Karnataka Assembly Polls 2023: ಮತದಾನ ಬಹಿಷ್ಕರಿಸಿದ ಹಳ್ಳಿಗಳಿಗೆ ರಾತ್ರೋರಾತ್ರಿ ದೌಡಾಯಿಸಿದ ಕೊರಟಗೆರೆ ಶಾಸಕ ಜಿ ಪರಮೇಶ್ವರ

ತುಮಕೂರು: ಜಿಲ್ಲೆಯ ಕೊರಟಗೆರೆ (Koratagere) ಮತಕ್ಷೇತ್ರದಲ್ಲಿ ಬರುವ ಚಿನಿವಾರಹಳ್ಳಿ ಸೇರಿದಂತೆ 13 ಹಳ್ಳಿಗಳ ಜನರ ಬದುಕು ಸ್ಟೋನ್ ಕ್ರಷರ್ ಗಳಿಂದ (stone crusher) ದುಸ್ತರಗೊಂಡಿದೆ. ಕ್ರಷರ್ ಗಳಿಂದ ಏಳುವ ಧೂಳು ಬೆಳೆದ ಪೈರುಗಳ ಮೇಲೆ ಬಿದ್ದು ಅವು ಹಾಳಾಗುತ್ತಿವೆ ಮತ್ತು ಮಕ್ಕಳ ಆರೋಗ್ಯದ ಮೇಲೂ ದುಷ್ಪರಿಣಾಮ ಬೀರುತ್ತಿದೆ. ಹಾಗಾಗೇ, ಈ ಬಾರಿ ಮತದಾನ ಮಾಡುವುದಿಲ್ಲವೆಂದು ಗ್ರಾಮಗಳ ಜನ ನಿರ್ಧರಿಸಿದಾಗ ಇದುವರೆಗೆ ಕ್ರಷರ್ ಗಳ ಬಗ್ಗೆ ಯಾವುದೇ ಕ್ರಮ ತೆಗೆದುಕೊಳ್ಳದ ಕಾಂಗ್ರೆಸ್ ಶಾಸಕ ಜಿ ಪರಮೇಶ್ವರ್  (G Parameshwar) ರಾತ್ರೋರಾತ್ರಿ ಚಿನಿವಾರಹಳ್ಳಿಗೆ ದೌಡಾಯಿಸಿ ಜನರ ಮನವೊಲಿಕೆಗೆ ಮುಂದಾಗುತ್ತಾರೆ. ಜಿಲ್ಲಾಧಿಕಾರಿಗೆ ಪೋನಾಯಿಸಿ ಕ್ರಮ ಜರುಗಿಸುವಂತೆ ಹೇಳುತ್ತಾರೆ. ನಂತರ ಅವರು ಈ ಬಾರಿ ವಿಧಾನಸಭೆಗೆ ಪುನಃ ಆಯ್ಕೆಯಾದರೆ ಕ್ರಷರ್ ಗಳ ಕೆಲಸ ನಿಲ್ಲಿಸುವುದಾಗಿ ಗ್ರಾಮಸ್ಥರಿಗೆ ಭರವಸೆ ನೀಡುತ್ತಾರೆ. ಜನ ವೋಟು ಹಾಕುತ್ತಾರೋ ಇಲ್ಲವೋ ಕಾದುನೋಡಬೇಕು.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ