ಮೃಗಾಲಯದಲ್ಲಿ ಅಸ್ವಸ್ಥಗೊಂಡ ಮೊಸಳೆ.. ಸ್ಕ್ಯಾನಿಂಗ್ ಮಾಡಿದ ವೈದ್ಯರಿಗೆ ಕಾಣಿಸಿದ್ದು ಶಾಕಿಂಗ್ ದೃಶ್ಯ! ಏನದು?

ಮೃಗಾಲಯದಲ್ಲಿ ವಾಸವಿದ್ದ 36 ವರ್ಷದ ಮೊಸಳೆಯ ಹೊಟ್ಟೆಯಲ್ಲಿತ್ತು ಬರೋಬ್ಬರಿ 70 ನಾಣ್ಯಗಳು (metal Coins)! ಈ ಘಟನೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಮೃಗಾಲಯದ ಅಧಿಕಾರಿಗಳು ಮತ್ತು ಪಶುವೈದ್ಯರು ಪ್ರಾಣಿಗಳನ್ನು ಇರಿಸುವ ಸ್ಥಳದಲ್ಲಿ ನಾಣ್ಯಗಳೇ ಆಗಲಿ ಏನೇ ವಸ್ತುಗಳನ್ನಾಗಲಿ ಎಸೆಯದಂತೆ ಜನರನ್ನು ವಿನಂತಿಸಿದ್ದಾರೆ. ಅಮೆರಿಕದ ಒಮಾಹಾದಲ್ಲಿರುವ ಹೆನ್ರಿ ಡೋರ್ಲಿ ಮೃಗಾಲಯ ಮತ್ತು ಅಕ್ವೇರಿಯಂನಲ್ಲಿ ( zoo in Omaha, USA) ಈ ಘಟನೆ ನಡೆದಿದೆ. ಥಿಯೋಡಾಕ್ಸ್ (Thibodaux ) ಎಂಬ 36 ವರ್ಷದ ಮೊಸಳೆ ಇತ್ತೀಚೆಗೆ ಪ್ರಯಾಸ ಮಟ್ಟು ಆಹಾರ ಸೇವನೆ ಮಾಡುತಿತ್ತು. ಒಮ್ಮೊಮ್ಮೆ ತಿನ್ನುವುದನ್ನೇ ನಿಲ್ಲಿಸಿತ್ತು. ಇದರಿಂದಾಗಿ ಮೃಗಾಲಯದ ಸಿಬ್ಬಂದಿ ಮೊಸಳೆಗೆ ವೈದ್ಯಕೀಯ ಪರೀಕ್ಷೆ ನಡೆಸಿದ್ದಾರೆ, ಸ್ಕ್ಯಾನಿಂಗ್ ವರದಿಯಲ್ಲಿ ಹಾವಿನ ಹೊಟ್ಟೆಯಲ್ಲಿ ನಾಣ್ಯಗಳು ಕಾಣಿಸಿಕೊಂಡಿವೆ. ವೈದ್ಯರು ತಕ್ಷಣವೇ ಮೊಸಳೆಗೆ ಶಸ್ತ್ರಚಿಕಿತ್ಸೆ ನಡೆಸಿ ಹೊಟ್ಟೆಯಿಂದ 70 ನಾಣ್ಯಗಳನ್ನು ಹೊರತೆಗೆದಿದ್ದಾರೆ. ಅದರಿಂದ ಆ ಮೊಸಳೆಯ ಜೀವ ಉಳಿಯುತು ಅನ್ನೀ!

ಈ ಕುರಿತು ಮಾತನಾಡಿದ ಹೆನ್ರಿ ಡೋರ್ಲಿ ಮೃಗಾಲಯದ ಪಶು ವೈದ್ಯಾಧಿಕಾರಿ, ಮೃಗಾಲಯಕ್ಕೆ ಬರುವವರು ಮೊಸಳೆಗಳು ಇರುವ ಕಡೆ ನಾಣ್ಯಗಳನ್ನು ಎಸೆಯುತ್ತಾರೆ. ಇದು ಅತ್ಯಂತ ಅಪಾಯಕಾರಿ ನಡೆ ಎಂದು ಹೇಳಿದರು. ಈ ರೀತಿ ಮಾಡುವುದರಿಂದ ಪ್ರಾಣಿಗಳ ಜೀವಕ್ಕೆ ಅಪಾಯ ಎದುರಾಗುತ್ತದೆ. ತಿನ್ನವುದನ್ನು ನಿಲ್ಲಿಸಿದ್ದ ಥಿಯೋಡಾಕ್ಸ್ ಮೊಸಳೆಗೆ ತಕ್ಷಣ ಸ್ಲ್ಯಾನಿಂಗ್ ಮಾಡಲಾಯಿತು. ಆಗ ದೇಹದೊಳಗೆ ನಾಣ್ಯಗಳು ಇರುವುದು ಪತ್ತೆಯಾಯಿತು ಎಂದು ಅವರು ಹೇಳಿದರು.

ಇದನ್ನೂ ಓದಿ: ನಿಮ್ಮ ನೆಚ್ಚಿನ ಡೋರೆಮಾನ್ ಕಾರ್ಟೂನ್ ಪಾತ್ರಗಳ ಹಿನ್ನೆಲೆ ಧ್ವನಿ ಈ ಸುಂದರಿಯದ್ದು

ಪ್ಲಾಸ್ಟಿಕ್ ಪೈಪ್ ಮೂಲಕ ಕ್ಯಾಮೆರಾವನ್ನು ಮೊಸಳೆ ಹೊಟ್ಟೆಯೊಳಕ್ಕೆ ಇಳಿಯಬಿಟ್ಟು ಪರಿಶೀಲಿಸಿದೆವು. ನಂತರ ನಾಣ್ಯಗಳನ್ನು ಯಶಸ್ವಿಯಾಗಿ ಹೊಡತೆಗೆಯಲಾಯಿತು. ಶಸ್ತ್ರಚಿಕಿತ್ಸೆಯ ನಂತರ ಥಿಯೋಡಾಕ್ಸ್ ಮೊಸಳೆ ಚೇತರಿಸಿಕೊಂಡಿತು. ನಂತರ ಅದನ್ನು ಅದರ ವಾಸಸ್ಥಳ ಜೂಗೆ ಬಿಡುಗಡೆ ಮಾಡಲಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ಈ ಘಟನೆಯ ನಂತರ, ಮೃಗಾಲಯಕ್ಕೆ ಬರುವ ಜನರು ನಾಣ್ಯಗಳು ಮತ್ತಿತರ ವಸ್ತುಗಳನ್ನು ಮೃಗಾಲಯದ ಕಾರಂಜಿಗಳಲ್ಲಿ ಎಸೆಯದಂತೆ ಎಚ್ಚರಿಕೆ ನೀಡುವ ಫಲಕಗಳನ್ನು ಹಾಕಲಾಗಿದೆ.

ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 5:50 pm, Tue, 20 February 24