Viral Video: ಆಫೀಸಿನಲ್ಲಿ ಭಾಂಗ್ರಾ; ನಿಜಕ್ಕೂ ಇದು ಉತ್ತಮ ಸ್ಟ್ರೆಸ್ ಬಸ್ಟರ್​ ಎನ್ನುತ್ತಿರುವ ನೆಟ್ಟಿಗರು

Stress Buster : ಶಾಲೆ ಮುಗಿಯುವತನಕ ದೇಹಕ್ಕೆ ವ್ಯಾಯಾಮವಿರುತ್ತದೆ. ಕಾಲೇಜು ಮುಗಿದು ಉದ್ಯೋಗಕ್ಕೆ ಸೇರುತ್ತಿದ್ದಂತೆ ಮೈ ಜಡತ್ವಕ್ಕಿಳಿಯುತ್ತದೆ. ದಿನಗಟ್ಟಲೇ ಆಫೀಸಿನಲ್ಲಿ ಸ್ಕ್ರೀನ್​ ಮುಂದೆ ಕುಳಿತು ಕೆಲಸ ಮಾಡುವುದು ಅನಿವಾರ್ಯವಾದಾಗ ಮತ್ತು ಇದರೊಂದಿಗೆ ಡೆಡ್​ಲೈನ್​ನ ಒತ್ತಡವೂ ಸೇರಿದಾಗ ದೈಹಿಕ ಮತ್ತು ಮಾನಸಿಕ ಆರೋಗ್ಯ ಬಿಗಡಾಯಿಸಲಾರಂಭಿಸುತ್ತದೆ. ಈ ಕಾರಣಕ್ಕೆ ಕೆಲ ಕಂಪೆನಿಗಳು ತಮ್ಮ ಉದ್ಯೋಗಿಗಳ ಉತ್ತಮ ಸ್ವಾಸ್ಥ್ಯಕ್ಕಾಗಿ ಯೋಗ, ವ್ಯಾಯಾಮ, ಜಿಮ್​ ತರಬೇತುದಾರನ್ನು ನೇಮಿಸಿಕೊಂಡಿರುತ್ತವೆ. ಇದೀಗ ವೈರಲ್ ಆಗಿರುವ ವಿಡಿಯೋ ಮಾತ್ರ ಇದೇ ವಿಷಯಕ್ಕೆ ಸಂಬಂಧಿಸಿದ್ದಾಗಿದ್ದು ಭಿನ್ನವೂ ಮತ್ತು ವಿಶೇಷವೂ ಆಗಿದೆ. ಭಾಂಗ್ರಾ (Bhangra) ನೃತ್ಯ ತರಬೇತುದಾರರೊಬ್ಬರು ಕಂಪೆನಿಯ ಉದ್ಯೋಗಿಗಳಿಗೆ ಈ ನೃತ್ಯವನ್ನು ಹೇಳಿಕೊಡುತ್ತಿದ್ದಾರೆ.

‘ಇಂಥ ಆಫೀಸು ಸಿಗಬೇಕು’ ಎಂಬ ಒಕ್ಕಣೆಯೊಂದಿಗೆ ಕಲಾವಿದ ಸಾಹಿಲ್ ಶರ್ಮಾ ಇದನ್ನು ಇನ್​ಸ್ಟಾನಲ್ಲಿ ಹಂಚಿಕೊಂಡಿದ್ದಾರೆ. ಶರ್ಮಾ ಕಂಪೆನಿಯೊಂದರ ಉದ್ಯೋಗಿಗಳಿಗೆ ಭಾಂಗ್ರಾ ನೃತ್ಯ ಹೇಳಿಕೊಡುತ್ತಿದ್ದಾರೆ. ಉದ್ಯೋಗಿಗಳು ಶಾಲಾಮಕ್ಕಳಂತೆ ಮೈಚಳಿ ಬಿಟ್ಟು ನರ್ತಿಸಿದ್ದಾರೆ. ಅನೇಕರು ಈ ವಿಡಿಯೋ ನೋಡಿ ಸ್ಫೂರ್ತಿಗೊಂಡಿದ್ದಾರೆ.

ಇದನ್ನೂ ಓದಿ : Viral: ಅಮೇಝಾನ್​; ಆರ್ಡರ್ ಮಾಡದೆಯೂ 100ಕ್ಕೂ ಹೆಚ್ಚು ಪಾರ್ಸೆಲ್​​ ಮಹಿಳೆಯನ್ನು ತಲುಪಿದಾಗ

ಈ ವಾತಾವರಣ ನನಗೆ ಇಷ್ಟವಾಗುತ್ತಿದೆ. ಇಂಥ ಕಂಪೆನಿಯಲ್ಲಿ ನಾನು ಉಚಿತವಾಗಿ ಕೆಲಸ ಮಾಡಲು ಇಚ್ಛಿಸುತ್ತಿದ್ದೇನೆ ಎಂದು ಒಬ್ಬರು. ನಿಜಕ್ಕೂ ಇದು ಸ್ಟ್ರೆಸ್​ ಬಸ್ಟರ್​​, ಎಲ್ಲ ಆಫೀಸುಗಳಲ್ಲಿಯೂ ಇಂಥ ಚಟುವಟಿಕೆಗಳಿಗೆ ಆದ್ಯತೆ ಕೊಡಬೇಕು ಎಂದು ಇನ್ನೊಬ್ಬರು. ನನಗೂ ಇಂಥ ಆಫೀಸು ಬೇಕು ಎಂದು ಮತ್ತೊಬ್ಬರು. ನಾನು ಈ ಸೆಷನ್​ ಅನ್ನು ನಿಜಕ್ಕೂ ಎಂಜಾಯ್ ಮಾಡಿದೆ, ಕೆಲಸ ಮಾಡಲು ಇದು ನನಗೆ ಚೈತನ್ಯವನ್ನು ತಂದುಕೊಟ್ಟಿತು ಎಂದಿದ್ದಾರೆ ಈ ಕಂಪೆನಿಯ ಉದ್ಯೋಗಿಯೊಬ್ಬರು.

ಇದನ್ನೂ ಓದಿ : Viral Video;ತೊರೆದು ಜೀವಿಸಬಹುದೇ ನಿಮ್ಮ ಸಿರಿಕಂಠವ; 5 ಮಿಲಿಯನ್ ಕೇಳುಗರನ್ನು ತಲುಪಿದ ಈ ದಾಸರಪದ

ಮೂರು ದಿನಗಳ ಹಿಂದೆ ಹಂಚಿಕೊಂಡ ಈ ವಿಡಿಯೋ ಅನ್ನು ಸುಮಾರು 3 ಮಿಲಿಯನ್​ ಜನರು ನೋಡಿದ್ದಾರೆ. 1.7 ಲಕ್ಷದಷ್ಟು ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ