ಮಂಡ್ಯ ಜಿಲ್ಲೆಯಿಂದ ಓಂ ಶಕ್ತಿಗೆ ಯಾತ್ರೆಗೆ ತೆರಳಿದ್ದ ಅನೇಕ ಭಕ್ತರಿಗೆ ಕೋವಿಡ್​ ಸೋಂಕು, ಅಲರ್ಟ್​ ಆಯಿತು ಆರೋಗ್ಯ ಇಲಾಖೆ

ಪ್ರತಿವರ್ಷದಂತೆ ಈ ವರ್ಷವೂ ನಮ್ಮ ಸಕ್ಕರೆ ನಾಡು ಮಂಡ್ಯ ಜಿಲ್ಲೆಯಿಂದ ಅನೇಕ ಮಹಿಳಾ ಭಕ್ತರು ಓಂ ಶಕ್ತಿ ಯಾತ್ರೆಗೆ ಮೆಲ್ಮಾರುವತ್ತೂರ್ ಗೆ ಹೋಗಿದ್ದಾರೆ. ಮಂಡ್ಯ ಜಿಲ್ಲೆಯಿಂದ ಸುಮಾರು 2,000 ಕ್ಕೂ ಹೆಚ್ಚು ಭಕ್ತರು ಪುಣ್ಯಸ್ಥಳಕ್ಕೆ ತೆರಳಿದ್ದರು ಎಂಬ ಮಾಹಿತಿ ಇದೆ. ಕೋವಿಡ್-19 ಸೋಂಕು ಅವರನ್ನು ಎಲ್ಲಿಂದ ಹಿಂಬಾಲಿಸಲು ಆರಂಭಿಸಿತೋ? ನಮಗೆ ಲಭ್ಯವಾಗಿರುವ ಮಾಹಿತಿಯ ಪ್ರಕಾರ ಶ್ರೀರಂಗಪಟ್ಟಣ ತಾಲ್ಲೂಕೂ ಒಂದರಲ್ಲೇ 73 ಜನರಲ್ಲಿ ಕೋವಿಡ್​ ಸೋಂಕು ಕಾಣಿಸಿಕೊಂಡಿದೆ.

ಮಂಡ್ಯ ಜಿಲ್ಲೆಯ ಆರೋಗ್ಯ ವ್ಯವಸ್ಥೆ ಅಲರ್ಟ್​ ಆಗಿಬಿಟ್ಟಿದೆ. ಯಾತ್ರೆಯಿಂದ ವಾಪಸ್ಸು ಬಂದಿರುವವರಿಗೆಲ್ಲ ಕಡ್ಡಾಯವಾಗಿ ಕೋವಿಡ್​​ ಪರೀಕ್ಷೆ ನಡೆಸುವ ಭಾಗವಾಗಿ ಅರ್​ ಟಿ-ಪಿಸಿಅರ್ ಟೆಸ್ಟ್​​ಗಳನ್ನು ಮಾಡಲಾಗುತ್ತಿದೆ. ಸ್ಯಾಂಪಲ್​ ಸಂಗ್ರಹಿಸಿದ ಬಳಿಕ ರಿಸಲ್ಟ್​ ಬರುವವರೆಗೆ ಅವರನ್ನು ಲಭ್ಯವಿರುವ ಕೋವಿಡ್​ ಕೇರ್​ ಸೆಂಟರ್​​​​ ಗಳಲ್ಲಿ ಕ್ವಾರಂಟೀನ್ ಮಾಡಲಾಗುತ್ತಿದೆ.

ಹಿಂದೂ ಪವಿತ್ರ ಸ್ಥಳಗಳಲ್ಲಿ ಒಂದಾಗಿರುವ ತಮಿಳುನಾಡಿನ ಮೆಲ್ಮಾರುವತ್ತೂರ್ ನಲ್ಲಿರುವ ಅರುಲ್​ ಮಿಗು ಆದಿಪ್ರಶಕ್ತಿ ಸಿದ್ಧಾರ್ ಪೀಠಂಗೆ ಪ್ರತಿವರ್ಷ ಲಕ್ಷಾಂತರ ಭಕ್ತರು ಅದರಲ್ಲೂ ವಿಶೇಷವಾಗಿ ಮಹಿಳಾ ಭಕ್ತರು ಭೇಟಿ ನೀಡುತ್ತಾರೆ. ಕಳೆದ 2,000 ವರ್ಷಗಳಿಂದ ಇದು ಪವಿತ್ರ ಸ್ಥಳವೆನಿಸಿಕೊಂಡಿದೆ. ಬೇರೆ ಬೇರೆ ಧರ್ಮಗಳಿಗೆ ಸೇರಿದ 21 ಮಹಿಳೆ ಮತ್ತ ಪುರುಷ ಸಿದ್ಧಾರ್​​ಗಳು ಇಲ್ಲಿ ತಮ್ಮ ಜೀವ ಸಮಾಧಿಗಳನ್ನು ಹೊಂದಿದ್ದಾರೆ.

ಈ ಸ್ಥಳದಲ್ಲಿ ಒಬ್ಬ ಮಹಿಳಾ ಸಿದ್ಧಾರ್ ವಾಸವಾಗಿದ್ದು ತನ್ನ ಸನ್ನಿಧಿಗೆ ಬರುವ ಭಕ್ತಾದಿಗಳನ್ನು ಹರಸುತ್ತಾಳೆ ಎಂಬ ನಂಬಿಕೆಯಿದೆ. ಹಾಗಾಗೇ, ಇಲ್ಲಿಗೆ ಬರುವ ಭಕ್ತಾದಿಗಳಲ್ಲಿ ಹೆಚ್ಚಿನವರು ಮಹಿಳೆಯರೇ ಅಗಿರುತ್ತಾರೆ.

ಇದನ್ನೂ ಓದಿ:   ವಿಜಯೋತ್ಸವದಲ್ಲಿ ಡ್ಯಾನ್ಸ್ ಮಾಡಿದ ಯುವಕರ ಮೇಲೆ ಹಣದ ಹೊಳೆ ಹರಿಸಿದ ಬಿಜೆಪಿ ಕಾರ್ಯಕರ್ತರು, ಡಿಸೆಂಬರ್ 30ರ ವಿಡಿಯೋ ವೈರಲ್