ಮುಖ್ಯಮಂತ್ರಿಗಳು ಅನಾವರಣಗೊಳಿಸಿದ ಪುನೀತ್ 3ಡಿ​ ಪುತ್ಥಳಿ ಬೇರೆಯವುಗಳಿಗಿಂತ ಭಿನ್ನವಾಗಿದೆ ಎಂದರು ಕಲಾವಿದ ಮೋಹನ್

ಪುತ್ಥಳಿಯ ನಮೂನೆ ತಯಾರಿಸಿದ ಮೇಲೆ ಕಂಪ್ಯೂಟರೈಸ್ಡ್​ ಆರ್ಟ್​ ಕ್ಯಾಮ್​ನಲ್ಲಿ ಇಂದು ಅನಾವರಣ ಮಾಡಿದ ಪುನೀತ್ ಅವರ ಪುತ್ಥಳಿಯನ್ನು ತಯಾರು ಮಾಡಲಾಯಿತು ಎಂದು ಕಲಾವಿದ ಮೋಹನ್ ಹೇಳಿದರು.

ಪುನೀತ್​ ರಾಜಕುಮಾರ್ ಅವರ ಸ್ಮರಣಾರ್ಥ ಪುನೀತ್ ನಮನ ಕಾರ್ಯಕ್ರಮ ಮಂಗಳವಾರದಂದು ಬೆಂಗಳೂರಿನಲ್ಲಿ ನೆರವೇರಿತು. ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರು ಪುನೀತ್​ ಅವರ ಪುತ್ಥಳಿಯನ್ನು ಅನಾವರಣಗೊಳಿಸಿದರು. ಈ ಪುತ್ಥಳಿ ಎಲ್ಲ ಪುತ್ಥಳಿಗಳಂತಿರದೆ ಭಿನ್ನವಾಗಿದೆ. ಇದನ್ನು ತಯಾರಿಸಿದ ಕಲಾವಿದ ಬಿಕೆ ಮೋಹನ್ ಅವರ ಜೊತೆ ಟಿವಿ9 ಸಿನಿಮಾ ವರದಿಗಾರ ಮಾಲ್ತೇಶ್​ ಜಗ್ಗಿನ್ ಅವರು ಮಾತಾಡಿದರು. ಪುತ್ಥಳಿಯನ್ನು ಪ್ಲಾಸ್ಟರ್ ಅಫ್​ ಪ್ಯಾರಿಸ್​, ಎಸ್ ಆರ್​ ಬಿ ಅಥವಾ ಫೈಬರರ್​ಗ​​​ಳನ್ನು ಬಳಸದೆ ತಯಾರಿಸಲಾಗಿದೆ ಅಂತ ಮೋಹನ್ ಅವರು ಹೇಳಿದರು. ಪುತ್ಥಳಿ ತಯಾರಿಸಲು ಮೋಹನ್ ಅವರ ತಂಡ ಅಪ್ಪು ಅವರು ಮುಗಳ್ನಗುತ್ತಿರುವ ಫೋಟೋವೊಂದನ್ನು ಆಯ್ಕೆ ಮಾಡಿಕೊಂಡು ಅದಕ್ಕೆ ಕಂಪ್ಯೂಟರ್​ ನಲ್ಲಿ ಎಂಬೋಸ್​ ಮಾಡಿದರಂತೆ.

ಫೋಟೋವನ್ನು 3ಡಿ ಲೇಯರ್​​​ ಗಳಲ್ಲಿ ಪರಿವರ್ತಿಸಿದ ಬಳಿಕ ಅದನ್ನು ಸಿಎನ್​ಸಿ ರೋಟರ್​ ನಲ್ಲಿ 23 ಗಂಟೆಗಳ ಕಾಲ ಹಾಕಲಾಗಿತ್ತು. ಅದಾದ ಮೇಲೆ ಅದನ್ನು ಪ್ರೊಸೆಸಿಂಗ್ ಮಾಡಿ ಪುತ್ಥಳಿಯ ಒಂದು ನಮೂನೆ ತಯಾರಿಸಲಾಯಿತು. ಇದು ಸಾಮಾನ್ಯ ಪುತ್ಥಳಿಗಿಂತ ಬಹಳ ಭಿನ್ನವಾಗಿದೆ ಎಂದು ಮೋಹನ್ ಹೇಳುತ್ತಾರೆ.

ಪುತ್ಥಳಿಯ ನಮೂನೆ ತಯಾರಿಸಿದ ಮೇಲೆ ಕಂಪ್ಯೂಟರೈಸ್ಡ್​ ಆರ್ಟ್​ ಕ್ಯಾಮ್​ನಲ್ಲಿ ಇಂದು ಅನಾವರಣ ಮಾಡಿದ ಪುನೀತ್ ಅವರ ಪುತ್ಥಳಿಯನ್ನು ತಯಾರು ಮಾಡಲಾಯಿತು ಎಂದು ಕಲಾವಿದ ಮೋಹನ್ ಹೇಳಿದರು. ಈ ಫುತ್ಥಳಿ 50 ಎಮ್ ಎಮ್ ಎಂಬೋಸ್ಡ್​ ಅಂತ ಅವರು ಹೇಳುತ್ತಾರೆ.

ಪುತ್ಥಳಿಯು ಌಂಟಿಕ್ ಗೋಲ್ಡ್ ಬಣ್ಣದಲ್ಲಿದೆ ಮತ್ತು ಅದರ ಇತರ ಫೀಚರ್​​​​​ ಗಳನ್ನು ಗಮನಿಸಿದ್ದೇಯಾದರೆ, ಅದರ ಎತ್ತರ ನಾಲ್ಕು ಅಡಿ ಮತ್ತು ತೂಕ 35-40 ಕೆಜಿ ಇದೆಯಂತೆ.

ಇದನ್ನೂ ಓದಿ:   ನಿಮ್ಮ ವಿಡಿಯೋಗೆ ಯೂಟ್ಯೂಬ್ ವೇದಿಕೆಯಲ್ಲಿ ಡಿಸ್ಲೈಕ್​ಗಳು ಬರುತ್ತಿದ್ದರೆ ಚಿಂತೆ ಬೇಡ, ಇನ್ನು ಮುಂದೆ ಆ ಕೌಂಟರ್ ಕಾಣದಂತೆ ಮರೆಯಾಗುವುದು

Click on your DTH Provider to Add TV9 Kannada