Viral Video: 300 ಹಾವುಗಳನ್ನು ಗೋಣಿಚೀಲದಲ್ಲಿ ತುಂಬಿ ಕಾಡಲ್ಲಿ ಸುರಿದ ವ್ಯಕ್ತಿ; ಈ ವಿಡಿಯೋ ನೋಡಿ ಶಾಕ್ ಆಗಬೇಡಿ!

ನವದೆಹಲಿ: ಹಾವುಗಳನ್ನು ಕಂಡರೆ ಬಹುತೇಕ ಜನರಿಗೆ ಭಯ. ಆದರೆ, ಈ ಹಾವನ್ನು ಕೂಡ ಹಾರದ ಹಾಗೆ ಎತ್ತಿ ಹಿಡಿದುಕೊಂಡು, ಜೋಪಾನವಾಗಿ ಕಾಡಿಗೆ ತೆಗೆದುಕೊಂಡು ಹೋಗಿ ಬಿಡುವ ಅದೆಷ್ಟೋ ಜನರಿದ್ದಾರೆ. ನೂರಾರು ಹಾವುಗಳನ್ನು ಏಕಕಾಲಕ್ಕೆ ಕಾಡಿಗೆ ಬಿಡುತ್ತಿರುವ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ (Social Media) ವೈರಲ್ ಆಗುತ್ತಿದೆ. ಎರಡು ದಿನಗಳ ಹಿಂದೆ ‘memewalanews’ ಎಂಬ ಇನ್​ಸ್ಟಾಗ್ರಾಂ (Instagram) ಬಳಕೆದಾರರು ಈ ವಿಡಿಯೋವನ್ನು ಅಪ್‌ಲೋಡ್ ಮಾಡಿದ್ದಾರೆ. ಆ ವ್ಯಕ್ತಿ ಸುಮಾರು 300 ಹಾವುಗಳನ್ನು ಹಿಡುದ ಕಾಡಿಗೆ ಬಿಟ್ಟಿದ್ದಾನೆ ಎಂದು ಇನ್​ಸ್ಟಾಗ್ರಾಂ ಬಳಕೆದಾರರು ಹೇಳಿದ್ದಾರೆ.

ವೈರಲ್ ಆಗಿರುವ ವಿಡಿಯೋದಲ್ಲಿ ಒಬ್ಬ ವ್ಯಕ್ತಿಯು ಕಾಡಿನಲ್ಲಿ ತನ್ನ ತೋಳುಗಳಲ್ಲಿ ಹಸಿರು ಬಣ್ಣದ ದೊಡ್ಡ ಗೋಣಿಚೀಲವನ್ನು ಹಿಡಿದುಕೊಂಡು ಅದನ್ನು ಕಾಡಿನಲ್ಲಿ ತೆರೆದ ಪ್ರದೇಶಕ್ಕೆ ತರುತ್ತಾನೆ. ಆ ಗೋಣಿ ಚೀಲದಿಂದ ಹೊರಬಂದ ಹಾವುಗಳ ಪ್ರಮಾಣವನ್ನು ನೋಡಿ ನೆಟ್ಟಿಗರು ಬೆಚ್ಚಿ ಬಿದ್ದಿದ್ದಾರೆ. ಆ ವ್ಯಕ್ತಿ ತನ್ನ ಕಾಲುಗಳ ಬಳಿಯೇ ಆ ಗೋಣಿ ಚೀಲವನ್ನು ಬಿಚ್ಚಿ, ಅದರೊಳಗಿದ್ದ 300ಕ್ಕೂ ಹೆಚ್ಚು ಹಾವುಗಳನ್ನು ಕೆಳಗೆ ಸುರಿದ ರೀತಿ ನೆಟ್ಟಿಗರನ್ನು ಬಿಚ್ಚಿ ಬೀಳಿಸಿದೆ.

ಕಾಡಿನಲ್ಲಿ ಹಾವುಗಳನ್ನು ಗೋಣಿ ಚೀಲದಿಂದ ಸುರಿದ ನಂತರ, ಆ ವ್ಯಕ್ತಿ ತನ್ನ ಕೈಗಳಿಂದ ಹಾವನ್ನು ಹರಡುವುದನ್ನು ನೋಡಬಹುದು. ಅದೇನೂ ದೊಡ್ಡ ವಿಷಯವಲ್ಲ. ಈ ವಿಡಿಯೋವನ್ನು ನೋಡಿದರೆ ನಿಮಗೂ ಮೈ ರೋಮಾಂಚನವಾದರೆ ಅಚ್ಚರಿಯೇನಲ್ಲ. ನಿಮಗೆ ಹಾವುಗಳನ್ನು ಕಂಡರೆ ಭಯವಾಗುವುದಾದರೆ ಈ ವಿಡಿಯೋವನ್ನು ನೋಡದಿರುವುದೇ ಒಳಿತು!

ಇದನ್ನೂ ಓದಿ: Shocking Video: ಗರ್ಭಿಣಿಯಾಗಿದ್ದ ಫಾರೆಸ್ಟ್​ ರೇಂಜರ್​ ಕೂದಲು ಹಿಡಿದೆಳೆದು, ಥಳಿಸಿದ ದಂಪತಿ; ಶಾಕಿಂಗ್ ವಿಡಿಯೋ ವೈರಲ್

Viral Video: ಗೋಲ್​ಗಪ್ಪ ಐಸ್ ಕ್ರೀಮ್ ತಿಂದಿದ್ದೀರಾ? ವೈರಲ್ ಆದ ಹೊಸ ರೆಸಿಪಿಯ ವಿಡಿಯೋ ನೋಡಿ