‘ಹಿಂದಿ ಈಸ್ ಎ ಅಫಿಷಿಯಲ್ ಲಾಂಗ್ವೇಜ್’: ಬೆಂಗಳೂರು ಹೋಟೆಲ್​ನಲ್ಲಿ ಡಿಜಿಟಲ್ ಬೋರ್ಡ್, ವಿಡಿಯೋ ವೈರಲ್

ಬೆಂಗಳೂರು, ಮಾರ್ಚ್ 21: ಕರ್ನಾಟಕದಲ್ಲಿ ಹಿಂದಿ ಹೇರಿಕೆ ಮಾಡಲಾಗುತ್ತಿದೆ ಎಂಬ ಆರೋಪ ಹಾಗೂ ಅದಕ್ಕೆ ವಿರೋಧಗಳ ನಡುವೆಯೇ ಅನ್ಯ ರಾಜ್ಯದ ಮ್ಯಾನೇಜರ್ ಒಬ್ಬರು ಉದ್ಧಟತನ ಮೆರೆದಿದ್ದಾರೆ. ಹೋಟೆಲ್​​ನಲ್ಲಿ ‘ಹಿಂದಿ ಈಸ್ ಎ ಅಫಿಷಿಯಲ್ ಲಾಂಗ್ವೇಜ್’ ಎಂಬ ಡಿಜಿಟಲ್ ಬೋರ್ಡ್ ಹಾಕಿಸಿದ್ದಾರೆ. ವಿದ್ಯಾರಣ್ಯಪುರದ ಎಂಎಸ್ ಪಾಳ್ಯ ಸರ್ಕಲ್‌ನ ಗುರು ದರ್ಶನ್ ಕೆಫೆ ಮೇಲ್ಭಾಗ ಹಿಂದಿ ಕುರಿತ ಬೋರ್ಡ್ ಹಾಕಿಸಲಾಗಿದೆ. ಸಾಮಾಜಿಕ ಮಾಧ್ಯಮಗಳಲ್ಲಿ ವಿಡಿಯೋ ವೈರಲ್ ಆದ ಕೂಡಲಲೇ ಎಚ್ಚೆತ್ತ ಪೊಲೀಸರು ಡಿಜಿಟಲ್ ಬೋರ್ಡ್​​ನಲ್ಲಿದ್ದ ಬರಹ ಅಳಿಸಿಹಾಕಿದ್ದಾರೆ. ಈ ಬಗ್ಗೆ ಕಟ್ಟಡ ಮಾಲೀಕರನ್ನು ಕರೆಸಿ ವಿಚಾರಣೆಗೆ ಒಳಪಡಿಸಿದ್ದಾರೆ. ಹಳೆ ಮ್ಯಾನೇಜರ್ ಕೃತ್ಯ ಎಸಗಿದ್ದಾಗಿ ವಿಚಾರಣೆ ವೇಳೆ ಪೊಲೀಸರಿಗೆ ಮಾಹಿತಿ ದೊರೆತಿದೆ.

ವರದಿ: ಪ್ರದೀಪ್ ಚಿಕ್ಕಾಟಿ, ‘ಟಿವಿ9’

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ