ಜೈಲಿನಲ್ಲಿ ಬೀಡಿ, ಸಿಗರೇಟ್ಗೆ ಅವಕಾಶ ಇರುತ್ತಾ? ನಿವೃತ್ತ ಪೊಲೀಸ್ ಅಧಿಕಾರಿ ತೆರೆದಿಟ್ಟ ಸತ್ಯ
Updated on: Aug 25, 2024 | 6:39 PM
ವೈರಲ್ ಆಗಿರುವ ದರ್ಶನ್ ಅವರ ಫೋಟೋವನ್ನು ನೋಡಿ ಎಲ್ಲರಿಗೂ ಅಚ್ಚರಿ ಆಗಿದೆ. ಜೈಲಿನ ಒಳಗೆ ರೌಡಿಶೀಟರ್ಗಳ ಜೊತೆ ಕುಳಿತ ದರ್ಶನ್ ಆರಾಮಾಗಿ ಟೀ ಕುಡಿದು, ಸಿಗರೇಟ್ ಸೀದುತ್ತಾ ಕಾಲ ಕಳೆಯುತ್ತಿದ್ದಾರೆ. ಕೊಲೆ ಕೇಸ್ನಲ್ಲಿ ಜೈಲು ಸೇರಿರುವ ಅವರು ಅಲ್ಲಿ ಬಿಂದಾಸ್ ಜೀವನ ಸಾಗಿಸುತ್ತಿರುವುದಕ್ಕೆ ಸಾಕ್ಷಿ ಎಂಬಂತೆ ಈ ಫೋಟೋ ವೈರಲ್ ಆಗಿದೆ.
ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಎ2 ದರ್ಶನ್ ಹಾಗೂ ನಟೋರಿಯಸ್ ರೌಡಿಗಳಾದ ವಿಲ್ಸನ್ ಗಾರ್ಡನ್ ನಾಗ, ಕುಳ್ಳ ಸೀನಾ ಮುಂತಾದವರು ಜೈಲಿನೊಳಗೆ ಆರಾಮಾಗಿ ಕಾಲ ಕಳೆಯುತ್ತಿದ್ದಾರೆ. ಅವರು ಒಟ್ಟಿಗೆ ಕುಳಿತು ಸಿಗರೇಟ್ ಸೇದಿತ್ತಿರುವ ಫೋಟೋ ನೋಡಿದ ಬಳಿಕ ಜೈಲಿನ ವ್ಯವಸ್ಥೆ ಬಗ್ಗೆ ಸಾಕಷ್ಟು ಅನುಮಾನಗಳು ತಲೆ ಎತ್ತಿವೆ. ಈ ಬಗ್ಗೆ ನಿವೃತ್ತಿ ಪೊಲೀಸ್ ಅಧಿಕಾರಿ ನಾಗರಾಜ್ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. ‘ಫೋಟೋ ನೋಡಿದರೆ ನಾವು ನಂಬಬೇಕಾಗುತ್ತದೆ. ನ್ಯಾಯಾಲಯ ಮನೆ ಊಟ ನೀಡಲು ಸಹ ಅವಕಾಶ ನೀಡಿಲ್ಲ. ಹಾಗಿರುವಾಗ ಸಿಗರೇಟ್ ನೀಡಿದ್ದು ಗಂಭೀರ ಪ್ರಕರಣ. ಅದನ್ನು ಜೈಲಿನಲ್ಲಿ ಉಪಯೋಗಿಸಲು ಅವಕಾಶ ಇಲ್ಲ. ಕಾನೂನು ಉಲ್ಲಂಘನೆ ಮಾಡಿದವರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ಕೆಲವು ವ್ಯಕ್ತಿಗಳಿಗೆ ಬೀಡಿ, ಸಿಗರೇಟ್ ನೀಡಲು ಅನುಮತಿ ಇದೆ. ಅದು ವೈದ್ಯರು ಶಿಫಾರಸು ಮಾಡಿದರೆ ಮಾತ್ರ ಕಾನೂನಿನ ಪ್ರಕಾರವೇ ಹೋಗಬೇಕು’ ಎಂದು ನಿವೃತ್ತಿ ಪೊಲೀಸ್ ಅಧಿಕಾರಿ ನಾಗರಾಜ್ ಹೇಳಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
