Viral Video: ರಾಯಲ್ ಎನ್​ಫೀಲ್ಡ್ ಹಿಮಾಲಯನ್ 450 ಟೀಸರ್ ಬಿಡುಗಡೆ

Royal Enfield Himalayan 450 : ಐಷರ್ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಸಿದ್ಧಾರ್ಥ್ ಲಾಲ್ ಸಾಮಾಜಿಕ ಮಾಧ್ಯಮದಲ್ಲಿ ರಾಯಲ್ ಎನ್​ಫೀಲ್ಡ್​  ಹಿಮಾಲಯನ್ 450 ರ ಅಧಿಕೃತ ಟೀಸರ್ ಬಿಡುಗಡೆ ಮಾಡಿದ್ದಾರೆ. ಕಂಪನಿಯು ಇದೇ ತಿಂಗಳಲ್ಲಿ ಭಾರತದಲ್ಲಿ ರಾಯಲ್ ಎನ್‌ಫೀಲ್ಡ್ ಹಂಟರ್ 350 ಅನ್ನು ಬಿಡುಗಡೆ ಮಾಡಿತ್ತು. ಇದೀಗ ಎರಡನೇ ಬೈಕ್ ರಾಯಲ್​ ಎನ್​ಫೀಲ್ಡ್​ 450 ಅನ್ನು ಇನ್ನೇನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಿದೆ. ಮುಂದಿನ ವರ್ಷದ ಆರಂಭದಲ್ಲಿ ಭಾರತದ ಮಾರುಕಟ್ಟೆಗೆ ಈ ಬೈಕ್ ಬರುವ ನಿರೀಕ್ಷೆ ಇದೆ.

Royal Enfield Himalayan 450ನಲ್ಲಿ 450 ಸಿಸಿ ಸಿಂಗಲ್ ಸಿಲಿಂಡರ್ ಲಿಕ್ವಿಡ್ ಕೂಲ್ಡ್ ಫ್ಯುಯೆಲ್ ಇಂಜೆಕ್ಟೆಡ್ ಇಂಜಿನ್ ಇರುತ್ತದೆ. ಆದರೆ ಬೈಕ್​ನ ಪವರ್ ಬಗ್ಗೆ ಅಷ್ಟಾಗಿ ಮಾಹಿತಿ ಲಭ್ಯವಾಗಿಲ್ಲ. 40 Bhp ಶಕ್ತಿ ಮತ್ತು 45 Nm ಗರಿಷ್ಠ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿರಲಿದೆ ಎಂಬ ಅಂದಾಜಿದೆ. ಈ ಎಂಜಿನ್ ಅನ್ನು 6 ಸ್ಪೀಡ್ ಮ್ಯಾನುವಲ್ ಗೇರ್ ಬಾಕ್ಸ್​ಗೆ ಜೋಡಣೆಯಾಗಿರುವುದರ ಜೊತೆಗೆ  ದೊಡ್ಡ ಇಂಧನ ಟ್ಯಾಂಕ್​, ಡಿಜಿಟಲ್​ ಇನ್​ಸ್ಟ್ರುಮೆಂಟ್​ ಕ್ಲಸ್ಟರ್ ಹೊಂದಿರುವ ಸಾಧ್ಯತೆ ಇದೆ.

ಹಿಮಾಲಯನ್ 450 ಕಡಿದಾದ ಮತ್ತು ದುರ್ಗಮ ರಸ್ತೆಗಳ ಪ್ರಯಾಣವನ್ನು ಗಮನದಲ್ಲಿಟ್ಟುಕೊಂಡು ತಯಾರಿಸಿದ ಬೈಕ್ ಆಗಿದೆ. ಇದಕ್ಕೆ ಅರ್ಬನ್ ಸ್ಕ್ರಾಂಬ್ಲರ್ ಅನ್ನು ಅಳವಡಿಸಲಾಗುತ್ತದೆ. ಆದ್ದರಿಂದ ಆಫ್-ರೋಡ್ ಟ್ರಯಲ್‌ಗೆ ಈ ಬೈಕ್ ಹೇಳಿಮಾಡಿಸಿದಂತಿದೆ. ಇದರ ಬೆಲೆಯ ಸಾಧ್ಯತೆ ಸುಮಾರು ರೂ. 3 ಲಕ್ಷ.

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ