Ramya Raghupathi: ‘ಮಹಿಳೆಯರ ಜತೆ ನರೇಶ್ ಕೆಟ್ಟದಾಗಿ ಮಾತಾಡಿದ 400 ಕಾಲ್ ರೆಕಾರ್ಡಿಂಗ್ ಇದೆ’: ಗಂಡನಿಗೆ ರಮ್ಯಾ ರಘುಪತಿ ತಿರುಗೇಟು
Naresh | Pavitra Lokesh: ನಟ ನರೇಶ್ ವ್ಯಕ್ತಿತ್ವದ ಬಗ್ಗೆ ಅವರ ಪತ್ನಿ ರಮ್ಯಾ ರಘುಪತಿ ಹಲವು ಆರೋಪ ಮಾಡುತ್ತಿದ್ದಾರೆ. ಇಬ್ಬರ ನಡುವಿನ ಜಗಳ ತಾರಕಕ್ಕೇರಿದೆ.
ಟಾಲಿವುಡ್ ನಟ ನರೇಶ್ ಮತ್ತು ಅವರ ಪತ್ನಿ ರಮ್ಯಾ ರಘುಪತಿ (Ramya Raghupathi) ನಡುವಿನ ಕಿತ್ತಾಟ ಬೇರೆ ಬೇರೆ ಸ್ವರೂಪ ಪಡೆದುಕೊಳ್ಳುತ್ತಿದೆ. ಇಷ್ಟು ದಿನ ಖಾಸಗಿಯಾಗಿ ಉಳಿದಿದ್ದ ಅವರಿಬ್ಬರ ಮನಸ್ತಾಪ ಈಗ ಜಗಜ್ಜಾಹೀರಾಗಿದೆ. ಪತಿ-ಪತ್ನಿ ಪರಸ್ಪರ ಆರೋಪ ಪ್ರತ್ಯಾರೋಪ ಮಾಡಿಕೊಳ್ಳುತ್ತಿದ್ದಾರೆ. ನರೇಶ್ ((Naresh) ಓರ್ವ ಹೆಣ್ಣುಬಾಕ ಎಂದು ರಮ್ಯಾ ಆರೋಪಿಸಿದ್ದರು. ‘ಹಾಗಿದ್ದರೂ ನನ್ನ ಮೇಲೆ ಓರ್ವ ಮಹಿಳೆ ಕೂಡ ಯಾಕೆ ಆರೋಪ ಮಾಡಿಲ್ಲ’ ಎಂದು ನರೇಶ್ ಪ್ರಶ್ನೆ ಹಾಕಿದ್ದರು. ಅದಕ್ಕೆ ಉತ್ತರಿಸಿರುವ ರಮ್ಯಾ ರಘುಪತಿ ಅವರು ಈಗ ತಿರುಗೇಟು ನೀಡಿದ್ದಾರೆ. ‘ಆತನ 300-400 ಕೆಟ್ಟ ಕಾಲ್ ರೆಕಾರ್ಡಿಂಗ್ (Call Recording) ಇದೆ. ಅದನ್ನು ನ್ಯಾಯಾಲಯಕ್ಕೆ ನೀಡಿದ್ದೇವೆ’ ಎಂದು ಅವರು ಹೇಳಿದ್ದಾರೆ. ತಮ್ಮ ಮೇಲೆ ನರೇಶ್ ಹೊರಿಸಿದ ಅನೇಕ ಆರೋಪಗಳನ್ನು ರಮ್ಯಾ ಅವರು ತಳ್ಳಿ ಹಾಕಿದ್ದಾರೆ.
ಇದನ್ನೂ ಓದಿ: ‘ನನಗೂ-ನರೇಶ್ಗೂ ಡಿವೋರ್ಸ್ ಆಗಿಲ್ಲ’; ಮೂರನೇ ಹೆಂಡತಿ ರಮ್ಯಾ ರಘುಪತಿ ಮಾತು
‘ನಮ್ಮಿಬ್ಬರ ನಡುವೆ ಗೆಳೆತನ ಇರುವುದು ನಿಜ’; ಪವಿತ್ರಾ ಲೋಕೇಶ್ ವಿಚಾರವಾಗಿ ಮೊದಲ ಬಾರಿಗೆ ಮೌನ ಮುರಿದ ನರೇಶ್