ಮತ್ತೊಬ್ಬರು. ನಾನಂತೂ ಮಂತ್ರಮುಗ್ಧನಾಗಿದ್ದೇನೆ, ಇಲ್ಲಿಗೆ ಹೋಗಿ ಚೆನ್ನಾಗಿ ಅಲಂಕರಿಸಿಕೊಂಡು ಸಾಕಷ್ಟು ಫೋಟೋಗಳನ್ನು ತೆಗೆಸಿಕೊಳ್ಳಬೇಕು ಎಂದುಕೊಂಡಿದ್ದೇನೆ, ಈ ವಿನ್ಯಾಸವು ತುಂಬಾ ಸೊಗಸಾಗಿದೆ ಎಂದಿದ್ದಾರೆ ಇನ್ನೊಬ್ಬರು. ಬಹುಶಃ ನಾನೇನಾದರೂ ಇಲ್ಲಿಗೆ ಹೋದರೆ, ಸ್ನಾನ ಮಾಡಲು ಮನಸ್ಸೇ ಬರುವುದಿಲ್ಲವೇನೋ, ಅಷ್ಟು ಸುಂದರವಾಗಿದೆ ಎಂದಿದ್ದಾರೆ ಮಗದೊಬ್ಬರು.
ಇದನ್ನೂ ಓದಿ : Viral Video: ಸೆಕೆಂಡ್ ಚಾನ್ಸ್; ಅಂದು 8 ತಿಂಗಳ ಮಗುವಿನೊಂದಿಗೆ ತವರಿಗೆ ಮರಳಿದ್ದ ಡಾ ಸಬೀಹಾ ಇನಾಮ್ದಾರ್, ಇಂದು?
ನಾನೂ ಒಂದು ದಿನ ಕನಸಿನಲ್ಲಿ ಇಂಥ ಶೌಚಾಲಯವನ್ನು ಕಟ್ಟಿಸುತ್ತೇನೆ ಅದಕ್ಕಿಂತ ಮೊದಲು ಇಲ್ಲಿಗೆ ಬಂದು ವಿನ್ಯಾಸವನ್ನು ನೋಡಿಕೊಂಡು ಹೋಗುತ್ತೇನೆ ಎಂದಿದ್ದಾರೆ ಒಬ್ಬರು. ಇದು ವಾಷ್ರೂಮ್ ಎಂದು ನೀವು ಹೇಳದಿದ್ದರೆ ನಾವು ಇದು ಅರಮನೆ ಎಂತಲೇ ಎಂದುಕೊಳ್ಳುತ್ತಿದ್ದೆವು ಎಂದಿದ್ದಾರೆ ಮತ್ತೊಬ್ಬರು. ಅಂತೂ ಈ ಸ್ನಾನಗೃಹ ಉಪಯೋಗಿಸಲಾದರೂ ಥೈಲ್ಯಾಂಡ್ ಪ್ರವಾಸ ಕೈಗೊಳ್ಳಬೇಕಾಯಿತು ಎಂದಿದ್ದಾರೆ ಮಗದೊಬ್ಬರು.
ಏನಂತೀರಿ?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:36 pm, Thu, 24 August 23
