Viral Video: ರಾನು ಮಂಡಲ್ ಕಂಠದಲ್ಲಿ ‘ಬಚ್ಪನ್​ ಕಾ ಪ್ಯಾರ್’ ಹಾಡು; ವಿಡಿಯೋ ಫುಲ್​ ವೈರಲ್​

ಈ ಹಿಂದೆ ರಾನು ಮಂಡಲ್ ಹಾಡಿದ್ದ ‘ಮನಿಕೆ ಮಗೆ ಹಿತೆ ಹಾಡು ಫುಲ್ ವೈರಲ್ ಆಗಿತ್ತು. ಆ ಬಳಿಕ ರಾನು ಮಂಡಲ್ ಮತ್ತೊಂದು ಹೊಸ ಹಾಡಿನೊಂದಿಗೆ ಸುದ್ದಿಯಲ್ಲಿದ್ದಾರೆ. ಇದೀಗ ಬಚ್ಪನ್ ಕಾ ಪ್ಯಾರ್ ಹಾಡನ್ನು ರಾನು ಮಂಡಲ್ ಹಾಡಿದ್ದಾರೆ. 15 ಸೆಕೆಂಡುಗಳ ವಿಡಿಯೋ ಕ್ಲಿಪ್ಅನ್ನು ಯೂಟ್ಯೂಬ್​ನಲ್ಲಿ ಹಂಚಿಕೊಳ್ಳಲಾಗಿದೆ. ಬಚ್ಪನ್ ಕ್ಯಾ ಪ್ಯಾರ್ ಹಾಡು ಸಾಮಾಜಿಕ ಜಾಲತಾಣದಲ್ಲಿ ಫುಲ್​ ವೈರಲ್ ಆಗಿದೆ. ಮೂಲತಃ ಕಮಲೇಶ್ ಬರೋಟ್ ಈ ಹಾಡನ್ನು ಹಾಡಿದ್ದಾರೆ ಮತ್ತು ಸಾಹಿತ್ಯವನ್ನು ಪಿ.ಪಿ.ಬರಿಯಾ ಅವರು ಬರೆದಿದ್ದಾರೆ. ಇದರ ಮೂಲ ಹಾಡಿನ ಶೀರ್ಷಿಕೆ ಬಚ್ಪನ್ ಕಾ ಪ್ಯಾರ್, ಸೋನು ಮೇರಿ ಡಾರ್ಲಿಂಗ್. ಇದೀಗ ರಾನು ಮಂಡಲ್ ಕಂಠದಲ್ಲಿ ಈ ಹಾಡು ಕೇಳಿ ಬಂದಿದೆ ಫುಲ್ ಖುಷಿಯಲ್ಲಿ ಅವರು ಹಾಡನ್ನು ಹೇಳುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು.

ಕಳೆದ ಕೆಲವು ದಿನಗಳಿಂದ ಈ ಹಾಡು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಮೊದಲಿಗೆ ಯೂಟ್ಯೂಬ್​ನಲ್ಲಿ ವಿಡಿಯೋ ಹಡಿಬಿಡಲಾಗಿದ್ದು, ಕೆಂಪು ಬಣ್ಣದ ಟೀಶರ್ಟ್ ಧರಿಸಿ ಖುರ್ಚಿಯ ಮೇಲೆ ಕುಳಿತು ರಾನು ಮಂಡಲ್ ಹಾಡು ಹೇಳುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು.

ಯೂಟ್ಯೂಬ್ ರೊಂಧನ್ ಪೊರಿಚೋಯ್​ನಲ್ಲಿ ರಾನು ಮಂಡಲ್ ಹಾಡಿರುವ ವಿಡಿಯೋ ಕ್ಲಿಪ್ ಸಖತ್ ವೈರಲ್ ಆಗಿದೆ. ಈ ಹಾಡಿಗೆ ಸೋಷಿಯಲ್ ಮೀಡಿಯಾದಲ್ಲಿ ಹಲವರು ಡಬ್​ಮ್ಯಾಶ್​ ಮಾಡುತ್ತಿದ್ದಾರೆ. ಈ ಹಿಂದೆ ಗಾಯಕ ಬಾದ್ ಶಾ ಸಹ ಹಾಡನ್ನು ರಿಮಿಕ್ಸ್ ಮಾಡಿ, ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಇತ್ತೀಚೆಗೆ ಬಚ್ಪನ್ ಕಾ ಪ್ಯಾರ್ ಹಾಡು ಸಾಕಷ್ಟು ಸದ್ದು ಮಾಡಿತು. ಇನ್​ಸ್ಟಾಗ್ರಾಂನಲ್ಲಿ ಹಾಡಿನ ರೀಲ್ ವೈರಲ್ ಆದ ನಂತರ ಇದರ ಮೂಲ ಆಡಿಯೋ ಬಗ್ಗೆ ತಿಳಿದುಕೊಳ್ಳಲು ನೆಟ್ಟಿಗರು ಹೆಚ್ಚು ಕುತೂಹಲರಾದರು. ಆಗ ಪುಟ್ಟ ಬಾಲಕ ಸಹದೇವ್ ಹಾಡುತ್ತಿರುವ ಹಾಡು ಫುಲ್ ಸುದ್ದಿಯಾಯಿತು. ಛತ್ತೀಸ್​ಗಢ ಮೂಲದ ಬಾಲಕ ಸಹದೇವ್ ಈ ಹಾಡನ್ನು ಹೇಳಿ ಜನರ ಗಮನ ಸೆಳೆದಿದ್ದರು. ಆತನ ಪ್ರತಿಭೆ ಮೆಚ್ಚಿ ಛತ್ತೀಸ್​ಗಢ ಮುಖ್ಯಮಂತ್ರಿ ಭೂಪೇಶ್ ಬಘೇಲ್ ಬಾಲಕನನ್ನು ಸನ್ಮಾನಿಸಿದ್ದರು.

ಇದನ್ನೂ ಓದಿ:

Viral News: ಮನೆಯ ಹಿಂಭಾಗದಲ್ಲಿ 90ಕ್ಕೂ ಹೆಚ್ಚು ಹಾವಿನ ಮರಿಗಳನ್ನು ಕಂಡು ಬೆಚ್ಚಿಬಿದ್ದ ಮಹಿಳೆ!

Viral Video: ಬೈಕ್ ಹತ್ತಿ ಕನ್ನಡಿ ನೋಡಿಕೊಳ್ಳುತ್ತಿದ್ದ ಕೋತಿಯ ರಿಯಾಕ್ಷನ್ ಹೇಗಿತ್ತು ನೋಡಿ