ಕಾನ್ಸ್ ಫಿಲ್ಮ್ ಫೆಸ್ಟಿವಲ್‌ನಲ್ಲಿ ಯಾರು ಊಹಿಸದ ಘಟನೆ; ನಕಲಿ ರಕ್ತವನ್ನು ಸುರಿದುಕೊಳ್ಳುವ ಮೂಲಕ ರಷ್ಯಾದ ಆಕ್ರಮಣವನ್ನು ಪ್ರತಿಭಟಿಸಿದ ಮಹಿಳೆ!

ಕಾನ್ಸ್ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ 2023 (Cannes Film Festival 2023) ರೆಡ್ ಕಾರ್ಪೆಟ್‌ನಲ್ಲಿ ‘ಆಸಿಡ್’ ಚಿತ್ರದ ಪ್ರದರ್ಶನದ ಸಂದರ್ಭದಲ್ಲಿ ಉಕ್ರೇನಿಯನ್ ಧ್ವಜದ ಬಣ್ಣಗಳನ್ನು ಧರಿಸಿದ ಉಡುಪು ತೊಟ್ಟ ಮಹಿಳೆಯೊಬ್ಬರು ಭಾನುವಾರ (ಮೇ 21) ಯಾರು ಊಹಿಸಲಾಗದಂತ ಹೆಜ್ಜೆ ಇಟ್ಟಿದ್ದಾರೆ. ರಷ್ಯಾ ಮತ್ತು ಉಕ್ರೇನ್ (Ukraine War) ನಡುವೆ ನಡೆಯುತ್ತಿರುವ ಸಂಘರ್ಷವನ್ನು ಸಂಕೇತಿಸಲು ರೆಡ್ ಕಾರ್ಪೆಟ್ ಮೆಟ್ಟಿಲುಗಳ ಮೇಲೆ ನಿಂತಿರುವಾಗ ಈ ಮಹಿಳೆ ತನ್ನ ಮೇಲೆ ನಕಲಿ ರಕ್ತವನ್ನು ಸುರಿದುಕೊಂಡಿದ್ದಾಳೆ. ಭದ್ರತಾ ಅಧಿಕಾರಿಗಳು ತಕ್ಷಣವೇ ಪ್ರತಿಕ್ರಿಯಿಸಿ ಪ್ರತಿಭಟನಾಕಾರರನ್ನು ಅಲ್ಲಿಂದ ಕರೆದೊಯ್ದರು.

ಈ ಘಟನೆಯು ಸಾಮಾಜಿಕ ಮಾಧ್ಯಮದಲ್ಲಿ ತ್ವರಿತವಾಗಿ ಗಮನ ಸೆಳೆಯಿತು, ಈ ಚಿತ್ರಗಳು ಮತ್ತು ವೀಡಿಯೊಗಳು ವೈರಲ್ ಆಗುತ್ತಿವೆ. ಒಂದು ವೀಡಿಯೊದಲ್ಲಿ, ಮಹಿಳೆ ಕ್ಯಾಮೆರಾಗಳಿಗಾಗಿ ನಗುತ್ತಿರುವಾಗ ಅವಳು ಕೆಂಪು ಬಣ್ಣದ ಎರಡು ಕ್ಯಾಪ್ಸುಲ್‌ಗಳನ್ನು ಹೊರತೆಗೆದು ತನ್ನ ಮೇಲೆ ಸುರಿಯುವುದನ್ನು ಕಾಣಬಹುದು. ನೆಟ್ಟಿಗರು ಈ ವಿಡಿಯೋಗೆ ಹಲವಾರು ರೀತಿಯ ಕಾಮೆಂಟ್ ಮಾಡಿದ್ದಾರೆ, ಹಲವರು ಆಕೆಯ ಧೈರ್ಯವನ್ನು ಶ್ಲಾಘಿಸಿದರು ಮತ್ತು ಬೆಂಬಲದ ಸಂದೇಶಗಳನ್ನು ಕಳುಹಿಸಿದರು.

A woman wearing a dress the color of the Ukrainian flag at the Cannes Film Festival spilled fake blood on her to draw attention to the Russian invasion of Ukraine pic.twitter.com/VOap2CSnas

— Vega (@Vega12991453) May 22, 2023

ಫೆಬ್ರವರಿ 24, 2022 ರಂದು ಪ್ರಾರಂಭವಾದ ರಷ್ಯಾ-ಉಕ್ರೇನ್ ಯುದ್ಧವು ಹಲವಾರು ಜೀವಗಳನ್ನು ಬಲಿ ತೆಗೆದುಕೊಂಡಿದೆ ಮತ್ತು ಎರಡು ರಾಷ್ಟ್ರಗಳ ನಡುವಿನ ಉದ್ವಿಗ್ನತೆಯನ್ನು ಹೆಚ್ಚಿಸುತ್ತಲೇ ಇದೆ. ಪರಿಸ್ಥಿತಿಯ ತೀವ್ರತೆಯನ್ನು ಗುರುತಿಸಿ, G7 ಸದಸ್ಯರು ಜಪಾನ್‌ನ ಹಿರೋಷಿಮಾದಲ್ಲಿ ತಮ್ಮ ಇತ್ತೀಚಿನ ಶೃಂಗಸಭೆಯಲ್ಲಿ ಉಕ್ರೇನ್‌ನಲ್ಲಿ ಸಮಗ್ರ, ನ್ಯಾಯಯುತ ಮತ್ತು ಶಾಶ್ವತವಾದ ಶಾಂತಿಯ ಅಗತ್ಯವನ್ನು ಒತ್ತಿ ಹೇಳಿದರು. ರಷ್ಯಾ ತನ್ನ ನಡೆಯುತ್ತಿರುವ ಆಕ್ರಮಣವನ್ನು ನಿಲ್ಲಿಸಲು ಮತ್ತು ತನ್ನ ಪಡೆಗಳನ್ನು ಮತ್ತು ಮಿಲಿಟರಿ ಉಪಕರಣಗಳನ್ನು ಅಂತರಾಷ್ಟ್ರೀಯವಾಗಿ ಗುರುತಿಸಲ್ಪಟ್ಟ ಉಕ್ರೇನ್ ಪ್ರದೇಶದಿಂದ ತಕ್ಷಣವೇ ಹಿಂತೆಗೆದುಕೊಳ್ಳುವಂತೆ ಸಭೆ ಒತ್ತಾಯಿಸಿದೆ.

ಕೇನ್ಸ್‌ನಲ್ಲಿ ಇಂತಹ ಪ್ರತಿಭಟನೆ ನಡೆಯುತ್ತಿರುವುದು ಇದೇ ಮೊದಲಲ್ಲ. ಕಳೆದ ವರ್ಷ, ಪ್ರತಿಷ್ಠಿತ ಕ್ಯಾನೆಸ್ ಚಲನಚಿತ್ರೋತ್ಸವದಲ್ಲಿ ಟಾಪ್​ಲೆಸ್ ಪ್ರತಿಭಟನಾಕಾರರು ರೆಡ್ ಕಾರ್ಪೆಟ್ ಅನ್ನು ಅಡ್ಡಿಪಡಿಸಿದರು, ಉಕ್ರೇನಿಯನ್ನರ ವಿರುದ್ಧ ರಷ್ಯಾದ ಸೈನಿಕರು ಮಾಡಿದ ಆಪಾದಿತ ಅತ್ಯಾಚಾರಗಳ ಬಗ್ಗೆ ಗಮನ ಸೆಳೆದರು. ಮಹಿಳೆ ತನ್ನ ಬಟ್ಟೆಗಳನ್ನು ತೆಗೆದು, ತನ್ನ ಎದೆಯ ಮೇಲೆ ಚಿತ್ರಿಸಿದ ಉಕ್ರೇನ್‌ನ ರಾಷ್ಟ್ರೀಯ ಬಣ್ಣಗಳನ್ನು ಬಹಿರಂಗಪಡಿಸಿದಳು, “ನಮ್ಮನ್ನು ಅತ್ಯಾಚಾರ ಮಾಡುವುದನ್ನು ನಿಲ್ಲಿಸಿ” ಎಂಬ ಪದಗಳನ್ನು ಬರೆದುಕೊಂಡಿದ್ದಳು. ಹೆಚ್ಚುವರಿಯಾಗಿ, ರಕ್ತವನ್ನು ಸಂಕೇತಿಸುವ ಕೆಂಪು ಬಣ್ಣವನ್ನು ಅವಳ ದೇಹದ ಮೇಲೆ ಹಾಕಿಕೊಂಡಿದ್ದಳು.

ಇದನ್ನೂ ಓದಿ: ದೇಶವಿಭಜನೆಯಲ್ಲಿ ಬೇರ್ಪಟ್ಟ ಒಡಹುಟ್ಟಿದವರು 75 ವರ್ಷಗಳ ನಂತರ ಪುನರ್ಮಿಲನಗೊಂಡಾಗ

ಈ ಪ್ರತಿಭಟನೆಗಳು ನಡೆಯುತ್ತಿರುವ ಸಂಘರ್ಷದ ಜ್ಞಾಪನೆಯಾಗಿ ಕಾರ್ಯನಿರ್ವಹಿಸುತ್ತವೆ ಜೊತೆಗೆ ಜಾಗೃತಿ ಮೂಡಿಸಲು ಮತ್ತು ಯುದ್ಧದಿಂದ ಬಾಧಿತರಾದ ಸಂತ್ರಸ್ತರಿಗೆ ನ್ಯಾಯವನ್ನು ಹುಡುಕುವ ವ್ಯಕ್ತಿಗಳ ಬಯಕೆಯನ್ನು ಎತ್ತಿ ತೋರಿಸುತ್ತಾರೆ. ವೀಡಿಯೊಗಳು ಮತ್ತು ಚಿತ್ರಗಳು ಆನ್‌ಲೈನ್‌ನಲ್ಲಿ ಪ್ರಸಾರವಾಗುತ್ತಿದ್ದಂತೆ, ಉಕ್ರೇನ್‌ನಲ್ಲಿನ ಪರಿಸ್ಥಿತಿಯನ್ನು ಪರಿಹರಿಸಲು ಅಂತರರಾಷ್ಟ್ರೀಯ ಬೆಂಬಲ ಮತ್ತು ಕ್ರಮದ ಅಗತ್ಯತೆಯ ಕುರಿತು ಅವು ಸಂಭಾಷಣೆಗಳು ಮತ್ತು ಚರ್ಚೆಗಳನ್ನು ಹುಟ್ಟುಹಾಕುತ್ತಿವೆ.

ಮತ್ತಷ್ಟು ವೈರಲ್​ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ