ಹುಡ್ಗ ಒಳ್ಳೆಯವನೇ, ಆದ್ರೆ ಹೈಟ್ ಕಡಿಮೆ; ಪ್ರಪೋಸಲ್ ರಿಜೆಕ್ಟ್ ಮಾಡಿದ ಯುವತಿ

ಮದುವೆಯಾಗುವ ಪ್ರತಿಯೊಬ್ಬ ಹೆಣ್ಣು ಗಂಡಿಗೂ ಒಂದಷ್ಟು ಆಸೆಗಳಿರುತ್ತವೆ. ಹೀಗಾಗಿ ಹುಡುಗ ಅಥವಾ ಹುಡ್ಗಿಯ ಮುಂದೆ ಒಂದಷ್ಟು ಬೇಡಿಕೆಯಿಡುವುದು ಸಹಜ. ಇನ್ನು, ಆಂತರಿಕ ಸೌಂದರ್ಯಕ್ಕಿಂತ ಬಾಹ್ಯ ಸೌಂದರ್ಯ ನೋಡಿ ಮದ್ವೆಯಾಗುವವರೇ ಹೆಚ್ಚು. ಇಲ್ಲೊಬ್ಬಳು ಯುವತಿಯದ್ದು ಅದೇ ಕಥೆ. ಹೌದು, ಉತ್ತಮ ಗುಣ ಸ್ವಭಾವದ ಹುಡುಗ ಸಿಕ್ಕಿದ್ರೂ ಎತ್ತರ ಕಡಿಮೆ ಎನ್ನುವ ಒಂದೇ ಕಾರಣಕ್ಕೆ ರಿಜೆಕ್ಟ್ ಮಾಡಿದ್ದಾಳೆ. ತನ್ನ ಸಂಗಾತಿಯ ಆಯ್ಕೆ ವಿಚಾರದಲ್ಲಿ ತಾನು ಮಾಡಿದ ನಿರ್ಧಾರದ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾಳೆ. ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ಚರ್ಚೆಗೆ ಕಾರಣವಾಗಿದೆ.

ಹುಡ್ಗನನ್ನು ರಿಜೆಕ್ಟ್ ಮಾಡಲು ಯುವತಿ ನೀಡಿದ ಕಾರಣ ನೋಡಿ

ಚೈಪಗ್ಲೂ (Chaipaglu) ಹೆಸರಿನ ಎಕ್ಸ್ ಖಾತೆಯಲ್ಲಿ ಯುವತಿ ಬಾಳ ಸಂಗಾತಿಯ ಆಯ್ಕೆಯಲ್ಲಿ ತಾನು ತೆಗೆದುಕೊಂಡ ನಿರ್ಧಾರದ ಬಗ್ಗೆ ವಿವರಿಸಿದ್ದಾಳೆ. ಈ ಪೋಸ್ಟ್ ನಲ್ಲಿ ನಿನ್ನೆ ನಾನು ಒಬ್ಬ ವ್ಯಕ್ತಿಯನ್ನು ತಿರಸ್ಕರಿಸಿದೆ, ಏಕೆಂದರೆ ನನ್ನ ಆದ್ಯತೆಗೆ ತಕ್ಕಷ್ಟು ಎತ್ತರ ಅವರು ಇರಲಿಲ್ಲ. ಆದರೆ ಅವರಲ್ಲಿ ಯಾವುದೇ ಕೊರತೆಯಿರಲಿಲ್ಲ.

ವೈರಲ್ ಪೋಸ್ಟ್‌ ಇಲ್ಲಿದೆ

Yesterday, I rejected a guy because he wasn’t tall enough for my preference.

Nothing was wrong with him. He was kind, respectful, and treated me well.

I know i can’t control his height, but why should I marry someone who isn’t physically tall enough just because he’s a good…

— Chaipaglu (@Mahiixz) August 31, 2026

ಆ ವ್ಯಕ್ತಿ ಒಳ್ಳೆಯ ಸ್ವಭಾವದವರು, ಗೌರವಯುತವಾಗಿ ನಡೆದುಕೊಳ್ಳುವವರು ಹಾಗೂ ನನ್ನನ್ನು ಚೆನ್ನಾಗಿ ನೋಡಿಕೊಳ್ಳುತ್ತಿದ್ದರು. ಆದರೆ, ಆ ವ್ಯಕ್ತಿ ಎತ್ತರವನ್ನು ಬದಲಾಯಿಸಲು ನನ್ನಿಂದ ಸಾಧ್ಯವಿಲ್ಲ ಎಂಬುದು ನನಗೆ ಗೊತ್ತು. ಆದರೆ, ಕೇವಲ ಒಬ್ಬ ಒಳ್ಳೆಯ ವ್ಯಕ್ತಿ ಎಂಬ ಕಾರಣಕ್ಕಾಗಿಯೇ, ದೈಹಿಕವಾಗಿ ಸಾಕಷ್ಟು ಎತ್ತರವಿಲ್ಲದವರನ್ನು ನಾನು ಏಕೆ ಮದುವೆಯಾಗಬೇಕು? ದೈಹಿಕ ಆಕರ್ಷಣೆಯೂ ಮುಖ್ಯವಲ್ಲವೇ? ಎಂದು ಪ್ರಶ್ನೆ ಮಾಡಿದ್ದಾರೆ.

ಇದನ್ನೂ ಓದಿ: ತನ್ನ ಕೈಯಾರೆ ಕಾಳು ತಿನಿಸಿ ಹಕ್ಕಿ ಮರಿಗಳ ಹಸಿವು ನೀಗಿಸಿದ ಯುವತಿ

ಯುವತಿಗೆ ಸಲಹೆ ನೀಡಿದ ನೆಟ್ಟಿಗರು

ಈ ಪೋಸ್ಟ್ ಏಳು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ದೈಹಿಕ ಸೌಂದರ್ಯ ಮುಖ್ಯ ಎಂದು ಹೇಳಿದ್ದಾರೆ. ಇನ್ನೊಬ್ಬರು, ಎತ್ತರಕ್ಕಿಂತ ಒಳ್ಳೆಯ ಗುಣವುಳ್ಳ ವ್ಯಕ್ತಿ ಸಿಗುವುದು ಅಪರೂಪ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಕೊರತೆಯನ್ನು ಹುಡುಕುತ್ತಾ ಕುಳಿತರೆ ಮದ್ವೆ ಆಗಲ್ಲ, ಒಳ್ಳೆಯ ಹುಡ್ಗ ಸಿಕ್ಕರೆ ಒಪ್ಪಿಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 1:12 pm, Wed, 2 September 26