ಸೀರೆಯುಟ್ಟು ಜಿಮ್​ ವರ್ಕೌಟ್ ಮಾಡುತ್ತಿರುವ ಮಹಿಳೆಯ ವಿಡಿಯೋ ವೈರಲ್; ನೆಟ್ಟಿಗರ ಮಿಶ್ರ ಪ್ರತಿಕ್ರಿಯೆ

Viral Video : ಜಿಮ್​ಗೆ ನೀವು ಸೇರಿದರೆ ಮೊದಲು ಖರೀದಿಸುವುದೇ ವರ್ಕೌಟ್​ಗೆ ಅನುಕೂಲವಾಗುವಂಥ ಟೀ ಶರ್ಟ್​, ಪ್ಯಾಂಟ್​ ಇತ್ಯಾದಿ. ಏಕೆಂದರೆ ಜಿಮ್​ ಸಾಧನಗಳಲ್ಲಿ ವರ್ಕೌಟ್ ಮಾಡುವಾಗ ನೀವು ಧರಿಸಿದ ಬಟ್ಟೆಗಳು ಆದಷ್ಟು ಅನುಕೂಲಕಾರಿಯಾಗಿ ಆರಾಮದಾಯಕವಾಗಿರಬೇಕು. ಆದರೆ ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ಇಲ್ಲಿರುವ ಮಹಿಳೆಯು ಸೀರೆಯುಟ್ಟು ಎಷ್ಟೊಂದು ನಿರಾಯಾಸವಾಗಿ ಉತ್ಸಾಹದಿಂದ ವರ್ಕೌಟ್ ಮಾಡುತ್ತಿದ್ದಾಳೆ.

#HinduSherni. Never imagined that she could lift the tyre with such consummate ease. ???????? pic.twitter.com/thLPtQIRTE

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

— Deepak Prabhu (@ragiing_bull) February 5, 2023

ಫಿಟ್​ನೆಸ್​ ಪ್ರಿಯರನ್ನು ಈ ವಿಡಿಯೋ ಬಹಳ ಆಕರ್ಷಿಸುತ್ತಿದೆ. ಇಂಥ ಹಾರ್ಡ್​ಕೋರ್ ವರ್ಕೌಟ್​ ಅನ್ನು ಈಕೆ ಸೀರೆಯುಟ್ಟು ಮಾಡುತ್ತಿರುವುದನ್ನು ನೋಡಿ ಅಚ್ಚರಿಯಾಗುತ್ತಿದೆ ಎಂದು ಕೆಲವರು. ಈ ವಿಡಿಯೋ ರೀಲ್​ಗಾಗಿ ಮಾಡಿರುವುದು ಎಂದು ಇನ್ನೂ ಕೆಲವರು. ಏನೇ ಮಾಡಿದರೂ ಶ್ರಮ ಅಭ್ಯಾಸವಿಲ್ಲದೆ ಆಗುವುದೆ? ಸೀರೆಯೊಂದನ್ನೇ ಯಾಕೆ ನೋಡುತ್ತಿದ್ದೀರಿ ಎಂದು ಹಲವರು.

ಇದನ್ನೂ ಓದಿ : ರಸ್ತೆಯಲ್ಲಿ ಮೂರ್ಛೆ ಹೋಗಿದ್ದ ನಾಯಿಯನ್ನು ರಕ್ಷಿಸಿದ ವಿಡಿಯೋ ವೈರಲ್

ಈಗಾಗಲೇ ಈ ವಿಡಿಯೋ ಅನ್ನು 21,000ಕ್ಕೂ ಹೆಚ್ಚು ಜನರು ನೋಡಿದ್ದಾರೆ. ನೂರಾರು ಜನರು ರೀಟ್ವೀಟ್ ಮಾಡಿದ್ದಾರೆ. ಸೀರೆಯಲ್ಲಿ ಕೂಡ ಇವರ ಉತ್ಸಾಹ ಅದ್ಭುತ ಎಂದಿದ್ದಾರೆ ಒಬ್ಬರು. ಫ್ಯಾಷನ್​ ವಿಷಯವಾಗಿ ಹೆಣ್ಣುಮಕ್ಕಳನ್ನು ಸೋಲಿಸಲು ಸಾಧ್ಯವಿಲ್ಲ ಎಂದು ಇನ್ನೊಬ್ಬರು ಹೇಳಿದ್ದಾರೆ.

ಇದನ್ನೂ ಓದಿ : ಚಾಟ್​ಜಿಪಿಟಿ ಕಾರ್ನರ್​​! ನಾವು ಎಲ್ಲವನ್ನೂ ‘ಭಾರತೀಯ’ಗೊಳಿಸುವಲ್ಲಿ ಚಾಣಾಕ್ಷರು

ನೀವು ಬೆಣ್ಣೆ, ಚಿಕನ್​, ಐಸ್​​ಕ್ರೀನ್​, ಜಾಮೂನ್​ ತಿಂದಮೇಲೆ ಈಕೆ ಹೀಗೆ ವರ್ಕೌಟ್ ಮಾಡಲು ಬಂದಿರಬೇಕು ಎಂದಿದ್ದಾರೆ ಮತ್ತೊಬ್ಬರು. ಹೆಣ್ಣುಮಕ್ಕಳ ಸಾಮರ್ಥ್ಯವನ್ನು ಎಂದೂ ಕಡೆಗಣಿಸಬೇಡಿ. ಅವರು ನಿಜಕ್ಕೂ ಶಕ್ತಿವಂತರು ಎಂದಿದ್ಧಾರೆ ಮಗದೊಬ್ಬರು. ಈ ಹೆಣ್ಣುಸಿಂಹವು ತನ್ನ ಶಕ್ತಿತೋರಿಸಲು ಸೀರೆಯನ್ನೇ ಉಡಬೇಕಿರಲಿಲ್ಲ ಎಂದಿದ್ದಾರೆ ಇನ್ನೂ ಒಬ್ಬರು.

ಇದನ್ನೂ ಓದಿ : ರಾಜ್ಮಾ ಚಾವಲ್​; ತೋಳಿನ ಮೇಲೆ ಟ್ಯಾಟೂ ಹಾಕಿಸಿಕೊಂಡ ವ್ಯಕ್ತಿಯ ಫೋಟೋ ವೈರಲ್

ಟ್ರ್ಯಾಕ್ಟರ್​ ಚಕ್ರಗಳು ಅಷ್ಟು ಭಾರವಾಗಿರುವುದಿಲ್ಲ. ಇರಲಿ ಈಕೆ ಹೀಗೆ ಸೀರೆಯುಟ್ಟಾದರೂ ವರ್ಕೌಟ್ ಮಾಡುತ್ತಿದ್ದಾಳೆ ಅದಕ್ಕೆ ಪೂರ್ಣ ಅಂಕಗಳನ್ನು ಕೊಡೋಣ ಎಂದು ಒಬ್ಬರು ಹೇಳಿದ್ದಾರೆ. ಅವಳ ಉತ್ಸಾಹಕ್ಕೆ ಸಲಾಮ್​ ಎಂದು ಮತ್ತೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ

Published On - 10:34 am, Tue, 7 February 23