ರಸ್ತೆಯಲ್ಲಿ ಮೂರ್ಛೆ ಹೋಗಿದ್ದ ನಾಯಿಯನ್ನು ರಕ್ಷಿಸಿದ ವಿಡಿಯೋ ವೈರಲ್
Dog : ಬದುಕಿದೆಯಾ ಎಂದು ಇತ್ತ ಕಡೆಯಿಂದ ಆಕೆ ಕೇಳುತ್ತಾಳೆ. ತಾರಾಬಾರಾ ಓಡಾಡುವ ಗಾಡಿಗಳನ್ನು ನಿಲ್ಲಿಸಿ ಈತ ಎತ್ತಿಕೊಂಡು ಬರುತ್ತಾನೆ. ನಂತರ ಗಾಡಿಯೇರಿ ಡಾಕ್ಟರ್ ಬಳಿ ಹೋಗುತ್ತಾರೆ ಇಬ್ಬರೂ.
Viral Video : ವೇಗವಾಗಿ ಚಲಿಸುವ ವಾಹನಗಳಿಗೆ ಸಿಕ್ಕು ದಿನವೂ ಅದೆಷ್ಟೋ ನಾಯಿ ಬೆಕ್ಕು ಪ್ರಾಣಿಗಳು ಗಾಯಗೊಳ್ಳುತ್ತವೆ. ಎಷ್ಟೋ ಸಲ ಸಾವನ್ನಪ್ಪಿರುತ್ತವೆ. ಆದರೆ ಅಪರೂಪಕ್ಕೆ ಇಂಥ ದಯಾಳುಗಳು ಅವುಗಳನ್ನು ಗಮನಿಸುತ್ತಾರೆ. ಇದೀಗ ವೈರಲ್ ಆಗಿರುವ ಈ ವಿಡಿಯೋ ನೋಡಿ. ರಾತ್ರಿಯಾಗಿದೆ. ಗಾಡಿಗಳು ಓಡಾಡುತ್ತಲೇ ಇವೆ. ಬಹುಶಃ ಈ ನಾಯಿ ಸತ್ತಿರಬೇಕೆಂದು ಇದನ್ನು ಅಂತ್ಯಕ್ರಿಯೆ ಮಾಡಿದರಾಯಿತೆಂದು ಈ ಜೋಡಿ ಗಾಡಿ ನಿಲ್ಲಿಸುತ್ತದೆ. ಆದರೆ ಅದೃಷ್ಟವಶಾತ್ ನಾಯಿ ಬದುಕಿದೆ.
View this post on Instagram
ತಲೆಗೆ ಏಟಾಗಿದ್ದರಿಂದ ರಸ್ತೆಯ ಮೇಲೆ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದುಕೊಂಡಿದೆ. ಈ ಜೋಡಿ ಈ ನಾಯಿಯನ್ನು ಎತ್ತಿಕೊಂಡು ವೈದ್ಯರ ಬಳಿ ಕರೆದೊಯ್ದಿದೆ. ಸದ್ಯ ನಾಯಿ ಸುಧಾರಿಸಿಕೊಂಡು ಗೆಲುವಾಗಿದೆ. ಕರ್ತವ್ಯ ಸೊಸೈಟಿ ಎಂಬ ಇನ್ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ನೆಟ್ಟಿಗರು ಈ ಜೋಡಿಯ ನಿಸ್ವಾರ್ಥವನ್ನು ಶ್ಲಾಘಿಸುತ್ತಿದ್ದಾರೆ. ಪರಾಗ ಪಾಂಡೇ ಎಂಬ ವೈದ್ಯರು ಈ ನಾಯಿಗೆ ಚಿಕಿತ್ಸೆ ನೀಡಿದ್ದಾರೆ.
ಇದನ್ನೂ ಓದಿ : ನಾಯಿಮರಿ ತನ್ನ ಜನನ ಪ್ರಮಾಣ ಪತ್ರಕ್ಕೆ ಕಾಲ್ಬೆರಳು ಒತ್ತಿ ಸಹಿ ಮಾಡಿರುವ ವಿಡಿಯೋ ವೈರಲ್
ಈತನಕ ಈ ವಿಡಿಯೋ 10 ಮಿಲಿಯನ್ ಜನರನ್ನು ತಲುಪಿದೆ. ಇಂಥ ಕರುಣಾಮಯಿಗಳು ಇರುವುದಕ್ಕೇ ಜಗತ್ತು ಇಂದು ನಿರಾಳವಾಗಿ ಉಸಿರಾಡುತ್ತಿದೆ ಎಂದಿದ್ದಾರೆ ಅನೇಕರು. ಇಂಥವರು ಸಂತತಿ ಹೆಚ್ಚಲಿ ಎಂದು ಹಲವರು ಹಾರೈಸಿದ್ದಾರೆ.
ಇದನ್ನು ಓದಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
