Viral: ದೆಹಲಿಯ ಗ್ರೇಟರ್ ಕೈಲಾಶ್​ನಲ್ಲಿ ಬೆಡ್ ಜೊತೆ ಟಾಯ್ಲೆಟ್ ಬಾಡಿಗೆಗೆ ಲಭ್ಯ!

Delhi: ಬಾಡಿಗೆಯ ಮನೆ (Rent) ಅಥವಾ ಕೋಣೆ ಎಂದಾಗ ಬಹಳ ನಿರೀಕ್ಷೆ ಮಾಡಲಾಗದು. ಇರುವುದರಲ್ಲಿಯೇ ಹೊಂದಾಣಿಕೆ ಮಾಡಿಕೊಳ್ಳಬೇಕು. ಇಕ್ಕಟ್ಟು ಬಿಕ್ಕಟ್ಟುಗಳನ್ನೆಲ್ಲ ಪಕ್ಕಕ್ಕೆ ತಳ್ಳಿ ಚೊಕ್ಕಟವಾಗಿ ಇಟ್ಟುಕೊಂಡರೆ ಮಾತ್ರ ನೆಮ್ಮದಿಯಿಂದ ಉಸಿರಾಡಬಹುದು. ಹೌದಲ್ಲವೆ? ಆದರೆ ಇದೀಗ ವೈರಲ್ ಆಗಿರುವ ಈ ಫೋಟೋ ನೋಡಿದರೆ ನಿಮಗೇನು ಅನ್ನಿಸುತ್ತದೆಯೋ? ದೆಹಲಿಯ ಗ್ರೇಟರ್ ಕೈಲಾಶ್ ಪ್ರದೇಶದಲ್ಲಿರುವ ಈ ಕೋಣೆ ಬಾಡಿಗೆಗೆ ಇದ್ದು ಇದರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇದರ ಫೋಟೋ ನೋಡಿದ ಜಾಲತಾಣಿಗರು ಬಿದ್ದು ಬಿದ್ದು ನಗುತ್ತಿದ್ದಾರೆ. ಮನಬಂದಂತೆ ಪ್ರತಿಕ್ರಿಯಿಸಿ ಮಜಾ ಉಡಾಯಿಸುತ್ತಿದ್ದಾರೆ.

ಇದನ್ನೂ ಓದಿ : Viral Video: ಕಾವಾಲಾ ಕಾವು; ರಜಿನಿ ಅಭಿಮಾನಿ ಜಪಾನ್ ರಾಯಭಾರಿ ಯೂಟ್ಯೂಬರ್​ನೊಂದಿಗೆ ಡ್ಯಾನ್ಸ್ 

ರೂಮ್ ವಿತ್ ಅಟ್ಯಾಚ್ಡ್​ ಬಾತ್ರೂಮ್​ ಟಾಯ್ಲೆಟ್ ಎಲ್ಲೆಡೆ ಲಭ್ಯ. ಆದರೆ ಬೆಡ್​ ವಿಥ್ ಟಾಯ್ಲೆಟ್​!? ಅದೂ ಹೀಗೆ ಗೋಡೆ ಬಾಗಿಲುಗಳಿಲ್ಲದೆ!? ಈ ರೂಮ್​ ಗಮನಿಸಿ, ಸಣ್ಣ ಹಾಸಿಗೆ ಇದೆ, ಕಿಟಕಿಗೆ ಕರ್ಟನ್​ ಇದೆ, ಟೇಬಲ್ ಫ್ಯಾನ್​ ಕೂಡ ಇದೆ. ಆದರೆ ವೆಸ್ಟರ್ನ್​ ಕಮೋಡ್​ ಮತ್ತು ಕ್ಯೂಬಿಕಲ್​ ಬಾತ್ರೂಮ್​ ಜೊತೆಗೆ ಶವರ್​! ನೆಟ್ಟಿಗರಂತೂ ಬೆಚ್ಚಿಬಿದ್ದು ಈ ಫೋಟೋ ನೋಡುತ್ತಿದ್ದಾರೆ ನೀವು?

ನೋಡಿ ಬೆಡ್​ ವಿತ್​ ಟಾಯ್ಲೆಟ್​ ಫೋಟೋ

What’s the max rent you would pay for this kind of place in GK2?
by u/supermarketblues in delhi

ಗ್ರೇಟರ್ ಕೈಲಾಶ್​ ದೆಹಲಿಯ ಐಷಾರಾಮಿ ಪ್ರದೇಶಗಳಲ್ಲಿ ಒಂದಾಗಿದ್ದು ದೊಡ್ಡ ದೊಡ್ಡ ಬಂಗಲೆಗಳಿಗೆ ಹೆಸರುವಾಸಿಯಾಗಿದೆ. ಇಂಥ ಪ್ರದೇಶದಲ್ಲಿ ಇಂಥ ಕೋಣೆ!? ರೆಡ್ಡಿಟ್​ನಲ್ಲಿ ಹಂಚಿಕೊಳ್ಳಲಾದ ಈ ಪೋಸ್ಟ್​ಗೆ ಈತನಕ 1,100 ಕ್ಕೂ ಹೆಚ್ಚು ಜನರು ಲೈಕ್​ ಮಾಡಿದ್ದು 600 ಕ್ಕೂ ಹೆಚ್ಚು ಜನರು ಪ್ರತಿಕ್ರಿಯಿಸಿದ್ದಾರೆ. ಇದರ ಸತ್ಯಾಸತ್ಯತೆಯ ಬಗ್ಗೆ ಗೊತ್ತಿಲ್ಲ. ಆದರೆ ಈ ಫೋಟೋ ಅಂತೂ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿದೆ.

ಇದನ್ನೂ ಓದಿ : Viral Video: ಜೈಲರ್; ಕೊರಿಯನ್​ ಕಾವಾಲಾ ರೀಲ್ 15 ಮಿಲಿಯನ್ ವೀಕ್ಷಣೆ

ಇದು ಕೋಣೆಯಲ್ಲ ವಿಶೇಷ ಸೌಲಭ್ಯವುಳ್ಳ ಜೈಲು! ಎಂದಿದ್ದಾರೆ ಒಬ್ಬರು. ಇಲ್ಲಿ ಮಲಗಿದವರ ಗತಿ ಏನು? ಆದಷ್ಟು ಬೇಗ ಅನಾರೋಗ್ಯದಿಂದ ಅವರ ಕಥೆ ಅಷ್ಟೇ! ಎಂದಿದ್ದಾರೆ ಇನ್ನೊಬ್ಬರು. ಈ ಕೋಣೆಯಲ್ಲಿರುವ ವ್ಯಕ್ತಿ ತನ್ನ ಸ್ನೇಹಿತರನ್ನು, ಮನೆಯವರನ್ನು ಇನ್ನ್ಯಾರನ್ನೂ ಒಳಗೆ ಕರೆಯುವ ಹಾಗೆಯೇ ಇಲ್ಲ! ಎಂದಿದ್ದಾರೆ ಮತ್ತೊಬ್ಬರು.

ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ