ವಿಡಿಯೋ ವೈರಲ್: ಆಗಸದಲ್ಲಿ ಹಾರುತ್ತಿದ್ದ ವಿಮಾನದಲ್ಲಿ ಹಾವು, ಅದ ನೋಡಿದ ಪ್ರಯಾಣಿಕರ ಗತಿಯೇನು?
ವಿಮಾನ ಟೇಕ್ ಆಫ್ ಆಗುತ್ತಿರುವಾಗಲೇ ಸಿಬ್ಬಂದಿ ಅದನ್ನು ಪ್ಲಾಸ್ಟಿಕ್ ಬಾಟಲಿಯಲ್ಲಿ ಸೆರೆ ಹಿಡಿದಿದ್ದಾರೆ. ವಿಮಾನ ಲ್ಯಾಂಡ್ ಆದ ಕೂಡಲೇ ಹೆಚ್ಚಿನ ಪರಾಮರ್ಷೆ ಮಾಡಿ ಅದು ವಿಷಕಾರಿಯಲ್ಲ ಎಂದು ಪ್ರಯಾಣಿಕರಿಗೆ ಮಾಹಿತಿ ನೀಡಿದ್ದಾರೆ. ವಿಮಾನಗಳು ಹೊರಡಲು ಸಿದ್ಧವಾದಾಗ ಫುಕೆಟ್ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಕ್ಯಾರಿ-ಆನ್ ಲಗೇಜ್ ಅನ್ನು ಸಂಪೂರ್ಣವಾಗಿ ಪರಿಶೀಲಿಸಲಾಗಿತ್ತು. ಆದರೂ ಹಾವು ಹೇಗೆ ಒಳಗೆ ನುಸುಳಿ ಬಂದಿತ್ತು ಎಂಬುದು ನಿಗೂಢವಾಗಿದೆ.
Updated on: Jan 20, 2024 | 9:51 AM
ಥಾಯ್ ಏರ್ ಏಷ್ಯಾ ಇದು ಕಡಿಮೆ ದರದಲ್ಲಿ ವಿಮಾನಯಾನ ಸೇವೆ ಪೂರೈಕೆ ಮಾಡುವ ಕಂಪನಿ. ಆದರೆ ಇತ್ತೀಚೆಗೆ ಈ ವಿಮಾನದಲ್ಲಿ ಹಾವು ಕಾಣಿಸಿಕೊಂಡಿತ್ತು. ಅದೂ ವಿಮಾನ ಆಗಸದಲ್ಲಿದ್ದಾಗ! ಇದರಿಂದ ವಿಮಾನದಲ್ಲಿದ್ದ ಪ್ರಯಾಣಿಕರು ಹೌಹಾರಿ, ಬೆಚ್ಚಿಬಿದ್ದರು. ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಬ್ಯಾಂಕಾಕ್‌ನಿಂದ ಫುಕೆಟ್‌ಗೆ ಪ್ರಯಾಣಿಸುತ್ತಿದ್ದ ವಿಮಾನದಲ್ಲಿ ಪ್ರಯಾಣಿಕರು ತಮ್ಮ ಸಣ್ಣಪುಟ್ಟ ಲಗೇಜ್ ಇಡುವ ಮೇಲಿನ ಕ್ಯಾಬಿನ್ನಲ್ಲಿ ಹಾವು ಹರಿದಾಡುತ್ತಿರುವುದು ವ್ಯಕ್ತಿಯೊಬ್ಬರ ಕಣ್ಣಿಗೆ ಬಿದ್ದಿದೆ. ಅದನ್ನು ಅವರು ವಿಡಿಯೋ ರೀಲ್‌ ಮಾಡುತ್ತಾ, ರಕ್ಷಿಸಿದ್ದಾರೆ. ಜೊತೆಗೆ ಪ್ರಯಾಣಿಕರನ್ನೂ ರಕ್ಷಿಸಿದ್ದಾರೆ ಅನ್ನಿ. ಕೊನೆಗೆ ಪ್ರಯಾಣಿಕರು ನಿಟ್ಟುಸಿರುಬಿಟ್ಟಿದ್ದಾರೆ.
ಆ ಇಡೀ ಘಟನೆಯ ವಿಡಿಯೋವನ್ನು ತನ್ನ ಫೋನ್‌ನಲ್ಲಿ ಆ ಪ್ರಯಾಣಿಕ ತೆಗೆದಿರಿಸಿಕೊಂಡಿದ್ದಾರೆ. ಅದನ್ನು ತಮ್ಮ ವೈಯಕ್ತಿಕ ರೀಲ್ಸ್ ಖಾತೆಯೊಂದಿಗೆ ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಆ ವಿಡಿಯೋ ಈಗ ಟ್ರೆಂಡಿಂಗ್ ಆಗಿದೆ. ಇದನ್ನು ನೋಡಿದ ಜನ ನಾನಾ ರೀತಿ ಕಮೆಂಟ್ ಮಾಡುತ್ತಿದ್ದಾರೆ. ಈ ಹಿಂದೆ ಬಸ್ಸು, ರೈಲುಗಳಲ್ಲಿ ಹಾವುಗಳು ಹರಿದಾಡುವುದನ್ನು ನೋಡಿದ್ದೇವೆ. ಆದರೆ ಇದೇನಿದು ಮೇಲಿನ ಆಗಸದಲ್ಲಿ ತೇಲುವಾಗ, ಅತ್ಯಂತ ಸ್ವಚ್ಛವಾದ, ವಿಶೇಷ ಭದ್ರತೆಯ ವಿಮಾನ ಯಾನಗಳಲ್ಲಿಯೂ ಸಹ ಇಂತಹ ಹಾವಿನ ಆಟಾಟೋಪ ಕಂಡುಬಂದರೆ ಗತಿಯೇನು? ಪ್ರಯಾಣಿಕರು ಆಘಾತಕ್ಕೊಳಗಾಗುವುದಿಲ್ಲವೇ ಎಂದು ಜನ ಪ್ರಶ್ನಿಸಿದ್ದಾರೆ.
A TikTok user, @wannabnailssalon, posted a video of a small snake on a plane heading from Bangkok to Phuket.
After passengers pointed out the snake, a flight attendant used a plastic bottle and a bag to catch it before landing.
The incident occurred on Thai AirAsia’s FD3015… pic.twitter.com/zgY2rOqfPf
— Thai Enquirer (@ThaiEnquirer) January 16, 2024
ಜನವರಿ 13 ರಂದು, ಥಾಯ್ ಏರ್ ಏಷ್ಯಾಕ್ಕೆ ಸೇರಿದ FD3015 ವಿಮಾನದಲ್ಲಿ ಈ ಘಟನೆ ಸಂಭವಿಸಿದೆ. ವಿಮಾನ ಇಳಿಯುವ ಮುನ್ನವೇ ಪ್ರಯಾಣಿಕರ ನೆರವಿನೊಂದಿಗೆ ವಿಮಾನದ ಸಿಬ್ಬಂದಿ ಹಾವನ್ನು ಹಿಡಿದಿದ್ದಾರೆ. ಇದರಿಂದ ಪ್ರಯಾಣಿಕರಿಗೆ ಯಾವುದೇ ಅಪಾಯ ಸಂಭವಿಸಿಲ್ಲ. ಥಾಯ್ ಏರ್‌ಏಷ್ಯಾ ವಿಮಾನವು ಡಾನ್ ಮುವಾಂಗ್ ವಿಮಾನ ನಿಲ್ದಾಣದಿಂದ ಹೊರಟು ಫುಕೆಟ್‌ನಲ್ಲಿ ಇಳಿಯಲು ಹೊರಟಿತ್ತು. ವಿಮಾನವು ಹಾರುತ್ತಿರುವಾಗ, ಪ್ರಯಾಣಿಕರೊಬ್ಬರು ಹಾವನ್ನು ಗುರುತಿಸಿದ್ದಾರೆ.
ಕೂಡಲೇ ಸಿಬ್ಬಂದಿಗೆ ಮಾಹಿತಿ ನೀಡಿದ್ದಾರೆ. ಇದರಿಂದಾಗಿ ವಿಮಾನ ಟೇಕ್ ಆಫ್ ಆಗುತ್ತಿರುವಾಗಲೇ ಸಿಬ್ಬಂದಿ ಅದನ್ನು ಪ್ಲಾಸ್ಟಿಕ್ ಬಾಟಲಿಯಲ್ಲಿ ಸೆರೆ ಹಿಡಿದಿದ್ದಾರೆ. ವಿಮಾನ ಲ್ಯಾಂಡ್ ಆದ ಕೂಡಲೇ ಹೆಚ್ಚಿನ ಪರಾಮರ್ಷೆ ಮಾಡಿ ಅದು ವಿಷಕಾರಿಯಲ್ಲ ಎಂದು ಪ್ರಯಾಣಿಕರಿಗೆ ಮಾಹಿತಿ ನೀಡಿದ್ದಾರೆ. ವಿಮಾನಗಳು ಹೊರಡಲು ಸಿದ್ಧವಾದಾಗ ಫುಕೆಟ್ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಕ್ಯಾರಿ-ಆನ್ ಲಗೇಜ್ ಅನ್ನು ಸಂಪೂರ್ಣವಾಗಿ ಪರಿಶೀಲಿಸಲಾಗಿತ್ತು. ಆದರೂ ಹಾವು ಹೇಗೆ ಒಳಗೆ ನುಸುಳಿ ಬಂದಿತ್ತು ಎಂಬುದು ನಿಗೂಢವಾಗಿದೆ.
