ಹಾವೇರಿ ತಹಶೀಲ್ದಾರ್ ಕಚೇರಿಯಲ್ಲಿ ಪ್ರತಿ ಕೆಲಸಕ್ಕೂ ದರ ಫಿಕ್ಸ್ ಮಾಡಿದ ದಲ್ಲಾಳಿಗಳು

ಹಾವೇರಿ, ಆ.11: ಹಾವೇರಿ ತಹಶೀಲ್ದಾರರ ಕಚೇರಿ(Haveri Tahsildar Office)ಯಲ್ಲಿ ದಲ್ಲಾಳಿಗಳ ಹಾವಳಿ ಮೀತಿಮೀರಿದ್ದು, ಹೆಜ್ಜೆ ಹೆಜ್ಜೆಗೂ ಅವರೇ ಸಿಗುತ್ತಾರೆ. ಇನ್ನು ಏಜೆಂಟ್​ರ ಮೂಲಕ ಹೋದರೆ ಇಲ್ಲಿ ನಿಮಿಷಗಳಲ್ಲಿಯೇ ಕೆಲಸ ಆಗುತ್ತದೆ. ಇಲ್ಲದಿದ್ದರೆ ತಹಶೀಲ್ದಾರರ ಕಚೇರಿ ಅಲೆದು ಅಲೆದು ನಿಮ್ಮ ಚಪ್ಪಲಿ ಸವೆಯುತ್ತದೆ. ಈ ಮೂಲಕ ಏಜೆಂಟ್​ರ ಮೂಲಕ ಹಗಲು ದರೋಡೆಗೆ ಇಳಿದ್ರಾ ಅಧಿಕಾರಿಗಳು? ಎಂಬ ಪ್ರಶ್ನೆ ಮೂಡಿದೆ. ವಿವಾಹ, ಆಸ್ತಿ ನೊಂದಣಿ , ಪಹಣಿ, ಸೇರಿದಂತೆ ವಿವಿಧ ದಾಖಲೆ ನೀಡಲು ಹೊಟೇಲ್ ಮೇನುದಂತೆ ದರ ನಿಗದಿ ಮಾಡಿಕೊಂಡಿದ್ದಾರೆ ಈ ದಲ್ಲಾಳಿಗಳು. ಮಧ್ಯವರ್ತಿಗಳು ಇಲ್ಲದೇ ನೇರವಾಗಿ ಅಧಿಕಾರಿಗಳ ಬಳಿ ಹೋದರೆ ದಾಖಲೆ ನೀಡಲು ವಿಳಂಬ. ಅದೇ ಏಜೆಂಟ್​ರ ಮೂಲಕ ಹೋದರೆ ಒಂದೇ ದಿನದಲ್ಲಿ ಬೇಕಾದ ದಾಖಲೆ ಕೈ ಸೇರುತ್ತದೆ. ಈ ಮಧ್ಯವರ್ತಿಗಳ ಹಾವಳಿಗೆ ಸಾರ್ವಜನಿಕರು ಹೈರಾಣಾಗಿದ್ದಾರೆ.

ರಾಜ್ಯದ ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ