Techmeme: ಗೂಗಲ್ ಸಿಇಒ ಸುಂದರ್ ಪಿಚೈ ಬೆಳಗ್ಗೆ ಎದ್ದು ಮಾಡೋ ಮೊದಲ ಕೆಲಸ ಇದು…

Google CEO Sundar Pichai daily routine: ಗೂಗಲ್ ಸಿಇಒ ಸುಂದರ್ ಪಿಚೈ ಬೆಳಗ್ಗೆ ಎದ್ದು ಓದುವ ಅಥವಾ ನೋಡುವ ಸಂಗತಿಗಳಲ್ಲಿ ಟೆಕ್ ಸುದ್ದಿಗಳ ಅಗ್ರಿಗೇಟರ್ ಟೆಕ್​ಮೀಮ್ ಅನ್ನು ಓದುವುದು ಒಂದು. ಪಿಚೈ ಅವರು ಬೆಳಗ್ಗೆ 6:30 ಅಥವಾ 7ಕ್ಕೆ ಎದ್ದು ವಾಲ್ ಸ್ಟ್ರೀಟ್ ಜರ್ನಲ್, ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆಗಳನ್ನೂ ಓದುತ್ತಾರೆ. ಟೆಕ್​ಮೀಮ್ ಎಂಬುದು ವಿವಿಧ ಟೆಕ್ ಸುದ್ದಿತಾಣಗಳಲ್ಲಿನ ಸುದ್ದಿಗಳನ್ನು ಹೆಕ್ಕಿ ಕೊಡುವ ಒಂದು ಅಗ್ರಿಗೇಟರ್ ವೆಬ್​ಸೈಟ್ ಆಗಿದೆ.

Techmeme: ಗೂಗಲ್ ಸಿಇಒ ಸುಂದರ್ ಪಿಚೈ ಬೆಳಗ್ಗೆ ಎದ್ದು ಮಾಡೋ ಮೊದಲ ಕೆಲಸ ಇದು...
ಗೂಗಲ್ ಸಿಇಒ ಸುಂದರ್ ಪಿಚೈ
Follow us
|

Updated on: Feb 13, 2024 | 10:50 AM

ನವದೆಹಲಿ, ಫೆಬ್ರುವರಿ 13: ಸಾಮಾನ್ಯವಾಗಿ ನಾವು ನೀವು ಹಾಗು ಹೆಚ್ಚಿನ ಮಂದಿ ಬೆಳಗ್ಗೆ ಎದ್ದ ಬಳಿಕ ಪೇಪರ್ ಓದುವುದೋ, ಮೊಬೈಲ್ ನೋಡುವುದೋ, ವಾಕಿಂಗ್ ಹೋಗುವುದೋ ಇನ್ನೇನಾದರೂ ಮಾಡುತ್ತೇವೆ. ದೊಡ್ಡ ಮಂದಿ ಏನು ಮಾಡ್ತಾರೆ? ದಿನವಿಡೀ ಬ್ಯುಸಿ ಇರುವ ಗೂಗಲ್ ಇತ್ಯಾದಿ ಟೆಕ್ ಕಂಪನಿಗಳ ಹಿರಿಯರು ಏನು ಮಾಡಬಹುದು? ಗೂಗಲ್ ಸಿಇಒ ಸುಂದರ್ ಪಿಚೈ (Sundar Pichai) ಅವರು ಬೆಳಗ್ಗೆ ಎದ್ದು ಮಾಡುವ ಮೊದಲ ಕೆಲಸಗಳಲ್ಲಿ ಟೆಕ್​ಮೀಮ್ (Techmeme) ಎಂಬ ಟೆಕ್ ಸುದ್ದಿಗಳ ವೆಬ್​ಸೈಟ್ ಅನ್ನು ನೋಡುವುದೂ ಒಂದು. 51 ವರ್ಷದ ಸುಂದರ್ ಪಿಚೈ ಅವರ ದಿನಚರಿಯಲ್ಲಿ ಪೇಪರ್ ಕೂಡ ಪ್ರಮುಖವಾದುದು.

ಪಿಚೈ ದಿನಚರಿ ಹೀಗಿರುತ್ತೆ…

ಸುಂದರ್ ಪಿಚೈ ಏಳೆಂಟು ವರ್ಷಗಳ ಹಿಂದೆ ಸಂದರ್ಶನವೊಂದರಲ್ಲಿ ತಮ್ಮ ಬೆಳಗಿನ ಚಟುವಟಿಕೆಗಳ ಬಗ್ಗೆ ಮಾಹಿತಿ ನೀಡಿದ್ದರು. ಆಗ ಗೂಗಲ್ ಸಿಇಒ ಅವರು ಬೆಳಗ್ಗೆ 6:30 ಅಥವಾ 7 ಗಂಟೆಗೆ ಏಳುತ್ತಿದ್ದರು. ಮನೆಗೆ ವಾಲ್ ಸ್ಟ್ರೀಟ್ ಜರ್ನಲ್ ದಿನಪತ್ರಿಕೆ ಬರುತ್ತಿತ್ತು. ಚಹಾ ಕುಡಿಯುತ್ತಾ ಅದನ್ನು ಓದುತ್ತಿದ್ದರು. ಬಳಿಕ ನ್ಯೂಯಾರ್ಕ್ ಟೈಮ್ಸ್ ಪತ್ರಿಕೆಯ ಆನ್​ಲೈನ್ ಆವೃತ್ತಿಯನ್ನು ಓದುತ್ತಿದ್ದರು. ಬೆಳಗಿನ ತಿಂಡಿಗೆ ಅವರು ಬ್ರೆಡ್ ಟೋಸ್ಟ್ ಮತ್ತು ಆಮ್ಲೆಟ್ ಸೇವಿಸುತ್ತಿದ್ದರು.

ಇದನ್ನೂ ಓದಿ: ವಾಟ್ಸ್​ಆ್ಯಪ್​ನಿಂದ ಬಳಕೆದಾರರಿಗೆ ಉಪಯುಕ್ತವಾದ ಫೀಚರ್: ಇನ್ನುಂದೆ ಕಿರಿಕಿರಿ ಇರುವುದಿಲ್ಲ

ಇತ್ತೀಚೆಗೆ ಅವರು ತಮ್ಮ ಬೆಳಗಿನ ಓದಿಗೆ ಟೆಕ್​ಮೀಮ್ ಅನ್ನು ಸೇರಿಸಿಕೊಂಡಂತಿದೆ. ಟೆಕ್​ಮೀಮ್ ಅನ್ನು ಗೂಗಲ್ ಸಿಇಒ ಸುಂದರ್ ಪಿಚೈ ಮಾತ್ರವಲ್ಲ, ಹಲವು ದೊಡ್ಡದೊಡ್ಡ ಮಂದಿಗೂ ಇದು ಓದಿನ ಸರಕಾಗಿದೆ. ಮೆಟಾ ಸಿಇಒ ಮಾರ್ಕ್ ಜುಕರ್ಬರ್ಗ್, ಮೈಕ್ರೋಸಾಫ್ಟ್ ಸಿಇಒ ಸತ್ಯ ನಾದೆಲ್ಲಾ, ಟ್ವಿಟ್ಟರ್​ನ ಮಾಜಿ ಸಿಇಒ ಡಿಕ್ ಕಾಸ್ಟೊಲೊ ಮೊದಲಾದ ಕೆಲ ಪ್ರಮುಖ ಎಕ್ಸಿಕ್ಯೂಟಿವ್​ಗಳು ತಾವು ಟೆಕ್ ಮೀಮ್ ವೆಬ್​ಸೈಟ್ ನೋಡುವುದಾಗಿ ಸ್ವತಃ ಹೇಳಿಕೊಂಡಿದ್ದಾರೆ.

ಟೆಕ್ ಮೀಮ್ ವೆಬ್​ಸೈಟ್ ಸಿಇಒಗಳಿಗೆ ಯಾಕೆ ಇಷ್ಟ?

ಟೆಕ್​ಮೀಮ್ ಎಂಬುದು ಟೆಕ್ ಸುದ್ದಿಗಳ ಅಗ್ರಿಗೇಟರ್ ವೆಬ್​ಸೈಟ್. ಗೂಗಲ್ ನ್ಯೂಸ್​ನಲ್ಲಿ ವಿವಿಧ ವೆಬ್​ಸೈಟ್​ಗಳ ಸುದ್ದಿಗಳು ಬರುವಂತೆ ಟೆಕ್​ಮೀಮ್​ನಲ್ಲಿ ಪ್ರಮುಖ ಟೆಕ್ ವೆಬ್​ಸೈಟ್​ಗಳಿಂದ ಸುದ್ದಿಗಳನ್ನು ಹೆಕ್ಕಿ ನೀಡಲಾಗಿರುತ್ತದೆ. ಆಳವಾದ ವಿವರಣೆ, ಸ್ಪಷ್ಟ ನಿರೂಪಣೆ ಇರುವ ಸುದ್ದಿಗಳ ಸಂಗ್ರಹ ಇದರಲ್ಲಿರುತ್ತದೆ.

ಇದನ್ನೂ ಓದಿ: ಚೀನಾ ಕಂಪನಿಗಳನ್ನು ಹೀಗೆ ಗುರಿ ಮಾಡಿದರೆ ಸರಬರಾಜುದಾರರು ಭಾರತಕ್ಕೆ ಬರಲು ಭಯಬೀಳಬಹುದು: ಶಿಯೋಮಿ ಕಳವಳ

ಇಂಟೆಲ್​ನ ಮಾಜಿ ಎಂಜಿನಿಯರ್ ಗೇಬ್ ರಿವೆರಾ ಎಂಬುವವರು ಈ ವೆಬ್​ಸೈಟ್​ನ ಸಂಸ್ಥಾಪಕ. ಟ್ರೆಂಡಿಂಗ್ ಟೆಕ್ ಸುದ್ದಿಗಳನ್ನು ಪ್ರಸ್ತುತಪಡಿಸುವುದು ಟೆಕ್​ಮೀಮ್​ನ ವೈಶಿಷ್ಟ್ಯ. ಇದರ ಸಂಪಾದಕೀಯ ಬಳಗದಲ್ಲಿ ಭಾರತೀಯರು ಇದ್ದಾರೆ. ಬೆಂಗಳೂರಿನ ಶ್ರೀಕರ್ ದನಕೋಟಿ, ಆದರ್ಶ್ ಮಾಥಮ್, ಮಹೆಂದ್ರ ಪಾಲ್ಸುಲೆ ಅವರಿದ್ದಾರೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

‘ಕೆಟ್ಟ ಕಾರಣಕ್ಕೆ ಕನ್ನಡ ಚಿತ್ರರಂಗ ಸುದ್ದಿ ಆಗುತ್ತಿದೆ, ಆದರೆ..’: ಕಿಚ್ಚ
‘ಕೆಟ್ಟ ಕಾರಣಕ್ಕೆ ಕನ್ನಡ ಚಿತ್ರರಂಗ ಸುದ್ದಿ ಆಗುತ್ತಿದೆ, ಆದರೆ..’: ಕಿಚ್ಚ
ಕನ್ನಡದಲ್ಲಿ ಔಷಧಿ ಚೀಟಿ ಬರೆದು ಗಮನಸೆಳೆದ ಮತ್ತೋರ್ವ ಡಾಕ್ಟರ್
ಕನ್ನಡದಲ್ಲಿ ಔಷಧಿ ಚೀಟಿ ಬರೆದು ಗಮನಸೆಳೆದ ಮತ್ತೋರ್ವ ಡಾಕ್ಟರ್
ಅಂತಿಂಥ ಕಳ್ಳಿ ನಾನಲ್ಲ; ಇವರು ಸೀರೆ ಕದಿಯೋದೇ ಗೊತ್ತಾಗಲ್ಲ!
ಅಂತಿಂಥ ಕಳ್ಳಿ ನಾನಲ್ಲ; ಇವರು ಸೀರೆ ಕದಿಯೋದೇ ಗೊತ್ತಾಗಲ್ಲ!
ಶಾಸಕ ಯತ್ನಾಳ್ ವಿರುದ್ಧ ಎಫ್​ಐಆರ್ ದಾಖಲು: ಬಾಗಲಕೋಟೆ ಎಸ್​ಪಿ ಹೇಳಿದ್ದಿಷ್ಟು
ಶಾಸಕ ಯತ್ನಾಳ್ ವಿರುದ್ಧ ಎಫ್​ಐಆರ್ ದಾಖಲು: ಬಾಗಲಕೋಟೆ ಎಸ್​ಪಿ ಹೇಳಿದ್ದಿಷ್ಟು
ವಿಷ್ಣುವರ್ಧನ್ ಸಮಾಧಿ ಮುಂದೆ ಹೆಣ ಬೀಳುತ್ತೆ: ಅಭಿಮಾನಿ ಎಚ್ಚರಿಕೆ
ವಿಷ್ಣುವರ್ಧನ್ ಸಮಾಧಿ ಮುಂದೆ ಹೆಣ ಬೀಳುತ್ತೆ: ಅಭಿಮಾನಿ ಎಚ್ಚರಿಕೆ
ಹೆಗಲಿಗೆ ಬ್ಯಾಗ್, ಕೈಯಲ್ಲಿ ಚಪ್ಪಲಿ ಹಿಡಿದು ಕೆಸರಲ್ಲೇ ನಡೆಯಬೇಕು ಮಕ್ಕಳು
ಹೆಗಲಿಗೆ ಬ್ಯಾಗ್, ಕೈಯಲ್ಲಿ ಚಪ್ಪಲಿ ಹಿಡಿದು ಕೆಸರಲ್ಲೇ ನಡೆಯಬೇಕು ಮಕ್ಕಳು
ಜಮ್ಮು ಕಾಶ್ಮೀರದಲ್ಲಿ ಬಸ್ ಅಪಘಾತ; 3 ಬಿಎಸ್‌ಎಫ್ ಯೋಧರು ಸಾವು
ಜಮ್ಮು ಕಾಶ್ಮೀರದಲ್ಲಿ ಬಸ್ ಅಪಘಾತ; 3 ಬಿಎಸ್‌ಎಫ್ ಯೋಧರು ಸಾವು
20 ರೂ. ನೀರಿನ ಬಾಟಲಿ ಕೊಳ್ಳಲು ಬಂದವನು ಮಾಡಿದ್ದೇನು ನೋಡಿ!
20 ರೂ. ನೀರಿನ ಬಾಟಲಿ ಕೊಳ್ಳಲು ಬಂದವನು ಮಾಡಿದ್ದೇನು ನೋಡಿ!
ಬ್ಯಾಕ್ ಟು ಬ್ಯಾಕ್ ವಿಕೆಟ್ ಉರುಳಿಸಿದ ಆಕಾಶ್ ದೀಪ್
ಬ್ಯಾಕ್ ಟು ಬ್ಯಾಕ್ ವಿಕೆಟ್ ಉರುಳಿಸಿದ ಆಕಾಶ್ ದೀಪ್
ದರ್ಶನ್ ಹೊರಗೆ ಬಂದ್ರೆ ಖುಷಿ; ತಪ್ಪು ಮಾಡಿದ್ದರೆ ಕ್ರಮ ಆಗಲಿ: ಗುರು ಕಿರಣ್
ದರ್ಶನ್ ಹೊರಗೆ ಬಂದ್ರೆ ಖುಷಿ; ತಪ್ಪು ಮಾಡಿದ್ದರೆ ಕ್ರಮ ಆಗಲಿ: ಗುರು ಕಿರಣ್