ಮೊಬೈಲ್​ ರಿಂಗ್​ ಆಗಿದ್ದಕ್ಕೂ ಹಣ ಕೊಡಬೇಕು ಅಂದ್ರೆ ಹೇಗೆ? ರಕ್ಷಿತ್ ಶೆಟ್ಟಿ ಗರಂ

ನಟ ರಕ್ಷಿತ್​ ಶೆಟ್ಟಿ ಅವರು ನಿರ್ಮಾಣ ಮಾಡಿದ ‘ಬ್ಯಾಚುಲರ್​ ಪಾರ್ಟಿ’ ಸಿನಿಮಾದಲ್ಲಿ ಎರಡು ಹಾಡು ಅನುಮತಿ ಇಲ್ಲದೇ ಬಳಕೆ ಆಗಿದೆ ಎಂಬ ಕಾರಣದಿಂದ ಅವರ ಮೇಲೆ ಕಾಪಿರೈಟ್​ ಉಲ್ಲಂಘನೆ ಆರೋಪ ಮಾಡಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಇಂದು (ಆಗಸ್ಟ್​ 2) ರಕ್ಷಿತ್​ ಶೆಟ್ಟಿ ಅವರು ವಿಚಾರಣೆಗೆ ಹಾಜರಾಗಿದ್ದಾರೆ. ಈ ವೇಳೆ ಅವರು ಗರಂ ಆಗಿ ಮಾತನಾಡಿದ್ದಾರೆ. ‘ಕಾಪಿ ರೈಟ್​ ಅಂದ್ರೆ ಏನು ಎಂಬುದು ನಮಗೂ ಗೊತ್ತಾಗಬೇಕು. ಹಾಗಾಗಿ ನಾವು ನ್ಯಾಯಾಲಯದಲ್ಲಿ ಫೈಟ್​ ಮಾಡುತ್ತಿದ್ದೇವೆ. ಸಿನಿಮಾದಲ್ಲಿ 3 ಸೆಕೆಂಡ್​ ಮೊಬೈಲ್​ ರಿಂಗ್​ ಆದರೂ ರಾಯಲ್ಟಿ ನೀಡಬೇಕು ಅಂದರೆ ಯಾವು ಯಾಕೆ ಹಣ ನೀಡಬೇಕು’ ಎಂದು ರಕ್ಷಿತ್​ ಶೆಟ್ಟಿ ಪ್ರಶ್ನಿಸಿದ್ದಾರೆ. ಎಂಆರ್​ಟಿ ಮ್ಯೂಸಿಕ್​ ಹಾಕಿದ ಕೇಸ್​ ವಿಚಾರದಲ್ಲಿ ರಕ್ಷಿತ್​ ಶೆಟ್ಟಿ ಈ ರೀತಿ ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.