ನ್ಯೂಯಾರ್ಕ್​ನಲ್ಲಿ ‘ಜೇಮ್ಸ್​’ ಸಿನಿಮಾ ನೋಡಿ ಸಂಭ್ರಮಿಸಿದ ಅಪ್ಪು ಫ್ಯಾನ್ಸ್​

ಪುನೀತ್ ರಾಜ್​ಕುಮಾರ್ (Puneeth Rajkumar) ನಟನೆಯ ‘ಜೇಮ್ಸ್’ ಸಿನಿಮಾ (James Movie) ವಿಶ್ವಾದ್ಯಂತ ತೆರೆಗೆ ಬಂದಿದೆ. ಅಪ್ಪು ಹೀರೋ ಆಗಿ ಕಾಣಿಸಿಕೊಂಡ ಕೊನೆಯ ಸಿನಿಮಾ ಎಂಬ ಕಾರಣಕ್ಕೆ ಅಭಿಮಾನಿಗಳು ಮುಗಿಬಿದ್ದು ಸಿನಿಮಾ ನೋಡುತ್ತಿದ್ದಾರೆ. ಈ ಚಿತ್ರಕ್ಕೆ ಐಎಂಡಿಬಿಯಲ್ಲಿ 9.9 ರೇಟಿಂಗ್ ನೀಡಲಾಗಿದೆ. ಈ ಚಿತ್ರವನ್ನು ನ್ಯೂಯಾರ್ಕ್​ನಲ್ಲಿ ಅಭಿಮಾನಿಗಳು ಕಣ್ತುಂಬಿಕೊಂಡಿದ್ದಾರೆ. ಈ ಬಗ್ಗೆ ವಿಡಿಯೋ ಒಂದು ವೈರಲ್​ ಆಗುತ್ತಿದೆ. ನ್ಯೂಯಾರ್ಕ್​ನಲ್ಲಿ (New York) ಸಿನಿಮಾ ನೋಡಿದ ಪುನೀತ್​ ಫ್ಯಾನ್ಸ್​, ‘ಟ್ವಿಂಕಲ್ ಟ್ವಿಂಕಲ್‌ ಲಿಟ್ಲ್​ ಸ್ಟಾರ್​ ಪುನೀತ್ ಈಸ್ ಸೂಪರ್​ಸ್ಟಾರ್’ ಎಂದು ಕೂಗಿದ್ದಾರೆ. ‘ಜೇಮ್ಸ್’ ನೋಡಿ ಮೆಚ್ಚಿ ಅಭಿಮಾನಿಗಳು ವಿಶ್​ ಮಾಡಿದ್ದಾರೆ. ‘ದಿ ಕಾಶ್ಮೀರ್​ ಫೈಲ್ಸ್​’ ಸಿನಿಮಾ ಮಾ.11ರಂದು ತೆರೆಕಂಡಿತು. ಆರಂಭದಲ್ಲಿ ಈ ಚಿತ್ರಕ್ಕೆ ಹೆಚ್ಚು ರೇಟಿಂಗ್​ ನೀಡಲಾಗಿತ್ತು. ಆದರೆ ವೋಟಿಂಗ್​ ಪ್ರತಿಕ್ರಿಯೆಯಲ್ಲಿ ಅನುಮಾನ ವ್ಯಕ್ತವಾಗಿದ್ದರಿಂದ ಬೇರೆ ವ್ಯವಸ್ಥೆಯ ಮೂಲಕ ಈ ಚಿತ್ರಕ್ಕೆ ರೇಟಿಂಗ್​ ನೀಡಲಾಯಿತು. ಆಗ ಸಿಕ್ಕಿದ್ದೇ 8.3 ರೇಟಿಂಗ್​. ಈ ಚಿತ್ರಕ್ಕೆ 5 ಲಕ್ಷಕ್ಕೂ ಅಧಿಕ ಜನರು ವೋಟ್​ ಮಾಡಿದ್ದಾರೆ. ‘ಜೇಮ್ಸ್​’ ಸಿನಿಮಾಗೆ ಸದ್ಯಕ್ಕೆ ಮೂರೂವರೆ ಸಾವಿರ ಜನರು ವೋಟ್​ ಮಾಡಿದ್ದು, 9.9 ಸಿಕ್ಕಿದೆ.

ಇದನ್ನೂ ಓದಿ: ‘ದಿ ಕಾಶ್ಮೀರ್​ ಫೈಲ್ಸ್​’ಗಿಂತಲೂ ಹೆಚ್ಚು IMDb ರೇಟಿಂಗ್​ ಪಡೆದ ‘ಜೇಮ್ಸ್​’; 10ಕ್ಕೆ 9.9 ನೀಡಿದ ಪ್ರೇಕ್ಷಕರು

‘ಜೇಮ್ಸ್​’ ಸಿನಿಮಾ ನೋಡಲು ಬಂದ ಅಭಿಮಾನಿಗಳಿಗೆ ಭರ್ಜರಿ ಬಾಡೂಟ; ಇಲ್ಲಿದೆ ವಿಡಿಯೋ