Viral Post: ಓಯೋ ರೂಮ್ ಬುಕ್ ಮಾಡಿದ ವ್ಯಕ್ತಿ; ರೂಮ್ ಕಂಡು ಕಂಗಾಲು
ಬೆಂಗಳೂರಿನ ವ್ಯಕ್ತಿಯೊಬ್ಬರು 'ಮೇಕ್ ಮೈ ಟ್ರಿಪ್' ಮೂಲಕ 'ಓಯೋ ಹೋಟೆಲ್' ನಲ್ಲಿ ರೂಮ್ ಬುಕ್ ಮಾಡಿದ್ದಾರೆ. ಆದರೆ ಹೋಟೆಲ್ ತಲುಪಿದ ತಕ್ಷಣ ರೂಮ್ ಕಂಡು ಕಂಗಾಲಾಗಿದ್ದಾರೆ. ಸದ್ಯ ತನಗಾದ ಅನುಭವವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಈ ಪೋಸ್ಟ್ ಇದೀಗ ಎಲ್ಲೆಡೆ ಭಾರೀ ವೈರಲ್ ಆಗಿದೆ.
Updated on:Feb 13, 2024 | 12:38 PM
ಇತ್ತೀಚಿನ ದಿನಗಳಲ್ಲಿ ಬಹುತೇಕ ಎಲ್ಲಾ ಜನರ ಕೆಲಸಗಳು ಆನ್‌ಲೈನ್‌ನಲ್ಲಿ ನಡೆಯುತ್ತಿದೆ. ನೀವು ಯಾರಿಗಾದರೂ ಹಣವನ್ನು ಕಳುಹಿಸಲು ಅಥವಾ ಎಲ್ಲಿಂದಲಾದರೂ ಹಣವನ್ನು ಪಡೆಯಲು ಬಯಸಿದರೆ,ಆನ್‌ಲೈನ್‌ ಮೂಲಕ ಕೆಲಸ ಸೆಕೆಂಡುಗಳಲ್ಲಿ ಮುಗಿಯುತ್ತದೆ. ರೈಲು, ಬಸ್ ಅಥವಾ ಕ್ಯಾಬ್ ಬುಕ್ ಮಾಡುವುದರಿಂದ ಹಿಡಿದು ಹೋಟೆಲ್ ಬುಕ್ ಮಾಡುವವರೆಗೆ ಈ ಎಲ್ಲಾ ಕೆಲಸಗಳನ್ನು ಆನ್‌ಲೈನ್‌ನಲ್ಲಿ ಸುಲಭವಾಗಿ ಮಾಡಬಹುದು. ಆನ್ ಲೈನ್ ವಹಿವಾಟುಗಳಿಂದ ವಂಚನೆಗೆ ಬಲಿಯಾಗುವವರ ಸಂಖ್ಯೆಯು ಹೆಚ್ಚಿದೆ. ಇದೀಗಾ ಮೇಕ್ ಮೈಟ್ರಿಪ್ ಮೂಲಕ ಓಯೋ ಹೋಟೆಲ್ ನಲ್ಲಿ ರೂಂ ಬುಕ್ ಮಾಡಿದ್ದ ಬೆಂಗಳೂರಿನ ವ್ಯಕ್ತಿಯೊಬ್ಬರು ರೂಮ್ನ ಪರಿಸ್ಥಿತಿ ಕಂಡು ತಲೆಗೆ ಕೈ ಕೊಟ್ಟು ಕುಳಿತಿದ್ದಾರೆ. ವ್ಯಕ್ತಿಯ ಹೆಸರು ಅಮಿತ್ ಚಾನ್ಸಿಕರ್. ಅವರು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಟ್ವಿಟ್ಟರ್‌ನಲ್ಲಿ ಕೆಲವು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ತನಗೆ ಏನಾಯಿತು ಎಂಬುದರ ಕುರಿತು ಸಂಪೂರ್ಣ ಕಥೆಯನ್ನು ಹೇಳಿದ್ದಾರೆ.
ವಾಸ್ತವವಾಗಿ, ಅವರು ರೂಮ್ ಬುಕ್ ಮಾಡಿ ಅಲ್ಲಿಗೆ ಹೋದಾಗ ಸುಸಜ್ಜಿತ ರೂಮ್ ಬದಲಿಗೆ ಕಟ್ಟಡ ಕಾಮಗಾರಿ ನಡೆಯುತ್ತಿರುವುದನ್ನು ಕಂಡು ಶಾಕ್ಗೆ ಒಳಗಾಗಿದ್ದಾರೆ. ಈ ಘಟನೆಯ ನಂತರ, ಅಮಿತ್ ಎರಡೂ ಬುಕಿಂಗ್ ಪ್ಲಾಟ್‌ಫಾರ್ಮ್‌ಗಳನ್ನು ಬಲವಾಗಿ ಟೀಕಿಸಿ ಮತ್ತು ವಿಷಯವನ್ನು ವಂಚನೆ ಎಂದು ವಿವರಿಸಿದ್ದಾರೆ. ‘ಮೇಕ್ ಮೈ ಟ್ರಿಪ್’ ಮತ್ತು ‘ಓಯೋ ಹೋಟೆಲ್’ ಎಂದು ಟ್ಯಾಗ್ ಮಾಡಿದ ಅವರು ಪೋಸ್ಟ್‌ನಲ್ಲಿ ಬರೆದಿದ್ದಾರೆ, ‘ಇತ್ತೀಚೆಗೆ ಇಲ್ಲಿಗೆ ಬಂದಿದ್ದೇನೆ ಮತ್ತು ನಾನು ಬುಕ್ ಮಾಡಿದ ಹೋಟೆಲ್ ನವೀಕರಣದಲ್ಲಿದೆ ಎಂದು ಕಂಡುಬಂದಿದೆ. ಮನುಷ್ಯರಿಲ್ಲ. ಇದು ವಂಚನೆಗೆ ಸಮಾನವಾಗಿದೆ . ಇಲ್ಲಿ 2 ಗಂಟೆ ವ್ಯರ್ಥ ಮಾಡಿದ ನಂತರ ಅವರು ನನ್ನ ಮರುಪಾವತಿಯಿಂದ ಹಣವನ್ನು ಕಡಿತಗೊಳಿಸಿದರು. ನಿಮಗೆ ನಾಚಿಕೆಯಾಗಬೇಕು’ ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ನಿಮ್ಗೂ ಚಾಕೊಲೇಟ್ ಅಂದ್ರೆ ತುಂಬಾನೇ ಇಷ್ಟಾನಾ? ಹಾಗಿದ್ರೆ ಈ ವಿಡಿಯೋ ತಪ್ಪದೆ ನೋಡಿ
ಆದಾಗ್ಯೂ, ಓಯೋ ಹೋಟೆಲ್ ಕೂಡ ಅವರ ಪೋಸ್ಟ್‌ಗೆ ಪ್ರತಿಕ್ರಿಯಿಸಿ, ‘ನಿಮಗೆ ಉಂಟಾದ ಅನಾನುಕೂಲಕ್ಕಾಗಿ ನಾವು ಕ್ಷಮೆಯಾಚಿಸುತ್ತೇವೆ. ನಮ್ಮ ತಂಡವು ಈಗಾಗಲೇ ನಿರ್ಣಯದೊಂದಿಗೆ ನಿಮ್ಮನ್ನು ಸಂಪರ್ಕಿಸಿದೆ ಮತ್ತು ಅಗತ್ಯ ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ನಾವು ನಂಬುತ್ತೇವೆ. ಅಲ್ಲದೆ, ಹೆಚ್ಚಿನ ಸಹಾಯಕ್ಕಾಗಿ MMT ಅನ್ನು ಸಂಪರ್ಕಿಸಲು ನಿಮ್ಮನ್ನು ವಿನಂತಿಸಲಾಗಿದೆ.
ಇನ್ನಷ್ಟು ವೈರಲ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 12:37 pm, Tue, 13 February 24
