Viral Video: 41 ವರ್ಷಗಳ ನಂತರ ರಾಜಕುಮಾರ ಹಾಡು ವೈರಲ್; ಮೂಲಹಾಡಿಗಿಂತಲೂ ಮಧುರ ಎಂದ ನೆಟ್ಟಿಗರು
Kannada Film Song: ಎಸ್ ಜಾನಕಿ ಮತ್ತು ರಾಜಕುಮಾರ ಅವರು 41 ವರ್ಷಗಳ ಹಿಂದೆ ಹಾಡಿದ ಈ ಹಾಡು ಇದೀಗ ವೈರಲ್ ಆಗಿದೆ. ದಿ ಸ್ಟೆಕ್ಯಾಟೋ ಕೆಫೆಯ ಕಲಾವಿದರಾದ ಸುನಿಧಿ ಗಣೇಶ, ಸುಪ್ರಭಾ ಬಿ ಆರ್, ಜೈಜೀವನ್ ಈ ಹಾಡಿಗೆ ಜೀವತುಂಬಿರುವ ರೀತಿಗೆ ನೆಟ್ಟಿಗರು ಮನಸೋತಿದ್ದಾರೆ. ಮಿಲಿಯನ್ಗಟ್ಟಲೆ ಜನರ ಮನಸ್ಸನ್ನು ಸೂರೆಗೊಂಡ ಈ ಹಾಡನ್ನು ನೀವೂ ಕೇಳಬೇಕೆ?
Updated on:Sep 09, 2023 | 4:19 PM
Kannada Cinema: ರಾಜಕುಮಾರ ಮಂಜುಳಾ ಅಭಿನಯದ ‘ನೀ ನನ್ನ ಗೆಲ್ಲಲಾರೆ’ 1981ರಲ್ಲಿ ಬಿಡುಗಡೆಯಾಯಿತು. ಈ ಸಿನೆಮಾದ ಪ್ರಸಿದ್ಧ ಗೀತೆಯನ್ನು ರಾಜಕುಮಾರ ಮತ್ತು ಎಸ್ ಜಾನಕಿ ಇಳಯರಾಜಾ (Ilaiyaraaja) ಅವರ ಸಂಗೀತ ನಿರ್ದೇಶನದಲ್ಲಿ ಹಾಡಿದ್ದರು. ಅಂದರೆ ಸುಮಾರು 41 ವರ್ಷಗಳ ಹಿಂದೆ ಹಾಡಿದ ಈ ಹಾಡನ್ನು ಇದೀಗ ಗಾಯಕಿ ಸುನಿಧಿ ಗಣೇಶ ಮತ್ತು ಸುಪ್ರಭಾ ಬಿ ಆರ್ ಹಾಡಿದ್ದಾರೆ. ಇವರು ಹಾಡಿರುವ ರೀತಿಗೆ ನೆಟ್ಟಿಗರು, ಇದು ಮೂಲಹಾಡಿಗಿಂತಲೂ ಚೆನ್ನಾಗಿ ಮೂಡಿಬಂದಿದೆ ಎಂದು ಪುಳಕಿತಗೊಂಡಿದ್ದಾರೆ. ದಿ ಸ್ಟೆಕ್ಯಾಟೋ ಕೆಫೆ (The Staccato Cafe) ಎಂಬ ಬ್ಯಾಂಡ್ನ ಇನ್ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ.
ಇದನ್ನೂ ಓದಿ : Viral Video: ದೈತ್ಯಹುಲಿಗೆ ಚುಂಬಿಸುತ್ತಿರುವ ವ್ಯಕ್ತಿ; ಈತ ಅದೃಷ್ಟವಂತ ಎನ್ನುತ್ತಿರುವ ಕೆಲಮಂದಿ
ಜುಲೈ 18ಂದು ಹಂಚಿಕೊಂಡ ಈ ವಿಡಿಯೋ ಅನ್ನು ಈತನಕ 2.9 ಲಕ್ಷಕ್ಕಿಂತ ಹೆಚ್ಚು ಜನರು ನೋಡಿದ್ದಾರೆ ಸಾವಿರಾರು ಜನರು ಪ್ರತಿಕ್ರಿಯಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ಧಾರೆ. ನಿಮ್ಮಿಬ್ಬರ ಧ್ವನಿ ಅತ್ಯದ್ಭುತವಾಗಿದೆ, ಈ ಮೂಲಕ ಈ ಹಾಡಿಗೆ ಮತ್ತಷ್ಟು ಹೊಳಪನ್ನು ತಂದಿದ್ದೀರಿ ಎಂದಿದ್ದಾರೆ ಅನೇಕರು. ಹಾಗಿದ್ದರೆ ಆ ಹಾಡು ಯಾವುದು? ಎಷ್ಟು ಬೇಕಾದಷ್ಟು ಸಲವಾದರೂ ಕೇಳಬಹುದು ಸುನಿಧಿ ಮತ್ತು ಸುಪ್ರಭಾ ಕಂಠದಲ್ಲಿ.
ಜೀವ ಹೂವಾಗಿದೆ ಭಾವ ಜೇನಾಗಿದೆ
View this post on Instagram
ಸಂಜೆ ತಂಗಾಳಿ, ತಂಪಾಗಿ ಬೀಸಿ, ಹೂವ ಕಂಪನ್ನು ಹಾದಿಗೆ ಹಾಸಿ/ತಂದಿದೆ ಹಿತವ ನಮಗಾಗಿ/ತಂದಿದೆ ಹಿತವ ನಮಗಾಗಿ/ಜೋಡಿ ಬಾನಾಡಿ, ಮೇಲೆ ಹಾರಾಡಿ ತೇಲಾಡಿ, ಹೋಲಾಡಿ ನಲಿವಂತೆ/ನಾವು ಆಡೋಣ ಇನ್ನೇಕೆ ಬಾ ಚಿಂತೆ/ಜೀವ ಹೂವಾಗಿದೇ… ಮತ್ತೆ ಮತ್ತೆ ಕೇಳುವಂತಿದೆಯಲ್ಲವೆ? ಈ ಹಾಡು ಶುರುವಾಗುತ್ತಿದ್ದಂತೆ ನನ್ನ ಮೈ ನವಿರೆದ್ದಿತು, ನಿಜಕ್ಕೂ ನಿಮ್ಮ ಟೀಮ್ ತುಂಬಾ ಚೆನ್ನಾಗಿದೆ ಎಂದಿದ್ದಾರೆ ಕೆಲವರು.
ಇದನ್ನೂ ಓದಿ : Viral Video: ‘ಹುಟ್ಟಿದ್ದು ಒಂಟಿಗಾಲಲ್ಲಿ ಆದರೆ ಬದುಕಿನುದ್ದಕ್ಕೂ ನರ್ತಿಸುತ್ತೇನೆ’; ಫಾತೀಮಾ
ಇದು ನನ್ನ ಅಪ್ಪನ ಅಚ್ಚುಮೆಚ್ಚಿನ ಹಾಡು. ನಾನು ಚಿಕ್ಕವನಿದ್ದಾಗ ಅವರು ಗುನುಗುತ್ತಿದ್ದರು. ಆರು ವರ್ಷದ ಹಿಂದೆ ಅವರು ತೀರಿದರು. ಈ ಹಾಡು ಕೇಳಿ ಅನೇಕ ನೆನಪುಗಳು ಉಕ್ಕಿದವು ಜೊತೆಗೆ ಕಣ್ಣೀರು, ಧನ್ಯವಾದ ನಿಮಗೆ ಎಂದಿದ್ದಾರೆ ಒಬ್ಬರು. ಮತ್ತಷ್ಟು ಹಳೆಯ ಹಾಡುಗಳನ್ನು ನೀವು ಹಾಡುತ್ತಲೇ ಇರಬೇಕು ನಾವು ಕೇಳುತ್ತಲೇ ಇರಬೇಕು ಎಂದು ಅನೇಕರು ಈ ವಿಡಿಯೋದಡಿ ಪ್ರತಿಕ್ರಿಯಿಸಿದ್ಧಾರೆ.
ಹಾಗೆಯೇ ವೈರಲ್ ಆಗಿರುವ ಇನ್ನೊಂದು ರೀಲ್ನಲ್ಲಿ ಜಸ್ಟ್ ಮಾತ್ ಮಾತಲ್ಲಿ ಸಿನೆಮಾದ ಗೀತೆಯನ್ನು ನಯನಾ ನಾಗರಾಜ್ ಹಾಡಿದ್ದಾರೆ. ಈ ಹಾಡನ್ನು ಈತನಕ 1.7 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ನೀವೂ ಈ ಹಾಡನ್ನು ಕೇಳಬೇಕೆ?
ಶ್ರೇಯಾ ಘೋಷಾಲ್ ಹಾಡಿದ ಎಲ್ಲೋ ಜಿನುಗಿರುವ ಹಾಡು ನಯನಾ ಕಂಠದಲ್ಲಿ
View this post on Instagram
ಈ ಇಡೀ ತಂಡಕ್ಕೆ ಉಜ್ವಲ ಭವಿಷ್ಯ ಕಾದಿದೆ ಎಂದು ಹಾರೈಸಿದ್ದಾರೆ ಸಾಕಷ್ಟು ಜನರು. ಎಂಥ ಅರ್ಥಪೂರ್ಣ ಮತ್ತು ಮಧುರವಾದ ಸಂಗೀತ ಸಾಹಿತ್ಯ ಅಲ್ಲವೆ? ಕಲೆ ಎಂದಿಗೂ ಶಾಶ್ವತ, ಈ ಮೂಲಕ ಕಲಾವಿದರೂ.
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 4:13 pm, Sat, 9 September 23
