ವರ್ಷಕ್ಕೆ ಎರಡೇ ಬಾರಿ ನಡೆಯುವ ಪವಾಡ: ಶಿವಲಿಂಗವನ್ನು ನೇರವಾಗಿ ಸ್ಪರ್ಶಿಸಿದ ಸೂರ್ಯ ರಶ್ಮಿ!

ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ಅಡ್ಡಂಕಿ ಪಟ್ಟಣದಲ್ಲಿರುವ ಪ್ರಸಿದ್ಧ ಸಾವಿರ ಕಂಬಗಳ ‘ಶ್ರೀ ಗಂಗಾ ವಿಂಧ್ಯವಾಸಿನಿ ನಾಗೇಶ್ವರ ಸ್ವಾಮಿ’ ದೇವಾಲಯದಲ್ಲಿ ಅಪರೂಪದ ಪ್ರಾಚೀನ ಶಿಲ್ಪಕಲೆಯ ಅದ್ಭುತವೊಂದು ಜರುಗಿದೆ. ಕತ್ತಲೆಯ ಗರ್ಭಗುಡಿಯನ್ನು ಭೇದಿಸಿ ಬಂದ ಪ್ರಕಾಶಮಾನವಾದ ಸೂರ್ಯಕಿರಣಗಳು ನೇರವಾಗಿ ನಾಗೇಶ್ವರ ಸ್ವಾಮಿಯ ಶಿವಲಿಂಗದ ಮೇಲೆ ಬಿದ್ದು ದಿವ್ಯವಾಗಿ ಶೋಭಿಸಿವೆ. ವರ್ಷಕ್ಕೆ ಎರಡು ಬಾರಿ ಮಾತ್ರ (ಉತ್ತರಾಯಣದಲ್ಲಿ ಸಿಂಗಾರಕೊಂಡ ತಿರುನಾಳಿನ ನಂತರ ಮತ್ತು ದಕ್ಷಿಣಾಯಣದಲ್ಲಿ ವಿನಾಯಕ ಚತುರ್ಥಿಯ ಬಳಿಕ) ಸಂಭವಿಸುವ ಈ ಪವಾಡವು ಸತತ ಮೂರು ದಿನಗಳ ಕಾಲ ಜರುಗಲಿದ್ದು, ಅಭಿಷೇಕದ ವೇಳೆ ಶಿವಲಿಂಗವು ಚಿನ್ನದ ಬೆಳಕಿನಲ್ಲಿ ಕಂಗೊಳಿಸಿದ ಈ ವೈಭವವನ್ನು ಕಣ್ಣುಂಬಿಕೊಳ್ಳಲು ಸಾವಿರಾರು ಭಕ್ತರು ದೇವಾಲಯಕ್ಕೆ ಹರಿದುಬರುತ್ತಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ