ಇಂಡಿಯಾ- ವೆಸ್ಟ್ ಇಂಡೀಸ್ ಪಂದ್ಯಕ್ಕೆ ಡಿಸಿಎಂ ಪರಮೇಶ್ವರ್ರನ್ನು ಆಹ್ವಾನಿಸಿದ KSCA ಅಧ್ಯಕ್ಷ ವೆಂಕಟೇಶ್ ಪ್ರಸಾದ್
KSCA ಅಧ್ಯಕ್ಷ ವೆಂಕಟೇಶ್ ಪ್ರಸಾದ್ ಅವರು ಉಪ ಮುಖ್ಯಮಂತ್ರಿ ಪರಮೇಶ್ವರ ಅವರನ್ನು ಭೇಟಿ ಮಾಡಿದ್ದಾರೆ. ಅ.17ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಭಾರತ-ವೆಸ್ಟ್ ಇಂಡೀಸ್ T20 ಪಂದ್ಯಕ್ಕೆ ಡಿಸಿಎಂ ಅವರನ್ನು ಆಹ್ವಾನಿಸಿದ ಪ್ರಸಾದ್, ಚಿನ್ನಸ್ವಾಮಿ ಕ್ರೀಡಾಂಗಣದ ಸಿದ್ಧತೆಗಳ ಕುರಿತು ಚರ್ಚಿಸಿದ್ದಾರೆ. ಚಿನ್ನಸ್ವಾಮಿಗೆ ಎಕ್ಸ್ಪರ್ಟ್ ಕಮಿಟಿ ಬಂದಿತ್ತು. ನಾವು ಭದ್ರತಾ ವ್ಯವಸ್ಥೆ ಮಾಡಿದ್ದು ನೋಡಿ ಖುಷಿಯಾಗಿದ್ದಾರೆ ಎಂದೂ ಅವರು ತಿಳಿಸಿದ್ದಾರೆ.
ಬೆಂಗಳೂರು, ಅಕ್ಟೋಬರ್ 13: KSCA ಅಧ್ಯಕ್ಷ ವೆಂಕಟೇಶ್ ಪ್ರಸಾದ್ ಡಿಸಿಎಂ ಡಾ. ಜಿ. ಪರಮೇಶ್ವರ್ ಅವರನ್ನು ಸದಾಶಿವ ನಗರದ ನಿವಾಸದಲ್ಲಿ ಭೇಟಿಯಾಗಿ, ಅಕ್ಟೋಬರ್ 17ರಂದು ಬೆಂಗಳೂರಿನಲ್ಲಿ ನಡೆಯಲಿರುವ ಇಂಡಿಯಾ- ವೆಸ್ಟ್ ಇಂಡೀಸ್ ನಡುವಿನ ಟಿ20 ಪಂದ್ಯಕ್ಕೆ ಆಹ್ವಾನಿಸಿದ್ದಾರೆ. ಬಳಿಕ ಮಾತನಾಡಿದ ಅವರು, ಚಿನ್ನಸ್ವಾಮಿಗೆ ಎಕ್ಸ್ಪರ್ಟ್ ಕಮಿಟಿ ಬಂದಿತ್ತು. ನಾವು ಭದ್ರತಾ ವ್ಯವಸ್ಥೆ ಮಾಡಿದ್ದು ನೋಡಿ ಖುಷಿಯಾಗಿದ್ದಾರೆ. ಡಿಸಿಎಂಗೆ ಮ್ಯಾಚ್ ನೋಡಲು ಬರುವಂತೆ ಅಹ್ವಾನ ಕೊಟ್ಟಿದ್ದೇವೆ. ಕುನ್ಹಾ ಕಮಿಟಿ ಹೇಳಿದ ಶೇ. 90ರಷ್ಟು ಕೆಲಸ ಮಾಡಿದ್ದೆವೆ. ಶೇ.10ರಷ್ಟು ಕೆಲಸ ಬಾಕಿ ಇದ್ದು,ಮುಂದೆ ಎಲ್ಲವನ್ನೂ ಮಾಡುತ್ತೇವೆ. ಸದ್ಯ 35 ಸಾವಿರ ಸೀಟ್ ಇದೆ. ಅದನ್ನು 60 ಸಾವಿರಕ್ಕೆ ಏರಿಸಿ ಗ್ರೌಂಡ್ ಅಭಿವೃದ್ಧಿ ಮಾಡುವ ಯೋಚನೆ ಇದೆ. ಮಾಸ್ಟರ್ ಪ್ಲ್ಯಾನ್ ಬರೋದಕ್ಕೆ 4 ತಿಂಗಳು ಆಗುತ್ತೆ. ದೇವರ ದಯೆ ಇದ್ದರೆ ನನ್ನ ಅವಧಿಯಲ್ಲೇ ಆಗುತ್ತದೆ. ಕೆಲಸ ಮಾಡುವಾಗ ಟೀಕೆಗಳು ಸಾಮಾನ್ಯ. ಡಿಸಿಎಂ ನಮಗೆ ಸಪೋರ್ಟ್ ಮಾಡಿದ್ದಾರೆ. ಅದಕ್ಕೆ ಧನ್ಯವಾದಗಳನ್ನು ತಿಳಿಸಿದ್ದೇವೆ ಎಂದವರು ಹೇಳಿದ್ದಾರೆ.
ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್ ಮಾಡಿ.