ವಿಧಾನಸೌಧದ ಶಾಶ್ವತ ವರ್ಣರಂಜಿತ ದೀಪಾಲಂಕಾರ ನೋಡಿ

ವಿಧಾನಸೌಧದ ಶಾಶ್ವತ ವರ್ಣರಂಜಿತ ದೀಪಾಲಂಕಾರವನ್ನು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ರವಿವಾರ (ಏ.06) ಉದ್ಘಾಟಿಸಿದರು. ಶನಿವಾರ, ಭಾನುವಾರ, ವಿಶೇಷ ಸಂದರ್ಭದಲ್ಲಿ ವಿದ್ಯುತ್ ದೀಪಗಳನ್ನು ಚಾಲು ಮಾಡಲಾಗುತ್ತದೆ. ವಿಧಾನಸೌಧದವನ್ನು ವಿದ್ಯುತ್​ ದೀಪದಿಂದ ಅಲಂಕಾರ ಮಾಡಲು ಸುಮಾರು 1,063 ವಿದ್ಯುತ್ ದೀಪಗಳನ್ನು ಬಳಸಲಾಗಿದೆ. ಲೆಕ್ಸಾ ಲೈಟಿಂಗ್ಸ್​ಗೆ ಶಾಶ್ವತ ವಿದ್ಯುತ್ ದೀಪಾಲಂಕಾರದ ಗುತ್ತಿಗೆ ನೀಡಲಾಗಿದೆ. ವಿದ್ಯುತ್​ ದೀಪಾಲಂಕಾರ ಉದ್ಘಾಟನಾ ಸಮಾರಂಭದಲ್ಲಿ ವಿಧಾನಸಭಾಧ್ಯಕ್ಷ ಯುಟಿ ಖಾದರ್, ಡಿಸಿಎಂ ಡಿ.ಕೆ.ಶಿವಕುಮಾರ್, ಸಚಿವರಾದ ಹೆಚ್.ಕೆ.ಪಾಟೀಲ್, ಜಾರ್ಜ್, ಸಿಎಸ್ ಶಾಲಿನಿ ಉಪಸ್ಥಿತರಿದ್ದರು.