ಕೋಲಾರ ಜಿಲ್ಲಾಸ್ಪತ್ರೆಯಲ್ಲಿ ಕೆಟ್ಟ ಐಸಿಯು ಎಸಿಗಳು: ರೋಗಿಗಳು ಬೇರೆಡೆ ಶಿಫ್ಟ್​

ಕೋಲಾರ, ಏಪ್ರಿಲ್​ 07: ಕೋಲಾರ ಜಿಲ್ಲಾಸ್ಪತ್ರೆಯ (Kolar District Hospital) ಐಸಿಯುನಲ್ಲಿನ ಎಸಿ (AC) ಕೆಟ್ಟಿದ್ದು, ಸೆಕೆಯಾಗಿ ರೋಗಿಗಳು ಪರದಾಡಿದರು. ರೋಗಿಗಳಿಗೆ ಅವರ ಕುಟುಂಬದ ಸದಸ್ಯರು ಗಾಳಿ ಬೀಸುತ್ತಿದ್ದಾರೆ. ಇನ್ನು ಕೆಲ ರೋಗಿಗಳ ಸಂಬಂಧಿಕರು ಮನೆಯಿಂದಲೇ ಫ್ಯಾನ್​ ತಂದಿದ್ದಾರೆ. ಕಳೆದ ಒಂದು ವಾರದಿಂದ ಐಸಿಯುನಿಲ್ಲಿ ಎಸಿ ಕೆಟ್ಟಿದೆಯಂತೆ. ಸಮಪರ್ಕವಾದ ಗಾಳಿಯಿಲ್ಲದೆ ಕೆಲ ರೋಗಿಗಳು ಸತ್ತಿದ್ದಾರೆ ಎಂದು ರೋಗಿಗಳ ಸಂಬಂಧಿಕರು ತಿಳಿಸಿದ್ದಾರೆ.

ಇನ್ನು, ಈ ಬಗ್ಗೆ ಟಿವಿ9 ವರದಿ ಪ್ರಸಾರಮಾಡಿದ ಕೆಲವೇ ನಿಮಿಷಗಳಲ್ಲಿ ರೋಗಿಗಳನ್ನು ಜಿಲ್ಲಾಸ್ಪತ್ರೆಯ ಮತ್ತೊಂದು ಐಸಿಯು ವಾರ್ಡ್​ಗೆ ಸಿಬ್ಬಂದಿ ಶಿಪ್ಟ್​ ಮಾಡಿದ್ದಾರೆ. ಕಳೆದ ನಾಲ್ಕೈದು ದಿನಗಳಿಂದ ನರಕಯಾತನೆ ಅನುಭವಿಸಿದ್ದ ರೋಗಿಗಳು ಹಾಗೂ ಸಿಬ್ಬಂದಿಗಳು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.

ಐಸಿಯುನಲ್ಲಿನ ರೋಗಿಗಳ ವಿವರ-

• ರೋಗಿ-1 ಗೌರಿ- ಬ್ಲಡ್​ನಲ್ಲಿ ಬಿಳಿ ರಕ್ತಕಣದ ಕೊರತೆಯಿಂದ ದಾಖಲು.
• ರೋಗಿ-2 ಮೇರಿ- ನ್ಯುಮೋನಿಯಾ ರೋಗದಿಂದ ಬಳಲುತ್ತಿರುವ ಅಜ್ಜಿ.
• ರೋಗಿ-3 ಲೋಕೇಶ್​- ವಿಷ ಸೇವಿಸಿ ಆತ್ಮಹತ್ಯಗೆ ಯತ್ನಿಸಿ ನಂತರ ಆಸ್ಪತ್ರೆಗೆ ದಾಖಲು.
• ರೋಗಿ-4 ವೆಂಕಟೇಶ್​- ಬ್ರೈನ್​ ಸ್ಟ್ರೋಕ್​ ನಿಂದ ಐಸಿಯುವಿನಲ್ಲಿ ಚಿಕಿತ್ಸೆ.
• ರೋಗಿ-5 ಅನ್ವರ್​- ಶ್ವಾಸಕೋಶದ ಸಮಸ್ಯೆ ಉಸಿರಾಟದ ತೊಂದರೆಯಿಂದ ಐಸಿಯುವಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.