‘ವಿಷ್ಣುವರ್ಧನ್-ಸುಹಾಸಿನಿ ನಡುವೆ ನಡೆಯುತ್ತಿದ್ದ ಮಾತುಕತೆಯೇ ಬೇರೆ’: ನಾಗತಿಹಳ್ಳಿ ಚಂದ್ರಶೇಖರ್
ವಿಷ್ಣುವರ್ಧನ್ ಮತ್ತು ಸುಹಾನಿಸಿ ಜೊತೆಯಾಗಿ ನಟಿಸಿದ್ದ ‘ಮಾತಾಡ್ ಮಾತಾಡು ಮಲ್ಲಿಗೆ’ ಚಿತ್ರಕ್ಕೆ ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನ ಮಾಡಿದ್ದರು. ಆ ವೇಳೆ ಕಂಡ ಘಟನೆಗಳನ್ನು ಅವರು ಟಿವಿ9 ಜೊತೆ ಹಂಚಿಕೊಂಡಿದ್ದಾರೆ.
ವಿಷ್ಣುವರ್ಧನ್ ಮತ್ತು ಸುಹಾನಿಸಿ ಅವರು ಒಂದು ಕಾಲದ ಸೂಪರ್ ಹಿಟ್ ಜೋಡಿ ಆಗಿದ್ದರು. ಅವರಿಬ್ಬರು ‘ಬಂಧನ’ ಸಿನಿಮಾದಲ್ಲಿ ಮಾಡಿದ ಮೋಡಿಯನ್ನು ಎಂದಿಗೂ ಮರೆಯುವಂತಿಲ್ಲ. ಆ ಚಿತ್ರದ ‘ಬಣ್ಣ.. ನನ್ನ ಒಲವಿನ ಬಣ್ಣ..’ ಹಾಡಿನ ಥೀಮ್ಅನ್ನು ‘ಮಾತಾಡ್ ಮಾತಾಡ್ ಮಲ್ಲಿಗೆ’ ಚಿತ್ರದ ಹಾಡಿನಲ್ಲಿ ಮತ್ತೆ ಬಳಸಿಕೊಳ್ಳಲಾಗಿತ್ತು. ಒಟ್ಟಾರೆ ಆ ಚಿತ್ರದ ಶೂಟಿಂಗ್ ಸಂದರ್ಭದಲ್ಲಿ ನಡೆದ ಘಟನೆಗಳನ್ನೆಲ್ಲ ನಿರ್ದೇಶಕ ನಾಗತಿಹಳ್ಳಿ ಚಂದ್ರಶೇಖರ್ ಮೆಲುಕು ಹಾಕಿದ್ದಾರೆ.
‘ಶೂಟಿಂಗ್ ಮುಗಿದ ಬಳಿಕ ವಿಷ್ಣುವರ್ಧನ್ ಮತ್ತು ಸುಹಾಸಿನಿ ಅವರು ಸಂಜೆ ಕುಳಿತುಕೊಂಡು ಅದ್ಭುತವಾದ ಮಾತುಕತೆ ಮಾಡುತ್ತಿದ್ದರು. ಅದು ಟೈಮ್ ಪಾಸ್ ಮಾತುಕತೆ ಅಲ್ಲ. ಸುಹಾಸಿನಿ ತುಂಬ ಓದಿಕೊಂಡಿದ್ದಾರೆ. ಜಗತ್ತಿನ ಯಾವುದೇ ವಿಷಯದ ಬಗ್ಗೆಯೂ ಅವರು ಮಾತನಾಡಬಲ್ಲರು. ಅವರು ಎಲ್ಲ ಹೊಸ ಕಲಾವಿದರಿಗೆ ಮಾದರಿ. ಅವರ ಜತೆ ಮಾತನಾಡುವುದು ಎಂದರೆ ವಿಷ್ಣುವರ್ಧನ್ ಅವರಿಗೆ ತುಂಬ ಇಷ್ಟ. ವಾಕಿಂಗ್ ಮಾಡುವಾಗ, ಊಟ ಮಾಡುವಾಗಲೂ ಅವರು ಚರ್ಚೆ ಮಾಡುತ್ತಿದ್ದರು’ ಎಂದು ನಾಗತಿಹಳ್ಳಿ ಚಂದ್ರಶೇಖರ್ ಹೇಳಿದ್ದಾರೆ.
ಇದನ್ನೂ ಓದಿ:
‘ಬಂಧನ 2’ ಚಿತ್ರಕ್ಕೆ ಡೆಡ್ಲಿ ಆದಿತ್ಯ ಹೀರೋ; ಇದು ವಿಷ್ಣುವರ್ಧನ್ ನಟನೆಯ ಕ್ಲಾಸಿಕ್ ಸಿನಿಮಾದ ಮುಂದಿನ ಭಾಗ
