Boat capsizes near Honnavar: ಅರಬ್ಬೀ ಸಮುದ್ರದಲ್ಲಿ ಮೀನುಗಾರಿಕಾ ಬೋಟ್ ಮುಳುಗಡೆ, ಅದರಲ್ಲಿದ್ದ ನಾಲ್ವರು ಮೀನುಗಾರರ ರಕ್ಷಣೆ

ಕಾರವಾರ: ಜಿಲ್ಲೆಯ ಹೊನ್ನಾವರಕ್ಕೆ ಹತ್ತಿರದ ಅಳಿವೆ ಬಳಿ ಅರಬ್ಬೀ ಸಮುದ್ರದಲ್ಲಿ (Arabian Sea) ಮೀನುಗಾರಿಕೆಗೆ ಬಳಸುವ ನಾವೆಯೊಂದು ಮುಗುಚಿದ (capsized) ಘಟನೆ ಇಂದು ಮಧ್ಯಾಹ್ನ ಜರುಗಿದೆ. ಅದೃಷ್ಟವಶಾತ್ ಯಾವುದೇ ಸಾವು ನೋವು ಸಂಭವಿಸಿಲ್ಲ. ನಮಗೆ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಬೇಲೇಕೇರಿ ನಿವಾಸಿ ಕೃಷ್ಣ (Krishna) ಹೆಸರಿನ ವ್ತಕ್ತಿಗೆ ಬೋಟ್ ಸೇರಿತ್ತು. ತಿರಂಗಾ ಹೆಸರಿನ ಬೋಟನ್ನು ಹೊನ್ನಾವರದ ಕಾಸರಕೋಡಿನಿಂದ ಬೇಲೇಕೇರಿಗೆ ರಿಪೇರಿಗೆ ಅಂತ ನಾವೆಯನ್ನು ತೆಗೆದುಕೊಂಡು ಹೋಗುವಾಗ ದುರ್ಘಟನೆ ಜರುಗಿದೆ. ಬೋಟ್ ನಲ್ಲಿದ್ದ 4 ಜನ ಮೀನುಗಾರರನ್ನು ರಕ್ಷಿಸಿ ಮತ್ತೊಂದು ಬೋಟ್ ನಲ್ಲಿ ತರುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದು. ಬೋಟ್ ಮಾಲೀಕ ಕೃಷ್ಣ ಹೇಳುವ ಪ್ರಕಾರ ಅದರ ಮುಳುಗಡೆಯಿಂದ ರೂ. 20 ಲಕ್ಷ ನಷ್ಟವುಂಟಾಗಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ