ಕೊಪ್ಪಳ ಗವಿಸಿದ್ದಪ್ಪ ಕೊಲೆಗೆ ಮತ್ತೊಂದು ಟ್ವಿಸ್ಟ್: ಸ್ಫೋಟಕ ಅಂಶ ಬಿಚ್ಚಿಟ್ಟ ತಾಯಿ!

ಕೊಪ್ಪಳ, ಆಗಸ್ಟ್​ 18: ಪ್ರೀತಿ ವಿಚಾರವಾಗಿ ನಡೆದ ಗವಿಸಿದ್ದಪ್ಪ ನಾಯಕ ಕೊಲೆ ಪ್ರಕರಣಕ್ಕೆ ಬಿಗ್​ ಟ್ವಿಸ್ಟ್​ ಸಿಕ್ಕಿದೆ. ಕೊಲೆಯಾದ ಗವಿಸಿದ್ದಪ್ಪ ಸೇರಿದಂತೆ ನಾಲ್ವರ ವಿರುದ್ಧ ಕೊಪ್ಪಳ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಕೇಸ್ ದಾಖಲಾಗಿದೆ. ಹತ್ಯೆಯಾದ ಗವಿಸಿದ್ದಪ್ಪ, ಗವಿಸಿದ್ದಪ್ಪ ತಂದೆ ನಿಂಗಜ್ಜ ನಾಯಕ, ತಾಯಿ ದೇವಮ್ಮ, ಸಹೋದರಿ ಅನ್ನಪೂರ್ಣ ವಿರುದ್ಧ ಪೋಕ್ಸೋ ಪ್ರಕರಣ ದಾಖಲಾಗಿದೆ. ತಮ್ಮ ಕುಟುಂಬದ ವಿರುದ್ಧ ಫೋಕ್ಸೋ ಕೇಸ್​ ದಾಖಲಾಗಿರುವ ಬಗ್ಗೆ ಗವಿಸಿದ್ದಪ್ಪ ತಾಯಿ ದೇವಮ್ಮ ಮಾತನಾಡಿ, ರಾಜಿ ಪಂಚಾಯಿತಿ ಬಳಿಕವೂ ಕೇಸ್​ ದಾಖಲಿಸಿದ್ದು ಏಕೆ? ನನ್ನ ಮತ್ತು ನನ್ನ ಮಗನ ಮೇಲೆ ಕೇಸ್​ ಹಾಕಲಿ, ನನ್ನ ಪತಿ ಮತ್ತು ಮಗಳ ಮೇಲೆ ಕೇಸ್​ ದಾಖಲಿಸಿದ್ದು ಏಕೆ ಎಂದು ಪ್ರಶ್ನಿಸಿದ್ದಾರೆ.