ವಿದ್ಯುತ್​ ದೀಪಾಲಂಕಾರ ನೋಡುತ್ತ ಮೈಸೂರು ಅರಮನೆಗೆ ಬಂದ ದಸರಾ ಆನೆಗಳು

ಮೈಸೂರು, ಆಗಸ್ಟ್​ 10: ಮೈಸೂರಿನ ಅಶೋಕಪುರಂ ಅರಣ್ಯ ಭವನದಿಂದ ದಸರಾ ಗಜಪಡೆ ರವಿವಾರ (ಆ.10) ಅರಮನೆಗೆ ಆಗಮಿಸಿದವು. ಸಂಜೆ ಹೊತ್ತು ಜಗಮಗಿಸುವ ಅರಮನೆಯ ವಿದ್ಯುತ್​ ದೀಪಾಲಂಕಾರವನ್ನು ನೋಡುತ್ತಾ ಆನೆಗಳು ಬಂದವು. ಇನ್ನು ಮೈಸೂರು ಅರಣ್ಯ ಭವನದಲ್ಲಿ ಆನೆಗಳಿಗೆ ಪೂಜೆ ಮಾಡುತ್ತಿರುವ ವೇಳೆ ಮಳೆ ಬಂತು. ಮಳೆಯಲ್ಲೇ ಅರಣ್ಯ ಇಲಾಖೆ‌ ಅಧಿಕಾರಿಗಳು ಸಿಬ್ಬಂದಿಗಳಿಂದ ಪೂಜೆ ಸಲ್ಲಿಸಿ ಸಾಂಪ್ರದಾಯಿಕವಾಗಿ ಅರಣ್ಯ ಭವನದಿಂದ ಬೀಳ್ಕೊಟ್ಟರು. ದಸರಾ ಆನೆಗಳು ಆಗಸ್ಟ್​ 4ರಂದು ಕಾಡಿನಿಂದ ನಾಡಿಗೆ ಬಂದಿದ್ದವು. ಕ್ಯಾಪ್ಟನ್ ಅಭಿಮನ್ಯು ನೇತೃತ್ವದ 9 ಆನೆಗಳು ಬಂದಿದ್ದವು. ಇಂದು ಅರಮನೆಯನ್ನು ಪ್ರವೇಶಿಸಿದವು.