ವಿಶ್ವ ಮೀನುಗಾರಿಕೆ ದಿನಾಚರಣೆ ಕಾರ್ಯಕ್ರಮದಲ್ಲಿ ಎಡವಟ್ಟು ಮಾಡಿದ ಸಚಿವ ವೈದ್ಯ, ಡಿಕೆ ಶಿವಕುಮಾರ್ ಅವರನ್ನೂ ಮುಖ್ಯಮಂತ್ರಿ ಅಂದುಬಿಟ್ಟರು!

ಬೆಂಗಳೂರು: ಮೀನುಗಾರಿಕಾ ಸಚಿವ ಮಂಕಾಳ ವೈದ್ಯ ವಿಧಾನ ಸೌಧದಲ್ಲಿಂದು ವಿಶ್ವ ಮೀನುಗಾರಿಕೆ ದಿನ (World Fisheries Day) ಅಂಗವಾಗಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ; ಸ್ವಾಗತ ಭಾಷಣ ಮಾಡುವಾಗ ಮಾಡಿದ ಎಡವಟ್ಟು ಕೆಲವರಿಗೆ ಖುಷಿ ನೀಡಿದರೆ ಕೆಲವರಿಗೆ ಇರುಸು ಮುರುಸು ಉಂಟು ಮಾಡಿರುತ್ತದೆ. ಅವರ ಭಾಷಣದ ಆರಂಭಿಕ ಹಂತವನ್ನು ಗಮನಿಸಿ. ರಾಜ್ಯದ ಅನ್ನದಾತ ಮತ್ತು ಮೀನುಗಾರಿಕೆಗೆ ಪೂರಕವಾದ ಸವಲತ್ತ್ತುಗಳನ್ನು ಕಲ್ಪಿಸುತ್ತಿರುವ ರಾಜ್ಯದ ಮುಖ್ಯಮಂತ್ರಿಗಳಾದ ಸನ್ಮಾನ್ಯ ಸಿದ್ದರಾಮಯ್ಯನವರೇ (CM Siddaramaiah) ಅಂತ ಹೇಳುತ್ತಾರೆ. ಅದು ಸರಿ, ಜನ ತಮ್ಮ ಬಾಸ್ ಗಳನ್ನು ಇಂಪ್ರೆಸ್ ಮಾಡಲು ಹಲವಾರು ನಾಮವಿಶೇಷಣಗಳನ್ನು ಬಳಸುತ್ತಾರೆ, ಅದರಲ್ಲಿ ವಿಶೇಷವೇನೂ ಇಲ್ಲ. ಆದರೆ ಮುಂದುವರಿದು ಮಾತಾಡುವ ಅವರು, ರಾಜ್ಯದ ಎಲ್ಲ ಧರ್ಮ, ಜಾತಿ ಜನಾಂಗಗಳು ನೆಮ್ಮದಿಯಿಂದ ಬಾಳಬೇಕು ಎಂಬ ಉದ್ದೇಶ ಇಟ್ಟುಕೊಡಿರುವ ರಾಜ್ಯದ ಮುಖ್ಯಮಂತ್ರಿಗಳಾದ ಡಿಕೆ ಶಿವಕುಮಾರ್ (DK Shivakumar) ಅನ್ನುತ್ತಾರೆ! ವೈದ್ಯ ಇದನ್ನು ಹೇಳುವಾಗ ಕೆಮೆರಾ ಅವರ ಮೇಲೆಯೇ ಫೋಕಸ್ಡ್ ಆಗಿದ್ದರಿಂದ ಸಿದ್ದರಾಮಯ್ಯ ಮತ್ತು ಶಿವಕುಮಾರ್ ಅವರ ರಿಯಾಕ್ಷನ್ ಗಳು ಹೇಗಿದ್ದವು ಅಂತ ನೋಡಲಾಗಲ್ಲ. ಸಂಪುಟ ಪುನಾರಚನೆ ಮಾಡುವಾಗ ಮಂಕಾಳ ವೈದ್ಯ ಮಂತ್ರಿ ಸ್ಥಾನ ಉಳಿಸಿಕೊಳ್ಳುವುದು ಕಷ್ಟ ಎಂಬ ಸಂದೇಹ ಕನ್ನಡಿಗರಲ್ಲಿ ಮೂಡಿರೋದಂತು ಸತ್ಯ ಮಾರಾಯ್ರೇ!

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ