ಱಪಿಡ್ ಆ್ಯಂಟಿಜೆನ್ ಟೆಸ್ಟ್​ನಲ್ಲಿ ಪಾಸಿಟಿವ್, ಆರ್ ಟಿ-ಪಿಸಿಆರ್ ಟೆಸ್ಟ್​ನಲ್ಲಿ ನೆಗೆಟಿವ್.. ಶುರುವಾಯ್ತು ಟೆನ್ಷನ್

[lazy-load-videos-and-sticky-control id=”ukeefhNZtMc”]

ಬೆಂಗಳೂರು: ರಾಜಧಾನಿಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಸೋಂಕಿತರ ವರದಿಯನ್ನು ಬೇಗ ಪಡೆಯಲು ಸರ್ಕಾರ ಕೋವಿಡ್ ಱಪಿಡ್ ಆ್ಯಂಟಿಜೆನ್ ಟೆಸ್ಟ್ ಮಾಡುತ್ತಿದೆ. ಆದರೆ ಈಗ ಅದರ ಮೇಲೆ ಅನುಮಾನಗಳು ಶುರುವಾಗಿದೆ.

ಱಪಿಡ್ ಆ್ಯಂಟಿಜೆನ್ ಟೆಸ್ಟ್‌ನಲ್ಲಿ ಕೊವಿಡ್ ಪಾಸಿಟಿವ್ ವರದಿ ಬಂದ್ರೆ. ಆರ್‌ಟಿ-ಪಿಸಿಆರ್ ಟೆಸ್ಟ್‌ನಲ್ಲಿ ಕೊವಿಡ್ ನೆಗೆಟಿವ್ ಬರ್ತಿದೆ. ಈ ಹಿನ್ನೆಲೆಯಲ್ಲಿ ಒಂದೇ ದಿನ 2 ಟೆಸ್ಟ್‌ಗಳನ್ನ ಮಾಡಿದಾಗ ವಿಷಯ ಬೆಳಕಿಗೆ ಬಂದಿದೆ. ಹೀಗಾಗಿ ಱಪಿಡ್ ಆ್ಯಂಟಿಜೆನ್ ಟೆಸ್ಟ್‌ ಬಗ್ಗೆ ಅನುಮಾನ ಶುರುವಾಗಿದೆ.

ಱಪಿಡ್ ಆ್ಯಂಟಿಜೆನ್ ಟೆಸ್ಟ್​ನಲ್ಲಿ ಪಾಸಿಟಿವ್, ಆರ್ ಟಿ-ಪಿಸಿಆರ್ ಟೆಸ್ಟ್​ನಲ್ಲಿ ನೆಗೆಟಿವ್
ಬಿಬಿಎಂಪಿ ನಿತ್ಯ 20 ಸಾವಿರ ರ್ಯಾಪಿಡ್ ಆಂಟಿಜೆನ್ ಟೆಸ್ಟ್ ಮಾಡುವ ಗುರಿ ಹೊಂದಿದೆ. ರ್ಯಾಪಿಡ್ ಆಂಟಿಜೆನ್ ಟೆಸ್ಟ್​ನಲ್ಲಿ ಪಾಸಿಟಿವ್ ಬಂದರೆ ನೇರವಾಗಿ ಕೋವಿಡ್ ಸೆಂಟರ್ ಅಥವಾ ಹೋಮ್‌ಐಸೋಲೇಶನ್ ಮಾಡಲಾಗುತ್ತಿದೆ. ರ್ಯಾಪಿಡ್ ಆಂಟಿಜೆನ್ ಟೆಸ್ಟ್​ನಲ್ಲಿ ಇದುವರೆಗೆ ಸುಮಾರು 8 ಸಾವಿರಕ್ಕೂ ಅಧಿಕ ಸೋಂಕಿತರು ಪತ್ತೆಯಾಗಿದ್ದಾರೆ.

ಆಂಟಿಜೆನ್ ಟೆಸ್ಟ್ ಬಗ್ಗೆ ಸಾಕಷ್ಟು ದೂರುಗಳು ಕೇಳಿ ಬಂದ ಹಿನ್ನೆಲೆಯಲ್ಲಿ ಬಿಬಿಎಂಪಿಯ ಕೆಲ ಅಧಿಕಾರಿಗಳು ಆಂಟಿಜೆನ್ ಟೆಸ್ಟ್ ಮಾಡಿದ ದಿನವೇ ಗಂಟಲು ದ್ರವ ಪರೀಕ್ಷೆ ನಡೆಸಿದ್ರು. ಆಗ ಕೆಲವರಿಗೆ ಆಂಟಿಜೆನ್ ಟೆಸ್ಟ್ ನಲ್ಲಿ ಪಾಸಿಟಿವ್ ಬಂದಿದ್ದು, ಗಂಟಲು ದ್ರವ ಪರೀಕ್ಷೆಯಲ್ಲಿ ನೆಗೆಟಿವ್ ಬಂದಿದೆ. ಸಾಮಾನ್ಯವಾಗಿ ಬಿಬಿಎಂಪಿ ಆಂಟಿಜೆನ್ ಟೆಸ್ಟ್ ನಲ್ಲಿ ಪಾಸಿಟಿವ್ ಬಂದ ಸೋಂಕಿತರಿಗೆ, ಮರು ಗಂಟಲು ದ್ರವ ಪರೀಕ್ಷೆ ಮಾಡ್ತಿಲ್ಲ. ಆಂಟಿಜೆನ್ ಟೆಸ್ಟ್ ವರದಿಯನ್ನೇ ಅಂತಿಮ ಎನ್ನಲಾಗ್ತಿದ್ದು, ಇದೀಗ ಆಂಟಿಜೆನ್ ಟೆಸ್ಟ್ ಮೇಲೆ ಅನುಮಾನ ಹೆಚ್ಚಾಗಿದೆ.

ಈ ಟೆಸ್ಟ್ ವಿರುದ್ಧ ಧ್ವನಿ ಎತ್ತಿರುವ ಬಿಜೆಪಿ ಕಾರ್ಪೋರೇಟರ್ಸ್ ಆಂಟಿಜೆನ್ ಟೆಸ್ಟ್ ಪಾಸಿಟಿವ್ ಹಾಗೂ RT-PCR ವರದಿಯಲ್ಲಿ ನೆಗೆಟಿವ್ ಬರ್ತಿದೆ. ಆಂಟಿಜೆನ್ ಟೆಸ್ಟ್ ನಂಬಲು ಸಾಧ್ಯವಾಗ್ತಿಲ್ಲ. ಸುಮ್ಮನೆ ಜನರ ತೆರಿಗೆ ದುಡ್ಡಲ್ಲಿ ಆಂಟಿಜೆನ್ ಕಿಟ್ ಖರೀದಿ ಮಾಡಿದ ಕಿಟ್​ಗಳು ವ್ಯರ್ಥವಾಗ್ತಿದೆ. ಆಂಟಿಜೆನ್ ಟೆಸ್ಟ್​ನಲ್ಲಿ ಪಾಸಿಟಿವ್ ಬಂದವರಿಗೆ, ಗಂಟಲು ದ್ರವ ಪರೀಕ್ಷೆಯ ಮಾಹಿತಿನೇ ನೀಡ್ತಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.