Trending: ಕೆಂಪು ತೋಳಕ್ಕೆ ಜನ್ಮ ನೀಡಿದ ‘ಬ್ರೇವ್’, ಅಪರೂಪದ ಘಟನೆಗೆ ಸಾಕ್ಷಿಯಾಯ್ತು ಯುಎಸ್​ನ ಮೃಗಾಲಯ

ತೋಳ (wolf)ವೊಂದು ಕೆಂಪು ತೋಳದ ಮರಿ (Red Wold Pup)ಗೆ ಜನ್ಮ (Born) ನೀಡುವ ಮೂಲಕ ಯುಎಸ್​ (US)ನ ಮೃಗಾಲಯವೊಂದು ಅಪರೂಪದ ಸಾಕ್ಷಿಗೆ ಕಾರಣವಾಗಿದೆ. ಯುಎಸ್‌ನ ರೋಡ್ ಐಲ್ಯಾಂಡ್‌ನಲ್ಲಿರುವ ರೋಜರ್ ವಿಲಿಯಮ್ಸ್ ಪಾರ್ಕ್ ಮೃಗಾಲಯದಲ್ಲಿ ಕಳೆದ ವಾರ 6 ವರ್ಷದ ಬ್ರೇವ್ ತೋಳ, ಕೆಂಪು ಬಣ್ಣದ ತೋಳ ಮರಿಯನ್ನು ಹಾಕಿದ್ದು, ಇದರ ಒಡನಾಡಿ ಏಳು ವರ್ಷ ವಯಸ್ಸಿನ ಡಿಯಾಗೋ ಆಗಿದೆ. ಈ ಅಪರೂಪದ ಕ್ಷಣದ ಮಾಹಿತಿಯನ್ನು ಫೋಟೋದೊಂದಿಗೆ ಮೃಗಾಲಯವು ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದೆ. ಸದ್ಯ ಈ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್ (Trending) ಪಡೆದುಕೊಂಡಿದೆ.

ಇದನ್ನೂ ಓದಿ: Trending: ‘ದಿ ಕಂಜ್ಯೂರಿಂಗ್‌’ ಸಿನಿಮಾದಲ್ಲಿ ಕಾಣಿಸಿಕೊಂಡ ದೆವ್ವದ ಮನೆ 1.5 ಮಿಲಿಯನ್​ಗೆ ಮಾರಾಟ!

ಫೋಟೋದಲ್ಲಿ ಇರುವಂತೆ, ನವಜಾತ ತೋಳ ಮರಿ ತನ್ನ ತಾಯಿಯೊಂದಿಗೆ ಗುಹೆಯಲ್ಲಿ ಮಲಗಿಕೊಂಡಿದೆ. ಈ ಫೋಟೋವನ್ನು ಹಂಚಿಕೊಳ್ಳುವಾಗ ಮೃಗಾಲಯದ ಅಧಿಕಾರಿಗಳು, “ಇದು 2005 ರಿಂದ RWPZoo ನಲ್ಲಿ ಜನಿಸಿದ ಮೊದಲ ಕೆಂಪು ತೋಳವಾಗಿದೆ.  ಪ್ರಾಣಿಗಳ ಆರೈಕೆ ತಂಡವು ತೋಳಕ್ಕೆ ಹೊಸದಾಗಿ ನಿರ್ಮಿಸಲಾದ ಜನನ ಗುಹೆಯೊಳಗೆ ಇರುವ ಕ್ಯಾಮರಾ ಮೂಲಕ ತಾಯಿ ಮತ್ತು ಮರಿಯನ್ನು ಮೇಲ್ವಿಚಾರಣೆ ಮಾಡುವುದನ್ನು ಮುಂದುವರಿಸಲಾಗಿದೆ. ಶುಶ್ರೂಷೆಯನ್ನು ಗಮನಿಸಿದಾಗ ಸ್ಥಿರವಾಗಿ ತೂಕವನ್ನು ಪಡೆಯುತ್ತಿರುವಂತೆ ಕಂಡುಬಂದರೂ ಮುಂದಿನ ತಿಂಗಳು ಮರಿಗಳ ಬೆಳವಣಿಗೆಗೆ ನಿರ್ಣಾಯಕ ಸಮಯವಾಗಿದೆ” ಎಂದಿದೆ.

View this post on Instagram

A post shared by Roger Williams Park Zoo (@rwpzoo)

”ತಾಯಿ ಮತ್ತು ನವಜಾತ ಮರಿ ಕೆಲವು ವಾರಗಳವರೆಗೆ ಗುಹೆಯಲ್ಲಿ ಉಳಿಯುತ್ತದೆ. ನಂತರ ಮೃಗಾಲಯದಲ್ಲಿ ವೀಕ್ಷಣೆ ಮಾಡಲು ಅವಕಾಶ ಸಿಗಲಿದೆ” ಎಂದು ಅಧಿಕಾರಿಗಳು ಹೇಳಿದ್ದಾರೆ. ಪೋಸ್ಟ್‌ನಲ್ಲಿ ಕಾಮೆಂಟ್ ಮಾಡಿದ ಇನ್‌ಸ್ಟಾಗ್ರಾಮ್ ಬಳಕೆದಾರರು, ಇದು ಅತ್ಯುತ್ತಮ ಸುದ್ದಿಯಾಗಿದೆ. ಈ ಸುದ್ದಿ ಕೇಳಲು ತುಂಬಾ ಸಂತೋಷವಾಗಿದೆ. ಪುಟ್ಟ ಮರಿಯನ್ನು ನೋಡಲು ಕಾಯಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: Viral Video: ಅಮ್ಮನೊಂದಿಗೆ ವರ್ಕ್​ಔಟ್ ಮಾಡಿದ 5 ತಿಂಗಳ ಮಗು; ತಮಾಷೆಯ ವಿಡಿಯೋ ವೈರಲ್

ರೋಜರ್ ವಿಲಿಯಮ್ಸ್ ಮೃಗಾಲಯದ ವೆಬ್‌ಸೈಟ್‌ನ ಪ್ರಕಾರ, 1980 ರ ದಶಕದಲ್ಲಿ ಹಲವಾರು ಸಂರಕ್ಷಣಾ ಅಧಿಕಾರಿಗಳು ಒಗ್ಗೂಡಿ 14 ಕಾಡು ಕೆಂಪು ತೋಳಗಳನ್ನು ಅಮೆರಿಕದಾದ್ಯಂತ ಪ್ರಾಣಿಸಂಗ್ರಹಾಲಯಗಳಿಗೆ ಪರಿಚಯಿಸಿದರು. ಈ ಕಾರ್ಯಕ್ರಮವು ಕೆಂಪು ತೋಳದ ಸಂಖ್ಯೆಯನ್ನು ನಿಧಾನವಾಗಿ ಕಾಡಿನಲ್ಲಿ ಮರುಪರಿಚಯಿಸಲು ಸಂರಕ್ಷಣಾಕಾರರಿಗೆ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ.

ಹೆಚ್ಚಿನ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 10:30 am, Tue, 31 May 22