1.400 ಕ್ಕೂ ಹೆಚ್ಚು ಮರುಬಳಕೆ ವಾಷಿಂಗ್ ಮಷಿನ್ಗಳನ್ನು ಬಳಸಿ 44 ಅಡಿ ಎತ್ತರದ ಪಿರಾಮಿಡ್ ನಿರ್ಮಿಸಿದ ಕಂಪನಿ

ಇಲೆಕ್ಟ್ರಾನಿಕ್ ವಸ್ತುಗಳ ತಯಾರಿಕಾ ಕಂಪನಿಯೊಂದು ಎಲೆಕ್ಟ್ರಾನಿಕ್ ತ್ಯಾಜ್ಯಗಳ ಬಳಕೆಯನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಹಳೆಯ ವಾಷಿಂಗ್ ಮಷಿನ್ ಗಳನ್ನು ಬಳಸಿ 44 ಅಡಿ 7 ಇಂಚಿನ ಪಿರಾಮಿಡ್ ಅನ್ನು ರಚಿಸಿದೆ. ಈ ಮೂಲಕ ಜಗತ್ತಿನ ಅತೀ ಎತ್ತರದ ಎಲೆಕ್ಟ್ರಾನಿಕ್ ತ್ಯಾಜ್ಯಗಳ ಪಿರಾಮಡ್ ತಯಾರಿಸಿ ಗಿನ್ನಿಸ್ ವಲ್ರ್ಡ್ ರೆಕಾರ್ಡ್ ಮಾಡಿದೆ.

ವಾಷಿಂಗ್ ಮಷನ್ನಿಂದ ತಯಾರಿಸಿದ ಪಿರಾಮಿಡ್

TV9 Web | Edited By: Pavitra Bhat Jigalemane|
Updated on: Dec 10, 2021 | 11:55 AM

ಜಗತ್ತಿನಲ್ಲಿ ಇಲೆಕ್ಟ್ರಾನಿಕ್ ತ್ಯಾಜ್ಯಗಳ ಪ್ರಮಾಣ ಹೆಚ್ಚುತ್ತಲೇ ಇದೆ. ಟೆಕ್ನಾಲಜಿ ಬೆಳೆದಂತೆ ಇಲೆಕ್ಟ್ರಾನಿಕ್ ವಸ್ತುಗಳ ಬಳಕೆ ಹೆಚ್ಚಾಗಿದೆ. ಇದರಿಂದ ಪರಿಸರ ಮಾಲಿನ್ಯವೂ ಗಣನೀಯವಾಗಿ ಏರಿಕೆಯಾಗುತ್ತಿದೆ. ಹೀಗಾಗಿ ಇ–ವೇಸ್ಟ್ಗಳ ಮರುಬಳಕೆ ಮಾಡಬೇಕಿದೆ. ಈ ಹಿನ್ನೆಲೆಯಲ್ಲಿ ಯುಕೆಯ ಇಲೆಕ್ಟ್ರಾನಿಕ್ ವಸ್ತುಗಳ ತಯಾರಿಕಾ ಕಂಪನಿಯೊಂದು ಇ–ವೇಸ್ಟ್ ವಸ್ತುಗಳನ್ನು ಬಳಸಿ ಗಿನ್ನಿಸ್ ದಾಖಲೆ ಮಾಡಿದೆ. ಇಲೆಕ್ಟ್ರಾನಿಕ್ ವಸ್ತುಗಳ ತಯಾರಿಕಾ ಕಂಪನಿಯೊಂದು ಎಲೆಕ್ಟ್ರಾನಿಕ್ ತ್ಯಾಜ್ಯಗಳ ಬಳಕೆಯನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಹಳೆಯ ವಾಷಿಂಗ್ ಮಷಿನ್ ಗಳನ್ನು ಬಳಸಿ 44 ಅಡಿ 7 ಇಂಚಿನ ಪಿರಾಮಿಡ್ ಅನ್ನು ರಚಿಸಿದೆ. ಈ ಮೂಲಕ ಜಗತ್ತಿನ ಅತೀ ಎತ್ತರದ ಎಲೆಕ್ಟ್ರಾನಿಕ್ ತ್ಯಾಜ್ಯಗಳ ಪಿರಾಮಡ್ ತಯಾರಿಸಿ ಗಿನ್ನಿಸ್ ವಲ್ರ್ಡ್ ರೆಕಾರ್ಡ್ ಮಾಡಿದೆ. ಯುಕೆ ಮೂಲದ currys pc world ಎನ್ನುವ ಇಲೆಕ್ಟ್ರಾನಿಕ್ ಉಪಕರಣಗಳ ತಯಾರಿಕಾ ಕಂಪನಿ ಈ ಪಿರಾಮಿಡ್ ಅನ್ನು ರಚಿಸಿದೆ. ಈ ಪಿರಾಮಿಡ್ ರಚನೆಗ ಕಂಪನಿಯು 1,496 ಹಳೆಯ ವಾಷಿಂಗ್ ಮಷಿನ್ಗಳನ್ನು ಬಳಸಿಕೊಂಡಿದೆ.

1,469 ವಾಷಿಂಗ್ ಮಷಿನ್ಗಳನ್ನು ಒಂದರ ಮೇಲೊಂದರಂತೆ ಜೋಡಿಸಿ ಈ ಪಿರಾಮಿಡ್ ಅನ್ನು ರಚಿಸಿದೆ. ರಾಷ್ಟ್ರೀಯ ಮರುಬಳಕೆ ವಸ್ತಗಳ ವಾರದಲ್ಲಿ ಗಿನ್ನಿಸ್ ದಾಖಲೆ ಮಾಡುವ ಸಲುವಾಗಿ ಸೆಪ್ಟೆಂಬರ್ತಿಂಗಳಿನಲ್ಲಿ ಕಂಪನಿ ಈ ಪಿರಾಮಿಡ್ ಅನ್ನು ನಿರ್ಮಿಸಿದೆ. ಇದು ಜಗತ್ತಿನ ಅತೀ ಎತ್ತರದ ಎಲೆಕ್ಟ್ರಾನಿಕ್ ಪಿರಾಮಿಡ್ ಆಗಿದೆ. ಇಲೆಕ್ಟ್ರಾನಿಕ್ ತ್ಯಾಜ್ಯಗಳ ಮರುಬಳಕೆ ಮತ್ತು ನಿರ್ವಹಣೆಯ ಉದ್ದೇಶದಿಂದ ನ್ಯೂ ಲೈಫ್ ನಾಟ್ ಲ್ಯಾಂಡ್ ಫಿಲ್ ಎಂಬ ಯೋಜನೆಯ ಅಡಿಯಲ್ಲಿ ಈ ಕ್ರಮವನ್ನು ಕೈಗೊಂಡಿದೆ.

ಪ್ರತೀ ವರ್ಷ ಯುನೈಟೆಡ್ ಕಿಂಗ್ಡಮ್ನಲ್ಲಿ 1.45 ಮಿಲಿಯನ್ ಟನ್ನಷ್ಟು ಎಲೆಕ್ಟ್ರಾನಿಕ್ ತ್ಯಾಜ್ಯಗಳು ಉತ್ಪಾದನೆಯಾಗುತ್ತದೆ ಎಂದು ವರದಿಯೊಂದು ತಿಳಿಸಿದೆ. ಕೇವಲ ಯುಕೆ ಮಾತ್ರವಲ್ಲ ಜಾಗತಿಕವಾಗಿಯೂ ಇಲೆಕ್ಟ್ರಾನಿಕ್ ತ್ಯಾಜ್ಯಗಳ ಉತ್ಪಾದನೆ ಹೆಚ್ಚಾಗಿದೆ. ಇದರಿಂದ ಪರಿಸರ ಮಾಲಿನ್ಯ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ಈ ನಿಟ್ಟಿನಲ್ಲಿ ಇ–ವೇಸ್ಟ್ ಗಳ ಮರುಉಪಯೋಗ ಹಾಗೂ ನಿರ್ಹವಣೆಯ ಕ್ರಮಗಳನ್ನು ಅಗತ್ಯವಾಗಿ ತೆಗೆದುಕೊಳ್ಳಬೇಕಿದೆ. ಗಿನ್ನಿಸ್ ದಾಖಲೆಗಾಗಿ ನಿರ್ಮಿಸಿದ ಎಲೆಕ್ಟ್ರಾನಿಕ್ ಪಿರಾಮಿಡ್ ಈಗ ಪ್ರವಾಸಿಗರನ್ನು ಆಕರ್ಷಿಸಿದೆ. ಇ–ಪಿರಾಮಿಡ್ನ ವೀಡಿಯೋ, ಫೋಟೊಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಇಲೆಕ್ಟ್ರಾನಿಕ್ ತ್ಯಾಜ್ಯಗಳಾದ ವಾಷಿಂಗ್ ಮಷಿನ್, ಕಂಪ್ಯೂಟರ್, ಟಿವಿ ಇತ್ಯಾದಿಗಳನ್ನು ಎಲ್ಲೆಂದರಲ್ಲಿ ಎಸೆಯುವ ಬದಲು ಮನೆಯ ಅಲಂಕಾರಿಕ ವಸ್ತುಗಳಾಗಿ ಮರುಬಳಕೆ ಮಾಡಿಕೊಳ್ಳಬಹದು.