ಪ್ರತೀ 447 ಹಿಮಕರಡಿಗಳಲ್ಲಿ ಒಂದು ಮಾತ್ರ ಹೀಗೆ ಪವಿತ್ರ ಬೆಂಕಿಯನ್ನು ಉಗುಳುತ್ತದೆ!?

Viral News : ಹಿಮಕರಡಿಯು (Polar Bear) ಹೀಗೆ ಬಾಯಿಯಿಂದ ಬೆಂಕಿಯುಗುಳುತ್ತಿರುವ ಈ ಫೋಟೋ ಇದೀಗ ಮತ್ತೆ ವೈರಲ್ ಆಗಿದೆ. ಈ ಫೋಟೋ ಅನ್ನು 2015ರಲ್ಲಿ ತೆಗೆಯಲಾಗಿದೆ. ಹಿಮಕರಡಿಯು ಹೀಗೆ ನಿಂತುಕೊಂಡಿರುವಾಗ ಸೂರ್ಯೋದಯದ ಸಮಯ. ಆ ಹಿಂಬೆಳಕನ್ನು ಹೀಗೆ ಮಾಂತ್ರಿಕವಾಗಿ ಸೆರೆಹಿಡಿದಿದ್ದಾರೆ ಫೋಟೋಗ್ರಾಫರ್​. ಆಗ ಅದು ಹಿಮಮಕರಡಿಯು ಬಾಯಿಯಿಂದ ಬೆಂಕಿ ಉಗಳುವಂತೆ ತೋರಿದೆ. ಈ ಫೋಟೋ ಅನ್ನು ಜೋಶ್ ಆ್ಯನನ್​ ಎಂಬುವವರು ಸೆರೆಹಿಡಿದಿದ್ದಾರೆ. ಇದೀಗ ಈ ಫೋಟೋ ಅನ್ನು ಮ್ಯಾಸಿಮೋ ಎಂಬ ಟ್ವಿಟರ್​ ಖಾತೆದಾರರು ಹಂಚಿಕೊಂಡಿದ್ದಾರೆ.

ಹಿಮದಿಂದ ಆವೃತವಾದ ಪ್ರದೇಶದಲ್ಲಿ ಹಿಮಕರಡಿ ನಿಂತಿದೆ. ತಿಳಿಕಿತ್ತಳೆ ಬಣ್ಣದ ಬೆಂಕಿಯನ್ನು ಇದು ಉಗಳುತ್ತಿದೆಯೆಂಬಂತೆ ಭಾಸವಾಗುತ್ತದೆ. ಈ ಫೋಟೋಗ್ರಾಫರ್ ಅವರ ತಾಳ್ಮೆ ಅದ್ಭುತ. ಅವರು ಅದೆಷ್ಟು ಗಂಟೆಗಳ ಕಾಲ ಕಾಯ್ದಿರಬಹುದು ಇಂಥ ಅಪರೂಪದ ಚಿತ್ರವನ್ನು ಸೆರೆಹಿಡಿಯಲು ಎಂದು ಒಬ್ಬರು ಹೇಳಿದ್ದಾರೆ. ಮಾಂತ್ರಿಕ ಕ್ಷಣಗಳನ್ನು ಹೀಗೆ ನಮಗೆ ತಲುಪಿಸಿದ ಫೋಟೋಗ್ರಾಫರ್​ಗೆ ಧನ್ಯವಾದ ಎಂದು ಅನೇಕರು ಹೇಳಿದ್ದಾರೆ. ಓಹ್​ ಹಿಮಕರಡಿ ರೂಪದ ಡ್ರ್ಯಾಗನ್​ ಇದು? ಎಂದು ಅನೇಕರು ಕೇಳಿದ್ದಾರೆ.

ಇದನ್ನೂ ಓದಿ : 10 ಸೆಕೆಂಡಿನಲ್ಲಿ ಹಿಮಕರಡಿಯನ್ನು ಹುಡುಕಿರಿ

ಇದು ಬ್ಯಾಕ್‌ಲೈಟ್​ನ ಕೈಚಳಕ ಅಲ್ಲ. ನಾನು ಹಿಮಕರಡಿಗಳೊಂದಿಗೆ ವಾಸಿಸುತ್ತಿದ್ದೇನೆ. ಪ್ರತಿ 447 ರಲ್ಲಿ ಒಂದು ಹಿಮಕರಡಿ ಪವಿತ್ರ ಬೆಂಕಿಯನ್ನು ಉಸಿರಾಡುತ್ತದೆ. ಅವುಗಳಿಗೆ ಅವುಗಳದೇ ಆದ ಶಕ್ತಿ ಇದೆ. ಅದನ್ನು ಫೋಟೋಗ್ರಾಫರ್​ ತಂತ್ರವೆಂದು ಹೇಳಿ ಹಿಮಕರಡಿಗಳ ಸಾಮರ್ಥ್ಯವನ್ನು ಕುಂದಿಸಬೇಡಿ. ನಾನಂತೂ ಪವಿತ್ರ ಕರಡಿಯ ದರ್ಶನವಾಗಿದೆ ಎಂದೇ ಹೇಳುತ್ತೇನೆ. ಅರ್ಥವಾಯಿತೇ? ಎಂದಿದ್ದಾರೆ ಇನ್ನೊಬ್ಬರು.

ಇದನ್ನೂ ಓದಿ : ಹಾಡಹಗಲೇ ಹುಲಿಯೊಂದು ರಸ್ತೆ ದಾಟುತ್ತಿರುವ ವಿಡಿಯೋ ವೈರಲ್

ಸಾಮಾನ್ಯವಾಗಿ ಹಿಮರಕಡಿಗಳು ರಷ್ಯಾ, ನಾರ್ವೆ, ಕೆನಡಾ, ಅಲಾಸ್ಕಾ, ಗ್ರೀನ್​ಲ್ಯಾಂಡ್​ನ ಕಾಡುಗಳ ಹಿಮಪ್ರದೇಶಗಳಲ್ಲಿ ವಾಸವಾಗಿರುತ್ತವೆ. ಈತನಕ ಈ ಫೋಟೋ ಅನ್ನು 1.1 ಮಿಲಿಯನ್​ ಜನರು ನೋಡಿದ್ದಾರೆ. 28,000 ಜನರು ಇದನ್ನು ಇಷ್ಟಪಟ್ಟಿದ್ದಾರೆ. 3,000 ಕ್ಕೂ ಹೆಚ್ಚು ಜನರು ರೀಟ್ವೀಟ್ ಮಾಡಿದ್ದಾರೆ.

ಇಲ್ಲಿರುವುದು ಬ್ಯಾಕ್​ಲೈಟ್​ನ ತಂತ್ರವಷ್ಟೇ. ಬೇರೆ ಏನೂ ಇಲ್ಲ.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ