ಕಾರಲ್ಲಿ ಬಂದು ಪಾಟ್ ಕದಿಯುವ ಕಪಲ್ಸ್; ಸಿಸಿ ಟಿವಿಯಲ್ಲಿ ಸೆರೆಯಾಯ್ತು ವಿಚಿತ್ರ ಫ್ಯಾಮಿಲಿಯ ಕೃತ್ಯ

ಬೆಂಗಳೂರು, ಜುಲೈ.01: ಬೆಂಗಳೂರಲ್ಲೊಂದು ವಿಚಿತ್ರ ಫ್ಯಾಮಿಲಿ ಕಂಡುಬಂದಿದೆ. ಈ ಕುಟುಂಬದ ಕೃತ್ಯ ಕಂಡ ಹೋಟೆಲ್ ಮಂದಿ ಶಾಕ್ ಆಗಿದ್ದಾರೆ. ಅಸಲಿಗೆ ಈ ಕುಟುಂಬ ಮಾಡಿದ್ದೇನು ಅಂದರೆ, ಗಂಡ-ಹೆಂಡತಿ ತಡರಾತ್ರಿ ಹೋಟೆಲ್ ಬಳಿ ಬಂದು ಯಾರು ಇಲ್ಲದ ವೇಳೆ ಗಿಡದ ಪಾಟ್ ಗಳನ್ನು ಕದ್ದಿದ್ದಾರೆ. ಸದ್ಯ ಬೆಂಗಳೂರಿನಲ್ಲಿ ನಡೆದಿದೆ ಎನ್ನಲಾದ ಈ ವಿಡಿಯೋ ದೃಶ್ಯಗಳು ವೈರಲ್ ಆಗಿವೆ.

ಕಾರಿನಲ್ಲಿ ಬಂದ ಮಹಿಳೆ ಮತ್ತು ಪುರಷ ಇಬ್ಬರು ಬಂದು ಪಾಟ್ ಕದಿಯುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಹೋಟೆಲ್ ಒಂದರ ಮುಂದೆ ಶೋಗಾಗಿ ಇರಿಸಿದ್ದ ಪಾಟ್ ಕಳ್ಳತನ ಮಾಡಿದ್ದಾರೆ. ಹೋಟೆಲ್ ಮಾಲೀಕ ಸಿಸಿಟಿವಿ ದೃಶ್ಯಗಳನ್ನು ತನ್ನ ಎಕ್ಸ್​ ಖಾತೆಯಲ್ಲಿ ಹಂಚಿಕೊಂಡಿದ್ದಾನೆ. ಸಿಸಿಟಿವಿ ದೃಶ್ಯ ಆಧರಿಸಿ ಘಟನೆ ಎಲ್ಲಿ ಆಗಿರೋದು, ಯಾವಾಗ ಆಗಿರೋದು ಎಂದು ಪೊಲೀಸರು ಮಾಹಿತಿ ಕೇಳಿದ್ದಾರೆ. ಆದರೆ ಘಟನೆ ಬಗ್ಗೆ ಈ ವರೆಗೂ ಯಾವುದೇ ದೂರು ದಾಖಲಾಗಿಲ್ಲ.

ವಿಡಿಯೋ ಸುದ್ದಿಗಳನ್ನು ನೋಡಲು ಇದರ ಮೇಲೆ ಕ್ಲಿಕ್ ಮಾಡಿ