Viral Video: ಮೆಕ್ಸಿಕೋ; ಜೆಂಡರ್ ರಿವೀಲ್​ ಪಾರ್ಟಿ, ಸ್ಟಂಟ್​ ವಿಮಾನ ಪತನದಿಂದ ಪೈಲಟ್ ಸಾವು, ವಿಡಿಯೋ ವೈರಲ್

Gender Reveal Party: ಹುಟ್ಟುವ ಮಗು ಗಂಡೋ ಹೆಣ್ಣೋ ಎಂದು ತಮ್ಮ ಕುಟುಂಬ ಮತ್ತು ಆಪ್ತೇಷ್ಟರ ಎದುರು  ದಂಪತಿ ಬಹಿರಂಗಗೊಳಿಸುವ ಈ ಜೆಂಡರ್ ರಿವೀಲ್ ಪಾರ್ಟಿ ವಿದೇಶಗಳಲ್ಲಿ ದೊಡ್ಡ ಸಂಭ್ರಮಾಚರಣೆಯಲ್ಲಿ ನಡೆಯುತ್ತದೆ. ಅದಕ್ಕಾಗಿ ಥೀಮ್ ಆಧಾರಿತ ವೇದಿಕೆ ಅಲಂಕಾರವಂತೂ ಸಾಮಾನ್ಯ. ಆದರೆ ಈಗೀಗ ಸಾಹಸಮಯವಾಗಿ ಇವುಗಳನ್ನು ಆಚರಿಸುವ ಹುಚ್ಚು ಜನರಿಗೆ ಹೆಚ್ಚುತ್ತಿದೆ. ಇದೀಗ ವೈರಲ್ ಆಗಿರುವ ವಿಡಿಯೋ ನೋಡಿ. ದಂಪತಿ ಅತಿಥಿಗಳೆದುರು ಜೆಂಡರ್​ ರಿವೀಲ್ ಪಾರ್ಟಿ ಆಚರಣೆಗೆ ಸಿದ್ಧವಾಗಿದ್ದಾರೆ. ಈ ಸಂಭ್ರಮಾಚರಣೆಯ ಭಾಗವಾಗಿರುವ ಸ್ಟಂಟ್​ ವಿಮಾನವೊಂದು (Stunt Flight) ಪತನಗೊಂಡು ಪೈಲಟ್ ಸ್ಥಳದಲ್ಲಿಯೇ​ ಸಾವನ್ನಪ್ಪುತ್ತಾನೆ.

ಇದನ್ನೂ ಓದಿ : Viral Video: ಕ್ಯಾನ್ಸರ್​; ಹೆಂಡತಿಯನ್ನು ಬೆಂಬಲಿಸಲು ತಲೆ ಬೋಳಿಸಿಕೊಂಡ ಗಂಡ

ಮೆಕ್ಸಿಕೋದ ಸ್ಯಾನ್​ ಪೆಡ್ರೋದಲ್ಲಿ ಈ ದುರ್ಘಟನೆ ನಡೆದಿದೆ. ಪಾರ್ಟಿ ವೇಳೆ ನೆರೆದ ಅತಿಥಿಗಳೆದುರೇ ಸ್ಟಂಟ್​ ವಿಮಾನವೊಂದು ಪತನಗೊಂಡ ಪರಿಣಾಮ 32 ವರ್ಷದ ಲೂಯೀಸ್ ಏಂಜೆಲ್ ಎಂಬ ಪೈಲಟ್​ ಅಸುನೀಗಿದ್ದಾನೆ. ದುರಂತಕ್ಕೀಡಾದ ವಿಮಾನದ ಅವಶೇಷಗಳಡಿ ಸಿಲುಕಿದ್ದ ಪೈಲಟ್​ನನ್ನು ತಕ್ಷಣವೇ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ವಿಫಲವಾಗಿ ಸಾವನ್ನಪ್ಪಿದ.

ಜೆಂಡರ್ ರಿವೀಲ್​ ಪಾರ್ಟಿ ವೇಳೆ ಸ್ಟಂಟ್​ ವಿಮಾನ ಪತನಗೊಂಡ ಕ್ಷಣಗಳು

ಗುಲಾಬಿವರ್ಣವು ಹೆಣ್ಣುಮಗುವಿನ ಆಗಮನವನ್ನು ಸೂಚಿಸುತ್ತದೆ. ನೀಲಿಬಣ್ಣವು ಗಂಡುಮಗುವಿನ ಆಗಮನವನ್ನು ಸೂಚಿಸುತ್ತದೆ. ಆ ಪ್ರಕಾರ Piper PA-25-235 Pawnee ವಿಮಾನವು ಆಕಾಶದಲ್ಲಿ ಗುಲಾಬಿಹೊಗೆಯನ್ನು ಹೊಮ್ಮಿಸುತ್ತ ಹುಟ್ಟುವ ಮಗುವಿನ ಲಿಂಗವನ್ನು ಬಹಿರಂಪಡಿಸಿತು. ಆದರೆ ಕೆಲ ಕ್ಷಣದಲ್ಲಿಯೇ ವಿಮಾನದ ಎಡರೆಕ್ಕೆಯಲ್ಲಿ ಏನೋ ತೊಂದರೆಯುಂಟಾಗಿ ವಿಮಾನವು ಪತನಗೊಂಡಿತು.

ಇದನ್ನೂ ಓದಿ : Viral Video: ನಿಮ್ಮಿಷ್ಟದ ಭಾರತೀಯ ಸಿನೆಮಾ ನೃತ್ಯವನ್ನು ಕಲಿಸುತ್ತೀರಾ? ಬೆಲ್ಜಿಯಮ್​ ವ್ಯಕ್ತಿ ಇವರನ್ನೆಲ್ಲಾ ಕೇಳಿದಾಗ

ನೆಟ್ಟಿಗರು ಇಂಥ ಪಾರ್ಟಿಗಳ ವೈಭವ, ಸಾಹಸ, ಸಂಭ್ರಮಾಚರಣೆಗಳ ಕುರಿತು ಚರ್ಚೆ ನಡೆಸುತ್ತಿದ್ದಾರೆ. ಇನ್ನಾದರೂ ಜನರು ಇಂಥ ಹುಚ್ಚಾಟಗಳನ್ನು ನಡೆಸುವುದನ್ನು ಬಿಡಬೇಕು ಎಂದು ಹೇಳುತ್ತಿದ್ಧಾರೆ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​​​ಗಾಗಿ ಕ್ಲಿಕ್ ಮಾಡಿ