‘ಮುಖ್ಯಮಂತ್ರಿ’ ನಾಟಕದ 900ನೇ ಪ್ರದರ್ಶನ: ಮೈಲುಗಲ್ಲಿನ ಬಗ್ಗೆ ಚಂದ್ರು ಮಾತು

ಜನಪ್ರಿಯ ‘ಮುಖ್ಯಮಂತ್ರಿ’ ನಾಟಕ 900ನೇ ಪ್ರದರ್ಶನ ಕಾಣುತ್ತಿದೆ. ಈ ಕುರಿತು ನಟ ಮುಖ್ಯಮಂತ್ರಿ ಚಂದ್ರು ಅವರು ಟಿವಿ9 ಜೊತೆ ಮಾತನಾಡಿದ್ದಾರೆ. ‘ಒಬ್ಬನೇ ವ್ಯಕ್ತಿ ನಿರಂತರವಾಗಿ 900 ಶೋ ಮಾಡಿದ ಉದಾಹರಣೆ ಬೇರೆ ಎಲ್ಲೂ ಇಲ್ಲ. 900 ಪ್ರದರ್ಶನಗಳಲ್ಲೂ ನಾನೇ ಮುಖ್ಯಮಂತ್ರಿ ಪಾತ್ರ ಮಾಡಿದ್ದೇನೆ. ಇದು ಮುಂದಿನ ತಲೆಮಾರಿನ ಜನರಿಗೆ ತಿಳಿಯಬೇಕು. ಬೇರೆ ಬೇರೆ ಕ್ಷೇತ್ರದಲ್ಲಿ ನಾನು ತೊಡಗಿಕೊಂಡಿದ್ದರೂ ಕೂಡ ಈ ನಾಟಕವನ್ನು ನಾನು ಬಿಟ್ಟಿಲ್ಲ. ಪ್ರತಿ ತಿಂಗಳು ಒಂದು ಶೋ ಮಾಡಿದ್ದೇನೆ. ಅಂತರ ಕೊಡದೇ ಎಲ್ಲ ವರ್ಷ ಕೂಡ ಮಾಡಿದ್ದೇನೆ. ಇದು ಒಂದು ರೀತಿಯ ನನ್ನ ವಿಶೇಷವಾದ ವ್ಯಕ್ತಿತ್ವ. 900ನೇ ಪ್ರದರ್ಶನವನ್ನು ವಿಶೇಷವಾಗಿ ಮಾಡಬೇಕು ಅಂತ ಅನಿಸಿದೆ. ಇದನ್ನು ಉಚಿತವಾಗಿ ಮಾಡುತ್ತೇವೆ. ವೀಕ್ಷಕರು ಮುಂಚಿತವಾಗಿ ಪಾಸ್ ಪಡೆಯಬೇಕು’ ಎಂದು ಚಂದ್ರು ಅವರು ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.