ಪ್ರಯಾಣಿಕರೊಬ್ಬರು ವಿಮಾನದಲ್ಲಿ ಗಗನಸಖಿಯ ಪೋರ್ಟ್ರೇಟ್ ಚಿತ್ರಿಸಿ ಕೊಟ್ಟಾಗ
Portrait : ಗಗನಸಖಿಗೆ ಆಕೆಯ ಪೋರ್ಟ್ರೇಟ್ ಬಿಡಿಸಿಕೊಡುತ್ತಾನೆ ಅಪರಿಚಿತ ಪ್ರಯಾಣಿಕ. ಆಕೆ ಅವನಿಗೆ ಪ್ರತಿಯಾಗಿ ಏನು ಕೊಡುತ್ತಾಳೆ? ಈ ವಿಡಿಯೋ ನೋಡಿ.
Viral Video : ಅಪರಿಚಿತರು ನಿಮ್ಮ ಪೋರ್ಟ್ರೇಟ್ ಚಿತ್ರಿಸಿ ಕೊಟ್ಟರೆ ಏನೆನ್ನಿಸುತ್ತದೆ? ಅದೇ ಭಾವ ಈ ಗಗನಸಖಿಗೂ ಉಂಟಾಗಿದೆ. ವಿಮಾನ ಪ್ರಯಾಣದಲ್ಲಿ ಪ್ರಯಾಣಿಕನೊಬ್ಬ ಈಕೆಯ ಪೋರ್ಟ್ರೇಟ್ ಚಿತ್ರಿಸಿ ಇದು ನಿಮಗೆ ಗಿಫ್ಟ್ ಎಂದಿದ್ದಾನೆ. ಅಚ್ಚರಿ, ಖುಷಿಯಿಂದ ಆಕೆ ಪ್ರತಿಯಾಗಿ ಇವನಿಗೂ ಉಡುಗೊರೆ ಕೊಟ್ಟಿದ್ದಾಳೆ. ಏನದು? ಕುತೂಹಲ ಉಂಟಾಗ್ತಿದೆಯಾ? ಈ ವಿಡಿಯೋ ನೋಡಿ.
Man does a drawing for a flight attendant , and she does one back for him. from MadeMeSmile
ಆಕೆ ಕೂಡ ಆ ಕ್ಷಣದಲ್ಲಿಯೇ ಏನನ್ನೋ ಚಿತ್ರಿಸಿ ಧನ್ಯವಾದ ಅರ್ಪಿಸಿದ್ದಾಳೆ. ಪುಟ್ಟ ಥೈಲಿಯಲ್ಲಿ ಇನ್ನೇನೋ ಗಿಫ್ಟ್ ಕೊಟ್ಟಿದ್ದಾಳೆ ಆ ಪ್ರಯಾಣಿಕನಿಗೆ. ಈ ತನಕ ಈ ವಿಡಿಯೋ 85,000 ಕ್ಕೂ ಹೆಚ್ಚು ವೋಟ್ಗಳನ್ನು ಗಳಿಸಿದೆ. ಅನೇಕರು ಈ ವಿಡಿಯೋ ನೋಡಿ ಹರ್ಷಗೊಂಡಿದ್ದಾರೆ.
‘ಇಷ್ಟು ವೇಗವಾಗಿ ಇಷ್ಟು ಚೆಂದವಾಗಿ ಸ್ಕೆಚ್ ಮಾಡಿದ್ದಾರೆ, ಬಹಳ ಖುಷಿ ಆಯಿತು’ ಎಂದಿದ್ದಾರೆ ಒಬ್ಬರು. ‘ಅದ್ಭುತ ಇದು. ಕಲಾವಿದನ ನೈಪುಣ್ಯತೆ ಮೆಚ್ಚಿದೆ’ ಎಂದಿದ್ದಾರೆ ಇನ್ನೂ ಒಬ್ಬರು. ‘ಇಂಥ ಅಚ್ಚರಿಗಳು ಕೆಲಸದ ಒತ್ತಡವನ್ನು ಖಂಡಿತ ಕಡಿಮೆ ಮಾಡುತ್ತವೆ’ ಎಂದು ಇನ್ನೊಬ್ಬರು ಹೇಳಿದ್ದಾರೆ. ‘ಪ್ರಯಾಣಿಕರ ಹಾದಿಯನ್ನು ಸುಂದರಗೊಳಿಸುತ್ತವೆ’ ಎಂದು ಮಗದೊಬ್ಬರು ಹೇಳಿದ್ದಾರೆ.
ಅಪರಿಚಿತರು ಹೀಗೆಲ್ಲ ಖುಷಿಗೊಳಿಸಿದರೆ ಅದಕ್ಕಿಂತ ಆಹ್ಲಾದಕರ ಸಮಯ ಇನ್ನೇನಿದೆ?
ಮತ್ತಷ್ಟು ವೈರಲ್ ವಿಡಿಯೋಗಾಗಿ ಕ್ಲಿಕ್ ಮಾಡಿ
Published On - 10:29 am, Mon, 31 October 22
