Dog Saves Owner: ವಿಷಕಾರಿ ಹಾವಿನಿಂದ ಮಾಲೀಕನನ್ನು ರಕ್ಷಿಸಿದ ನಾಯಿ, ನೆಟ್ಟಿಗರಿಂದ ಪ್ರಶಂಸೆಯ ಸುರಿಮಳೆ

ಈ ಪ್ರಪಂಚದಲ್ಲಿ ನಂಬಿಕೆಗೆ ಅರ್ಹವಾದ ಪ್ರಾಣಿ ಎಂದರೆ ಅದು ನಾಯಿ. ಈ ಶ್ವಾನಗಳು ಪ್ರಾತಿಪಾತ್ರವೂ, ಸ್ವಾಮಿನಿಷ್ಠವೂ ಆಗಿರುವುದರ ಜತೆಗೆ ಜೊತೆಗೆ ಬುದ್ದಿವಂತಿಕೆಯನ್ನೂ ಹೊಂದಿರುತ್ತವೆ ಹಾಗೂ ಇವುಗಳು ಬೇಗ ಒಡೆಯನ ಸಾಮೀಪ್ಯವನ್ನು ಪಡೆದುಕೊಳ್ಳುತ್ತವೆ. ತಮ್ಮ ಮಾಲಿಕನನ್ನು ಒಪ್ಪಿಕೊಂಡ ಬಳಿಕ ಇವು ಜೀವನಪರ್ಯಂತ ನಿಸ್ವಾರ್ಥವಾದ ಪ್ರೀತಿಯನ್ನು ತೋರುತ್ತಿರುತ್ತವೆ. ನೀವು ಒಂದೇ ಒಂದು ಹೊತ್ತು ಊಟ ಹಾಕಿದರೆ ಸಾಕು, ಅಪಾರ ಪ್ರೀತಿಯನ್ನು ನೀಡುತ್ತವೆ. ಮನೆಗೆ ಕಳ್ಳ ಅಥವಾ ಅಪರಿಚಿತರು ಯಾರೇ ಬಂದರೂ ಅವರನ್ನು ತಡೆಯುತ್ತಾ ಮನೆಯ ಕಾವಲುಗಾರನಾಗಿ ಇರುತ್ತದೆ.

ಹಾಗೆಯೇ ಇತ್ತೀಚೆಗಷ್ಟೇ ನಾಯಿಯೊಂದು ವಿಷಕಾರಿ ಹಾವಿನಿಂದ ತನ್ನ ಮಾಲೀಕನನ್ನು ರಕ್ಷಿಸಿರುವ ಘಟನೆ ವರದಿಯಾಗಿದೆ. ದಕ್ಷಿಣ ಆಫ್ರಿಕಾದಲ್ಲಿ ಈ ಘಟನೆ ನಡೆದಿದ್ದು ಈ ಘಟನೆಯ ಸಂಪೂರ್ಣ ವಿವರ ಹೀಗಿದೆ.

ದಕ್ಷಿಣ ಆಫ್ರಿಕಾದ ನಾಯಿಯೊಂದು ಹಾಸಿಗೆಯ ಕೆಳಗೆ ಅಡಗಿರುವ ಅಪಾಯಕಾರಿ ಮಾಂಬಾ ಹಾವಿನಿಂದ ತನ್ನ ಮಾಲೀಕರನ್ನು ರಕ್ಷಿಸುವ ಮೂಲಕ ತನ್ನ ಶೌರ್ಯವನ್ನು ಮೆರೆದಿದೆ.

ಮಾಲೀಕರು ಹಾಸಿಗೆಯ ಬಳಿ ಬಂದಾಗಲೆಲ್ಲಾ ನಾಯಿ ಜೋರಾಗಿ ಬೊಗುಳುತ್ತಿತ್ತು. ನಾಯಿ ಪ್ರತಿ ಬಾರಿ ಬೊಗಳುವುದು ಏಕೆ ಎಂದು ಹಾಸಿಗೆಯ ಕೆಳಗೆ ನೋಡಿದಾಗ ವಿಷಪೂರಿತ ಹಾವು ಕಾಣಿಸಿತು. ದಕ್ಷಿಣ ಆಫ್ರಿಕಾದ ಹಾವು ಹಿಡಿಯುವ ನಿಕ್ ಇವಾನ್ಸ್ ಈ ಭಯಾನಕ ಕಥೆಯನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ಬಳಿಕ ಹಾವು ಹಿಡಿದ ಕಥೆಯನ್ನೂ ಅವರು ಹಂಚಿಕೊಂಡಿರುವುದು ಗಮನಾರ್ಹ.

ಈ ಘಟನೆ ವೈರಲ್ ಆದಾಗ, ನೆಟ್ಟಿಗರು ನಾಯಿಯ ಮೇಲೆ ಮಾಲೀಕ ಇಟ್ಟಿರುವ ನಂಬಿಕೆ ಹಾಗೂ ಮಾಲೀಕನ ಮೇಲೆ ನಾಯಿ ಇಟ್ಟಿರುವ ಕಾಳಜಿ ಪ್ರಶಂಸೆಗೆ ಪಾತ್ರವಾದದ್ದು ಎಂದಿದ್ದಾರೆ, ನಾಯಿಯ ಸಮಯ ಪ್ರಜ್ಞೆಯನ್ನು ಶ್ಲಾಘಿಸಲಾಗುತ್ತಿದೆ.

ವೈರಲ್ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ