Viral Video: ಕಾವಾಲಾ ಕಾವು; ರಜಿನಿ ಅಭಿಮಾನಿ ಜಪಾನ್ ರಾಯಭಾರಿ ಯೂಟ್ಯೂಬರ್ನೊಂದಿಗೆ ಡ್ಯಾನ್ಸ್
Jailer : ಸೂಪರ್ ಸ್ಟಾರ್ ಅಭಿಮಾನಿಗಳು ಜಗತ್ತಿನಾದ್ಯಂತ ಇದ್ದಾರೆ ಎನ್ನುವುದಕ್ಕೆ ಈ ರೀಲ್ ಕೂಡ ಸಾಕ್ಷಿ. ಇದೀಗ ಜಪಾನಿನ ರಾಯಭಾರಿ ಹಿರೋಷಿ ಸುಝುಕಿ ಜನಪ್ರಿಯ ಯೂಟ್ಯೂಬರ್ ಮಾಯೋ ಸ್ಯಾನ್ ಜೊತೆ ಕಾವಾಲಾ ಹಾಡಿಗೆ ಹೆಜ್ಜೆ ಹಾಕಿದ್ದು ನೆಟ್ಟಿಗರ ಗಮನವನ್ನು ಭಾರೀ ಸೆಳೆದಿದೆ. ಹಿರೋಷಿ ಈ ಹಿಂದೆ ಕೂಡ ತಲೈವರ್ ಚಾಲೆಂಜ್ ಸ್ವೀಕರಿಸಿ ರೀಲ್ ಮಾಡಿದ್ದರು.
Updated on:Aug 17, 2023 | 2:50 PM
Japan: ಕಾವಾಲಾದ ಕಾವು ದಿನೇದಿನೇ ಏರುತ್ತಿದೆ. ಜಗತ್ತಿನ ನೃತ್ಯಾಸಕ್ತರು ಮತ್ತು ಭಾರತೀಯ ಸಿನೆಮಾಪ್ರಿಯರೆಲ್ಲ ರೀಲ್ಸ್ ಮಾಡುತ್ತಿರುವುದು ಇದಿಗ ಸಹಜವೆನ್ನಿಸುತ್ತಿದೆ. ಆದರೆ ಇದೀಗ ವಿಶೇಷವಾಗಿ ಗಮನ ಸೆಳೆಯುತ್ತಿರುವುದು ರಜಿನಿಕಾಂತ ಅಭಿಮಾನಿಗಳ ಸರದಿ. ಜಪಾನಿನ ರಾಯಭಾರಿ ಹಿರೋಷಿ ಸುಝುಕಿ (Hiroshi Suzuki) ತಮ್ಮ ನೆಚ್ಚಿನ ನಟ ರಜಿನಿಕಾಂತರಿಗಾಗಿ ಜಪಾನಿನ ಜನಪ್ರಿಯ ಯೂಟ್ಯೂಬರ್ ಮೇಯೋ ಸ್ಯಾನ್ ಜೊತೆ ಕಾವಾಲಾ ಹಾಡಿಗೆ ಹೆಜ್ಜೆ ಹಾಕಿದ್ದಾರೆ. ಜೈಲರ್ (Jailer) ಸಿನೆಮಾದ ಈ ಹಾಡಿನ ಟ್ರೆಂಡ್ ಇನ್ನೂ ಯಾರ್ಯಾರನ್ನೆಲ್ಲ ಕುಣಿಸುತ್ತದೆಯೋ!? ನೆಟ್ಟಿಗರಂತೂ ಬಿಟ್ಟಗಣ್ಣಿನಿಂದ ನೋಡುತ್ತಿದ್ದಾರೆ.
ಇದನ್ನೂ ಓದಿ : Viral Video: ಜೈಲರ್; ಕೊರಿಯನ್ ಕಾವಾಲಾ ರೀಲ್ 15 ಮಿಲಿಯನ್ ವೀಕ್ಷಣೆ
ಸೂಪರ್ ಸ್ಟಾರ್ ರಜಿನಿಕಾಂತ್ ಮೇಲಿನ ಪ್ರೀತಿಗಾಗಿ ಈ ರೀಲ್ ಮಾಡಲಾಗಿದೆ ಎಂದು ಜಪಾನ್ನ ರಾಯಭಾರಿ ಹಿರೋಷಿ ಸುಝುಕಿ ಈ ವಿಡಿಯೋ ಟ್ವೀಟ್ ಮಾಡಿದ್ದಾರೆ. ಯೂಟ್ಯೂಬರ್ ಮೇಯೊ ಸ್ಯಾನ್‌ನೊಂದಿಗೆ ಭಾರೀ ಲವಲವಿಕೆಯಿಂದ ಕಾವಾಲಾದ ಸ್ಟೆಪ್ಸ್ ಹಾಕಿದ್ದಾರೆ ಸುಝುಕಿ. ಕೂಲಿಂಗ್ ಗ್ಲಾಸ್ ಹಾಕಿಕೊಳ್ಳುವ ಪರಿಯಂತೂ ಭಾರೀ ಗಮನ ಸೆಳೆದಿದೆ!
ನೋಡಿ ಜಪಾನ್ ರಾಯಭಾರಿಯ ಕಾವಾಲಾ ರೀಲ್
Kaavaalaa dance video with Japanese YouTuber Mayo san(@MayoLoveIndia)🇮🇳🤝🇯🇵 My Love for Rajinikanth continues … @Rajinikanth #Jailer #rajinifans
Video courtesy : Japanese Youtuber Mayo san and her team pic.twitter.com/qNTUWrq9Ig
— Hiroshi Suzuki, Ambassador of Japan (@HiroSuzukiAmbJP) August 16, 2023
ಈ ವಿಡಿಯೋ ಅನ್ನು X (Twitter)ನಲ್ಲಿ ಹಂಚಿಕೊಳ್ಳಲಾಗಿದೆ. ಸುಮಾರು 8 ಲಕ್ಷ ಜನರು ಈ ವಿಡಿಯೋ ನೋಡಿದ್ದಾರೆ. 2,500 ಜನರು ಈತನಕ ರೀಪೋಸ್ಟ್ ಮಾಡಿದ್ದಾರೆ ಮತ್ತು ಸುಮಾರು 13,000 ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ರಜಿನಿಕಾಂತ ಪ್ರಭಾವ ಸಾಗರಗಳನ್ನೂ ದಾಟಿದೆ ಎನ್ನುವುದನ್ನು ತಿಳಿದು ಅತ್ಯಂತ ಹೆಮ್ಮೆಯಾಗುತ್ತಿದೆ ಎಂದು ರಜಿನಿ ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದಾರೆ.
ಇದನ್ನೂ ಓದಿ : Viral: ಉಬರ್ ಆಟೋ ರೈಡ್ ಕೇವಲ ರೂ 6, ಏನಿದು ಬೆಂಗಳೂರಿನಲ್ಲಿ ಮ್ಯಾಜಿಕ್?
ಇವರು ತುಂಬಾ ಪ್ರಭಾವಶಾಲಿಯಾದ ರಾಯಭಾರಿ ಎಂದು ಹಿರೋಷಿ ಅವರನ್ನು ಕೆಲವರು ಶ್ಲಾಘಿಸಿದ್ದಾರೆ. ನಿಮ್ಮ ಈ ಪ್ರೀತಿ ನಿಜಕ್ಕೂ ಖುಷಿ ತಂದಿದೆ. ಸದ್ಯದಲ್ಲೇ ಜೈಲರ್ ಜಪಾನೀ ಭಾಷೆಯಲ್ಲಿ ಬಿಡುಗಡೆಯಾಗುತ್ತದೆ ಎಂದು ಭಾವಿಸುತ್ತೇನೆ ಎಂದಿದ್ದಾರೆ ಒಬ್ಬರು. ಸುಝುಕಿ ಮತ್ತು ಮಾಯೋ ನೀವಿಬ್ಬರೂ ಬಾಲಿವುಡ್ ನೃತ್ಯ ಪಾರಂಗತರಾಗಿದ್ದೀರಿ ಎಂದಿದ್ದಾರೆ ಇನ್ನೊಬ್ಬರು. ತಲೈವರ್ ಟಚ್ನೊಂದಿಗೆ ಭಾರತ-ಜಪಾನ್ ರಾಜತಾಂತ್ರಿಕತೆ! ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ಅಟ್ಟಾವೇರ್; ಈ ತಟ್ಟೆಯಲ್ಲಿ ತಿನ್ನಿ ಅದರೊಂದಿಗೆ ಲೋಟ, ಚಮಚ, ಬಟ್ಟಲನ್ನೂ ತಿಂದುಬಿಡಿ
ಸುಝುಕಿ ಇದೇ ಮೊದಲಲ್ಲ ರೀಲ್ಸ್ ಮಾಡಿರುವುದು. ಈ ಹಿಂದೆ ತಲೈವರ್ ಚಾಲೇಂಜ್ ಸ್ವೀಕರಿಸಿದ್ದರು. ಆ ರೀಲ್ನಲ್ಲಿ ರಜಿನಿಯಂತೆ ಕನ್ನಡಕವನ್ನು ತಿರುಗಿಸಿ ನೆಟ್ಟಿಗರ ಗಮನ ಸೆಳೆದಿದ್ದರು. ರಜಿನಿಕಾಂತ್, ತಮನ್ನಾ ಭಾಟಿಯಾ, ಮೋಹನ್ಲಾಲ್, ಜಾಕಿ ಶ್ರಾಫ್, ಶಿವರಾಜಕುಮಾರ್, ರಮ್ಯಾ ಕೃಷ್ಣನ್, ಯೋಗಿ ಬಾಬು, ವಸಂತ ರವಿ ಮತ್ತ ವಿನಾಯಕನ್ ನಟಿಸಿರುವ ಜೈಲರ್ ಚಿತ್ರ ಇದೀಗ ಜಾಗತಿಕ ಮಟ್ಟದಲ್ಲಿ ಟ್ರೆಂಡ್ ಸೃಷ್ಟಿಸುವಲ್ಲಿ ಯಶಸ್ವಿಯಾಗುತ್ತಿದೆ.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 2:49 pm, Thu, 17 August 23
