ಇಂದಿನಿಂದ ಮೈಸೂರು ದಸರಾ ಖಾಸಗಿ ದರ್ಬಾರ್, ಕಂಕಣ ಧಾರಣೆಯ ವಿಶೇಷತೆ ಏನು? ಯದುವೀರ್ ಒಡೆಯರ್ ವಿವರಣೆ ಇಲ್ಲಿದೆ

ಮೈಸೂರು, ಸೆಪ್ಟೆಂಬರ್ 22: ಮೈಸೂರು ದಸರಾ 2025ರ ಆಚರಣೆಗಳು ಅರಮನೆಯಲ್ಲಿ ಭವ್ಯವಾಗಿ ಆರಂಭಗೊಂಡಿವೆ. ಸಂಸದರೂ ಆಗಿರುವ, ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರು ಖಾಸಗಿ ದರ್ಬಾರ್, ಕಂಕಣ ಧಾರಣೆ ಸೇರಿದಂತೆ ದಸರಾ ಆಚರಣೆಯ ಪ್ರಮುಖ ಅಂಶಗಳ ಕುರಿತು ವಿವರಿಸಿದ್ದಾರೆ. ಬೆಳಿಗ್ಗೆ ಚಾಮುಂಡೇಶ್ವರಿ ಪೂಜೆಯಿಂದ ಆರಂಭಗೊಂಡು ಕಂಕಣಧಾರಣೆ, ಸಿಂಹಾಸನಾರೋಹಣ, ದರ್ಬಾರ್ ಮತ್ತು ಮಹಾಮಂಗಳಾರತಿಯಂತಹ ಕಾರ್ಯಕ್ರಮಗಳು ನಡೆಯಲಿವೆ. ಕಂಕಣಧಾರಣೆಯು ರಕ್ಷಣೆ ಮತ್ತು ಶುಭದ ಸಂಕೇತವಾಗಿದ್ದು, ರಾಜಪರಂಪರೆಯ ಪೂಜಾ ವಿಧಿಗಳ ಭಾಗವಾಗಿದೆ. ಈ ಆಚರಣೆಗಳು ಶತಮಾನಗಳಿಂದಲೂ ಮೈಸೂರು ಅರಮನೆಯಲ್ಲಿ ನಡೆಯುತ್ತ ಬಂದಿವೆ. ದಸರಾ ಉತ್ಸವವು ಮೈಸೂರಿನ ಸಂಸ್ಕೃತಿ ಮತ್ತು ಪರಂಪರೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಒಡೆಯರ್ ಹೇಳಿದ್ದಾರೆ. ಇನ್ನಷ್ಟು ಮಾಹಿತಿ ಹಾಗೂ ವಿವರಣೆಯನ್ನು ಯದುವೀರ್ ಒಡೆಯರ್ ಮಾತುಗಳಲ್ಲೇ ನೋಡಿ, ವಿಡಿಯೋ ಇಲ್ಲಿದೆ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ