ಹಾಲೋವೀನ್ ಪಾರ್ಟಿಗೆ ಮಹಿಳೆಯೊಬ್ಬಳು ತನ್ನ ತಾ ಅಲಂಕರಿಸಿಕೊಂಡ ಈ ಬಗೆ!

Viral Video : ಇಡೀ ಸಾಮಾಜಿಕ ಜಾಲತಾಣದ ತುಂಬಾ ಹಾಲೋವಿನ್​ ಪಾರ್ಟಿಗೆ ಸಂಬಂಧಿಸಿದ ಫೋಟೋ ವಿಡಿಯೋಗಳೇ ತುಂಬಿವೆ. ವಿವಿಧ ಮೇಕಪ್​, ವೇಷಭೂಷಣಗಳಲ್ಲಿ ಮಕ್ಕಳಿಂದ ಹಿಡಿದು ದೊಡ್ಡವರ ತನಕವೂ ಬಗೆಬಗೆಯಲ್ಲಿ ಗಮನ ಸೆಳೆಯುತ್ತಿದ್ದಾರೆ. ಎಷ್ಟು ಸಾಧ್ಯವೋ ಅಷ್ಟು ಭಯಾನಕವಾಗಿ ಕಾಣಿಸಿಕೊಳ್ಳಲು ದಿನಗಟ್ಟಲೆ ಮೇಕಪ್​, ಉಡುಗೆ ತೊಡುಗೆಗಾಗಿ ಕಾಲ ಕಳೆಯುತ್ತಿದ್ದಾರೆ. ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋ ನೋಡಿ. ಪಾರ್ಟಿಗೆ ಹೋಗಲು ಈ ಮಹಿಳೆ ಹೇಗೆ ತಯಾರಾಗಿದ್ದಾಳೆ ಮತ್ತು ಆರಂಭದಿಂದ ಕೊನೆಯವರೆಗೂ ಹೇಗೆ ತನ್ನನ್ನು ಭಯಂಕರವಾಗಿ ಅಲಂಕರಿಸಿಕೊಂಡಿದ್ದಾಳೆ ಎಂದು.

ಕ್ಯಾಲಿಫೋರ್ನಿಯಾದಲ್ಲಿ ವಾಸಿಸುತ್ತಿರುವ ಈ ಮಹಿಳೆ ತನ್ನನ್ನು ತಾ ಅತ್ಯಂತ ಕೆಟ್ಟ, ಭಯಾನಕ ಬ್ಯಾಟ್​ ವುಮನ್​ನಂತೆ ಅಲಂಕರಿಸಿಕೊಂಡಿದ್ದಾಳೆ. ಈ ಅವತಾರ ತಾಳಲು ಆಕೆ 9 ತಾಸು ವ್ಯಯಿಸಿದ್ದಾಳೆ. ಆ ಉಗುರು, ಹಲ್ಲು, ರೆಕ್ಕೆ, ರೆಕ್ಕೆ, ಆ ಕಪ್ಪು ಉಡುಗೆ ನೋಡಿದ ಯಾರಿಗೂ ಭಯ ಬರುವುದು ಖಚಿತ!

25,3 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಈ ವಿಡಿಯೋ ಪಡೆದಿದೆ. 1,141 ಕ್ಕೂ ಹೆಚ್ಚು ಜನರು ಈ ವಿಡಿಯೋ ಇಷ್ಟಪಟ್ಟಿದ್ದಾರೆ. ಕೆಲವರು ಕ್ಯಾಟ್​ ಹಾಲೋವೀನ್​ ಎಂದಿದ್ದಾರೆ. ಆದರೆ ಇದು ನೋಡಲು ಬಾವುಲಿಯಂತಿದೆ. ನೀವು ಬಹಳ ಪ್ರತಿಭಾವಂತರು ಎಂದು ಶ್ಲಾಘಿಸಿದ್ದಾರೆ ನೆಟ್ಟಿಗರೊಬ್ಬರು. ಇಷ್ಟೊಂದು ತಾಳ್ಮೆಯಿಂದ ಪರಿಪೂರ್ಣವಾಗಿ ನಿಮ್ಮನ್ನು ನೀವೇ ಸ್ವತಃ ಅಲಂಕರಿಸಿಕೊಂಡಿದ್ದೀರಿ, ವಾಹ್​! ಎಂದಿದ್ದಾರೆ ಮತ್ತೊಬ್ಬರು. ಅನೇಕರು ರೀಟ್ವೀಟ್​ ಮಾಡಿ ತಮ್ಮ ತಮ್ಮ ಹಾಲೋವೀನ್​ ವೇಷಗಳ ವಿಡಿಯೋ, ಫೋಟೋ ಹಂಚಿಕೊಂಡಿದ್ದಾರೆ.

ಮತ್ತಷ್ಟು ವೈರಲ್​ ವಿಡಿಯೋಗಾಗಿ ಕ್ಲಿಕ್ ಮಾಡಿ